• ກອງ​ປະຊຸມ​ໃຫຍ່​​ຜູ້​ແທນ​ແນວ​ລາວ​ສ້າງ​ຊາດ​ແຂວງ​ ຄັ້ງ​ທີ VII

ໂດຍ: ສີເປື້ອນມື 16 ມີນາ 2021 (14.13 ນ.) Read : 6,413

ກອງ​ປະຊຸມ​ໃຫຍ່ ຄັງ​ທີ VII ຂອງ​ຜູ້​ແທນ​ແນວ​ລາວ​ສ້າງ​ຊາດ​ແຂວງ​ຫຼວງ​ພະ​ບາງ ​ໄດ້​ໄຂ​ຂຶ້ນ​ຢ່າງ​ເປັນ​ທາງການ ​ໃນ​ວັນທີ 16 ມີນາ 2021 ໂດຍການໃຫ້ກຽດເຂົ້າຮ່ວມຂອງທ່ານ ​ໄຊ​ສົມ​ພອນ ພົມວິຫານ, ກໍາມະການ​ກົມ​ການ​ເມືອງສູນ​ກາງ​ພັກ, ປະທານສູນກາງແນວລາວສ້າງຊາດ,ມີທ່ານ ຄໍາຂັນ ຈັນທະ​ວີ​ສຸກ, ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຫຼວງ​ພະ​ບາງ,່ ຕາງໜ້າ່ພະແນກການ, ອົງການທຽບເທົ່າ, ຕົວແທນຊົນເຜົ່າ-ຊັ້ນຄົນ, ສາສະໜາ ໃນຂອບເຂທົ່ວແຂວງເຂົ້າຮ່ວມ.
ທ່ານ ເອິງ ລໍສະຫວັນ ປະທານແຮງລາວສ້າງຊາດແຂວງວັງພະບາງ ກ່າວເປີດວ່າ: ກອງປະຊຸມໃຫຍ່ຄັ້ງນີ້ ຈະໄດ້ຕີລາຄາ, ທົບທວນຄືນຜົນຂອງການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ VI ຂອງຜູ້ແທນແນວລາວສ້າງຊາດ​ແຂວງ ໄລຍະ 5 ປີ (2015-2020) ຜ່ານມາ ແລະ ກໍານົດຄາດໝາຍສູ້ຊົນ, ທິດທາງຫນ້າທີ່ ​ແລະ ວຽກງານຈຸດ​ສຸມໃນ 5 ປີຕໍ່ໜ້າ (2021 ເຖິງ​ 2025);ຮັບຟັງການປະກອບຄໍາເຫັນ ທີ່ເປັນການຖ່າຍຖອດບົດຮຽນອັນພົ້ນເດັ່ນ ໃນການຈັດຕັ້ງປະຕິບັດພາລະບົດບາດເຕົ້າໂຮມຄວາມສາມັກຄີປະຊາຊົນບັນດາເຜົ່າ, ຊັ້ນຄົນ, ສາສະໜາ, ​ເພດ-​ໄວ ເຂົ້າຮ່ວມຂະບວນການປົກ​ປັກ​ຮັກ​ສາ ​ແລະ ສ້າງສາພັດທະນາປະ​ເທດ​ຊາດໃນຊຸມປີຜ່ານມາ;
ກອງປະຊຸມໃຫຍ່ຄັ້ງນີ້ ຈະໄດ້ພິຈາລະນາ ແລະຮັບຮອງເອົາລາຍງານການເມືອງ, ບົດສໍາຫຼວດການນໍາພາລວມ ຂອງຄະນະກໍາມະການແນວລາວສ້າງຊາດ​ແຂວງ ສະ​ໄໝ​ທີ VI, ຮັບຮອງເອົາການສະ​ເໜີແຕ່ງຕັ້ງຄະນະກໍາມະການແນວລາວສ້າງຊາດ​ແຂວງ ຊຸດ​ທີ VII, ຄະນະປະຈໍາແນວລາວສ້າງຊາດ​ແຂວງ​, ປະທານ, ຮອງປະທານ​, ປະທານ-ຮອງ​ປະທານ​ກວດກາ, ທີ່​ປຶກສາ ​ແລະ ຄູ່​ຮ່ວມ​ງານ​ແນວ​ລາວ​ສ້າງ​ຊາດ​ແຂວງ ສະໄໝທີ VII, ເປັນໂຄງປະກອບບຸກຄະລາກອນ ທີ່ມີລັກສະນະກວ້າງຂວາງກວ່າເກົ່າ. ​ເຊິ່ງມັນສະແດງໃຫ້ເຫັນຢ່າງຈະແຈ້ງ ​ເຖິງລັກສະນະເຕີບໃຫຍ່ຂະຫຍາຍຕົວ ແລະ ບົດບາດສໍາພັນທາງການເມືອງ ກໍ່ຄືລັກສະນະເປັນຕົວແທນຂອງບັນດາຊົນເຜົ່າ, ຊັ້ນຄົນ, ສາສະໜາ, ​ເພດ​ໄວ ຢູ່ພາຍໃນ​ແຂວງຫຼວງພະບາງພວກເຮົາ; ພິເສດກອງປະຊຸມໃຫຍ່ ຈະໄດ້ຮັບຟັງການໂອ້ລົມຊີ້​ນໍາຂອງຂັ້ນເທິງ ຈາກຄະນະປະຈຳພັກແຂວງ ແລະ ສູນກາງແນວລາວສ້າງຊາດ ເຊິ່ງເປັນທິດຊີ້ນໍາໃຫ້ແກ່ຜູ້ແທນກອງປະຊຸມໃຫຍ່ ຄັ້ງທີ VII, ເປັນບ່ອນອີງໃນການສືບຕໍ່ນໍາພາ-ຊີ້ນໍາການເຄື່ອນໄຫວຈັດຕັ້ງປະຕິບັດວຽກງານຮອບດ້ານ ໃນຂອບເຂດຄວາມຮັບຜິດຊອບຂອງຄະນະກໍາມະການແນວລາວສ້າງຊາດແຂວງພວກເຮົາ​ໃນຊຸມປີຕໍ່ໜ້າໃຫ້ມີຜົນສໍາເລັດຍິ່ງໆຂຶ້ນ.

ທີ່ມາ: Lao National Radio
  • ຮູບພາບ

  • ແທັກທີ່ກ່ຽວຂ້ອງ