• ແຂວງເຫງະອານ ມອບເຄື່ອງຊ່ວຍເຫລືອ ຕ້ານໂຄວິດ-19 ໃຫ້ແຂວງບໍລິຄຳໄຊ ມູນຄ່າ 400 ລ້ານດົງ

ໂດຍ: ສີເປື້ອນມື 28 ມັງກອນ 2021 (14.43 ນ.) Read : 7,612

ແຫລ່ງຂ່າວຈາກແຂວງບໍລິຄຳໄຊ ໃຫ້ຮູ້ວ່າ: ແຂວງເຫງະອານ ສສ ຫຽດນາມ ເຂົ້າ ສານຈ້າວ 10 ໂຕນ ມູນຄ່າ 150 ລ້ານດົງ, ເຄື່ອງມືເພື່ອນຳໃຊ້ເຂົ້າໃນການແພດ ມູນຄ່າ 150 ລ້ານດົງ ແລະ ເງິນສົດ 100 ລ້ານດົງ ລວມມູນຄ່າທັງໝົດ 400 ລ້ານດົງ ໃຫ້ແກ່ແຂວງບໍລິຄຳໄຊ ໃນວັນທີ 27 ມັງ ກອນ 2021 ຢູ່ທີ່ຫ້ອງປະຊຸມດ່ານສາກົນເກົາແຈວ ສສ ຫຽດນາມ ຊາຍແດນລາວ-ຫຽດນາມ ເພື່ອເປັນການປະກອບສ່ວນນຳໃຊ້ເຂົ້າໃນການເຄື່ອນໄຫວວຽກງານ ຂອງຄະນະກຳມະການສະເພາະກິດຕ້ານການລະບາດຂອງພະຍາດໂຄວິດ-19 ຂັ້ນແຂວງ, ເຊິ່ງຕາງໜ້າມອບໂດຍ ທ່ານ ບຸຍດິ່ງລັອງ ຮອງປະທານຄະນະກຳມະການ ປະຊາຊົນແຂວງ ເຫງະອານ ແລະ ຮັບໂດຍ ທ່ານ ບຸນເສັງ ປະທຳມະວົງ ຮອງເຈົ້າແຂວງ ບໍລິຄຳໄຊ ຫົວໜ້າຄະນະກຳມະການສະເພາະກິດ ຕ້ານການລະບາດຂອງພະຍາດໂຄວິດ 19 ຂັ້ນແຂວງ, ມີພາກສ່ວນກ່ຽວຂ້ອງສອງຝ່າຍເຂົ້າຮ່ວມ.
ໂອກາດນີ້, ທ່ານ ບຸນເສັງ ປະທຳມະວົງ ໄດ້ກ່າວສະແດງຄວາມຂອບອົກຂອບໃຈມາຍັງຄະນະພັກ-ຄະນະປົກຄອງ, ສະພາປະຊາຊົນແຂວງ ເຫງະອານ ສສ ຫຽດນາມ ທີ່ໄດ້ປະກອບສ່ວນມອບເຄື່ອງຊ່ວຍເຫລືອໃຫ້ແຂວງບໍລິຄຳໄຊ, ພ້ອມທັງຢືນຢັນວ່າ ຈະນຳເອົາເຄື່ອງດັ່ງກ່າວ ໄປນຳໃຊ້ເຂົ້າໃນການເຄື່ອນໄຫວວຽກງານຂອງຄະນະກຳມະການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃຫ້ເກີດປະໂຫຍດສູງສຸດ.
ການມອບ-ຮັບເຄື່ອງຊ່ວຍເຫລືອຄັ້ງນີ້, ເປັນການປະກອບສ່ວນສຳຄັນເຂົ້າໃນການເສີມຂະ ຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ ແລະ ປະຊາຊົນສອງຊາດ ລາວ-ກວຽດນາມ ໂດຍສະເພາະ ລະຫວ່າງ ແຂວງບໍລິຄຳໄຊ ແລະ ແຂວງເຫງະອານ.
ຂ່າວ-ພາບ: ສາຍສະໝອນ

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ