• ບໍລິສັດໂອໂຕເອເຊຍ ເປີດໂຕຫ້ອງຂາຍ ແລະລົດໃໝ່ 3 ຮຸ່ນ ພ້ອມຈຳຫນ່າຍແລ້ວ

ໂດຍ: ສີເປື້ອນມື 20 ຕຸລາ 2021 (17.12 ນ.) Read : 7,136

ໃນວັນທີ 19 ຕຸລາ 2021 ຜ່ານມານີ້, ທາງບໍລິສັດໂອໂຕເອເຊຍຈຳກັດ ໄດ້ນຳເອົາລົດລຸ້ນໃໝ່ຫລ້າສຸດຈາກ Great Wall Motor (GWM) 3 ລຸ້ນຍີ່ຫໍ້ All-NewHAVAL JOLION, HAVAL H6 ແລະ ລົດກະບະ GWMPOER ມາຈຳໜ່າຍໃນຕະຫລາດ ສປປ ລາວ ພ້ອມທັງເປີດຫ້ອງຂາຍໃໝ່ GWM ຢູ່ບ້ານໂພນທັນ ເມືອງໄຊເສດຖາ ນະຄອນຫລວງວຽງຈັນ ຜ່ານທາງອອນໄລ (Facebook live).
ລົດທີ່ນຳມານຳສະເໜີ 3 ລຸ້ນດັ່ງກ່າວ, ເປັນລົດທີ່ມີຄວາມທັນສະໄໝ, ລ້ຳດ້ວຍເທັກໂນໂລຢີອັດສະລິຍະໃໝ່ຫລ້າສຸດ ເຊັ່ນ: ລົດ HAVAL JOLION 1.5L Turbo 150 ແຮງມ້າ ແລະ 220 ແຮງບິດ ຈັບຄູ່ກັບເກຍໂອໂຕ 7 speed DCT. ອອກແບບໄດ້ຢ່າງໂດດ, ປະສົມປະສານກັບສຸດຍອດແຫ່ງເທັກໂນໂລຍີ ແລະ ອັດແໜ້ນກັບ Function ຄວາມປອດໄພຊັ້ນສູງ ພ້ອມໂຄງສ້າງຊ່ວງລ່າງສຸດລໍ້າຍຸກ ເພື່ອໃຫ້ໄດ້ສະມັດທະນະການຂັບຂີ່ທີ່ດີສຸດ ທຸກສະພາບຖະໜົນຢ່າງເໜືອລະດັບ, ລາ ຄາເລີ່ມຕົ້ນ 24.900 ໂດລາສະຫະລັດ; ລົດ All-New HAVAL H62.0L Turbo 204 ແຮງມ້າ ແລະ 220 ແຮງບິດ ຈັບຄູ່ກັບເກຍໂອໂຕ 7 speed DCT, ນະວັດຕະກໍາ SUV Premium ດ້ວຍ Design ທີ່ເປັ່ງປະກາຍໃນທຸກມິຕິ ສ້າງສັນມາໃຫ້ສົມບູນແບບ ງາມສະງ່າຢ່າງແຕກຕ່າງຫລູຫລາ, ມາພ້ອມກັບນະວັດຕະກຳສຸດລ້ຳຂອງເທັກໂນໂລຢີ ຄວາມປອດໄພຊັ້ນເລີດ, ເປັນຜູ້ນຳລົດ SUV ສຸດຍອດນິຍົມໃນ ສປ.ຈີນ ຄອງອັນດັບ 1 ເຖິງ 8 ປີຊ້ອນ ດ້ວຍຍອດຂາຍ 3.500.000 ຄັນ ທົ່ວໂລກ, ລາຄາເລີ່ມຕົ້ນ 33.900 ໂດລາສະຫະລັດ, ສຳລັບ ສະເປັກ ແລະ Functions ທີ່ມີໃນ HAVAL ທັງ 2 ລຸ້ນ, ມີລະບົບການຂັບຂີ່ເຖິງ 4 mode ຄື: ມາດຕະຖານ, ສະປອດ, ປະຢັດ ແລະ ສະພາບຖະໜົນໝື່ນ, ສາມາດປັບໂໝດ ນ້ຳໜັກພວງມະໄລ ໄດ້ 3 ລະດັບ: ແບບສະປອດ, ສະບາຍ ແລະ ນຸ້ມນວນ ທີ່ຈະເຮັດໃຫ້ທ່ານເພີດເພີນໃນທຸກເສັ້ນທາງທີ່ທ່ານຕາມຫາ, ນອກຈາກນີ້, ຍັງມີລະບົບຄວາມປອດໄພອັດສະລິຍະ LIFE+ (LIFE PLUS).
ສ່ວນລົດກະບະ GWM ເປັນລົດກະບະ ຈາກ ສປ ຈີນ ທີ່ສົ່ງອອກຂາຍຕ່າງປະເທດ ຫລາຍກວ່າ 45 ປະເທດທົ່ວໂລກ ຕິດຕໍ່ກັນເຖິງ 23ປີ ຊ້ອນ ຄອງຕ່ຳແໜ່ງລາຍໃຫຍ່ທີ່ສຸດ ແລະ ສາມາດຄອງສ່ວນແບ່ງການຕະຫລາດພາຍໃນປະເທດໄດ້ເຖິງ 50%. ກະບະ POER ນໍາໃຊ້ໂຄງສ້າງແບບໃຫມ່ P71 Platform ເນັ້ນຄວາມແຂງແກ່ນ-ປອດໄພ-ນ້ຳໜັກເບົາ, ໃຫ້ພື້ນທີ່ກວ້າງ-ນໍາໃຊ້ເຫລັກພິເສດ ເຕັມດ້ວຍປະສິດຕິພາບ ແຕ່ໃຫ້ຄວາມຮູ້ສຶກນຸ້ມນວນຄືລົດ SUV ບໍ່ວ່າຈະແລ່ນໃນທາງວິບາກ Off-road ຫລື ໃນເມືອງ ກໍ່ຂັບຂີ່ສະບາຍ, ເຄື່ອງຈັກ 2.0L Turbo ກາຊ້ວນ ໃຫ້ພະລັງເຖິງ 163Hp ແຮງບິດ 400Nm ປະສານກັບເກຍໂອໂຕ ເຖິງ 8speed ຈາກ ZF ປະເທດເຢຍລະມັນ ພ້ອມລະບົບຂັບເຄື່ອນ 4 ລໍ້ອັດສະລິຍະ, ມີລະບົບການຂັບຂີ່ເຖິງ 3mode ຄື: ມາດຕະຖານ,ປະຢັດ ແລະ ສະປອດ, ສາມາດປັບໂໝດ ນ້ຳໜັກພວງມະໄລໄດ້ 3 ລະດັບ: ແບບສະປອດ, ສະບາຍ ແລະ ນຸ້ມນວນທີ່ສາມາດຕອບໂຈດທຸກ Life Style ຂອງທ່ານ, ລາຄາເລີ່ມຕົ້ນ 28.900 ໂດລາສະຫະລັດ.
ທ່ານ ກົງເພັດ ແກ້ວມະນີວົງ ຜູ້ຈັດການທົ່ວໄປ ຂອງ ບໍລິສັດ ໂອໂຕເອເຊຍ ຈຳກັດ ກ່າວວ່າ: ບໍລິສັດ Auto Asia ມີທີມງານຜູ້ບໍລິຫານທີ່ມີປະສົບການຍາວນານ ກ່ຽວກັບດ້ານບໍລິການ ທຸລະກິດຈຳໜ່າຍລົດມາຫລາຍກວ່າ 30 ປີ, ບໍ່ວ່າຈະເປັນເລື່ອງຂອງການຂາຍ ທີ່ຈະຄອຍໃຫ້ຄຳແນະນຳ ກ່ຽວກັບຜະລິດຕະພັນເປັນຢ່າງດີ, ການບໍລິການຫລັງການຂາຍ ຈາກຊ່າງເຕັກນິກທີ່ໄດ້ຮັບການຝຶກອົບຮົບໄດ້ມາດຕະຖານ ເພື່ອໃຫ້ການສ້ອມແປງກວດເຊັກລົດຂອງທ່ານ ມີປະສິດທິພາບສູງສຸດ ແລະ ຖືກຈຸດ, ການຕອບສະໜອງເລື່ອງອາໄຫລ່, ການບໍລິການເລື່ອງສິນເຊື່ອ ແລະ ດ້ານອື່ນໆ ທີ່ທາງບໍລິສັດ ໂອໂຕ ເອເຊຍ ຈຳກັດ ຂອງພວກເຮົາແມ່ນໄດ້ກຽມຄວາມພ້ອມໃນທຸກດ້ານ ເພື່ອອຳນວຍຄວາມສະ ດວກສະບາຍ ແລະ ເພື່ອສົ່ງມອບຄຸນນະພາບການບໍລິການໃຫ້ລູກຄ້າຢ່າງອຸ່ນໃຈ ແລະ ໝັ່ນໃຈ ສ້າງຄວາມເພີ່ງພໍໃຈໃຫ້ສູງສຸດ ເພື່ອມອບລົດທີ່ມີຄຸນນະພາບລໍ້າດ້ວຍ Technology, ເປັນມິດກັບສິ່ງ ແວດລ້ອມ, ໃຫ້ຄວາມປອດໄພສູງສຸດ ແລະ ດີໄຊທີສະງ່າງາມ ໃນລາຄາທີ່ເໝາະສົມ ໃນການເປັນເຈົ້າຂອງລົດ GWM ຈາກພວກເຮົາ. ໃນ 7 ເດືອນຕົ້ນ ປີ 2021 ນີ້, ຍອດການຂາຍລົດຂອງພວກເຮົາ ເຕີບໂຕຢ່າງຕໍ່ເນື່ອງດ້ວຍຍອດຂາຍ 7 ແສນຄັນ ເພີ່ມຂຶ້ນເກືອບ 50% ທຽບໃສ່ປີຜ່ານມາ, ສ່ວນຍອດຂາຍຢູ່ຕ່າງປະເທດສູງເຖິງ 74.000 ຄັນ ເພີ່ມຂຶ້ນ 176.2% ທຽບໃສ່ປີຜ່ານມາ ແລະ ຍອດຂາຍລວມທັງໝົດເພີ່ມຂຶ້ນ 10.4%, GWM ມີຖານການຜະລິດ 17 ແຫ່ງ ແລະ ໂຮງງານປະກອບໃນ ສປ ຈີນ, ໄທ, ລັດເຊຍ, ອິນເດຍ ແລະ ປະເທດອື່ນໆທົ່ວໂລກ.
ໃນປີ 2025 GWM ວາງແຜນທີ່ຈະຂາຍລົດໃຫ້ໄດ້ເຖິງ 4 ລ້ານຄັນທົ່ວໂລກ ພາຍໃນປີດຽວ, ໃນນັ້ນ ປະເພດລົດກະບະ ຈະໃຫ້ໄດ້ຂຶ້ນເປັນທີ 3 ຂອງໂລກ, ບໍລິສັດ GWM ໄດ້ທຸ່ມເທ ແລະ ລົງ ທຶນຢ່າງຫລວງຫລາຍເຂົ້າໃນການຄົ້ນຄວ້າ, ວິໄຈ ແລະ ພັດທະນາເທັກໂນໂລຊີລະດັບໂລກ ແລະ ຮູບແບບການຜະລິດຕະຫລອດໄລຍະຜ່ານມາ ເພື່ອເຮັດໃຫ້ຮາກຖານຂອງການຜະລິດລົດທີ່ເຫັນໄດ້ໃນປັດຈຸບັນນີ້ ມີປະສິດທິພາບ ແລະ ຄຸນນະພາບໃນລະດັບແຖວໜ້າຂອງໂລກ.

ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ