• ລັດຖະມົນຕີກະຊວງ ຖວທ ຊີ້ນຳວຽກ ງານ ຢູ່ແຂວງຊຽງຂວາງ

ໂດຍ: ສີເປື້ອນມື 07 ມັງກອນ 2021 (14.24 ນ.) Read : 9,811

ທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວ (ຖວທ) ພ້ອມດ້ວຍຄະນະ ໄດ້ເດີນທາງຢ້ຽມຢາມ ແລະ ເຮັດວຽກຢູ່ແຂວງຊຽງຂວາງ ໃນລະຫວ່າງ ວັນທີ 3-5 ມັງກອນ 2021, ໃຫ້ກຽດຕ້ອນຮັບໂດຍ ທ່ານ ບຸນຈັນ ສີວົງພັນ ເລຂາຄະນະບໍລິຫານງານພັກແຂວງ. ໃນໂອກາດນີ້, ທ່ານ ກິແກ້ວ ໄຂຄຳພິທູນ ໄດ້ເດີນທາງໄປຢ້ຽມຢາມປະຊາ ຊົນ ທີ່ທຳການຜະລິດປູກຊາ ທີ່ບ້ານຍອດປຽງ ເມືອງແປກ ແຂວງຊຽງຂວາງ.
ໃນໂອກາດນີ້, ນາຍບ້ານຍອດປຽງ ກໍໄດ້ລາຍງານຄວາມເປັນມາຂອງການຜະລິດຊາ, ການຜະລິດຊາຂາຍ ເຮັດໃຫ້ການດຳລົງຊີວິດຂອງປະຊາຊົນດີຂຶ້ນເທື່ອລະກ້າວ ປະຊາຊົນສ່ວນໃຫຍ່ສາມາດ ສ້າງລາຍຮັບຈາກການຜະລິດຊາຂາຍ, ເຮັດນາ, ຂາຍສັດລ້ຽງ ແລະ ຂາຍໝາກຄໍ້. ຊາຈາກບ້ານຍອດປຽງ ປັດຈຸບັນ ແມ່ນມີຄວາມຕ້ອງການຈາກຕະຫລາດສູງ ໂດຍສະເພາະ ສປ ຈີນ. ສະນັ້ນ, ປະຊາຊົນພາຍໃນບ້ານ ຈຶ່ງຈະຂະຫຍາຍເນື້ອທີ່ປູກຊາຕື່ມອີກ ເພື່ອສະໜອງໃຫ້ພຽງພໍກັບຕະຫລາດ.
ໂອກາດນີ້, ທ່ານ ກິແກ້ວ ໄຂຄຳພິທູນ ຍັງໄດ້ເນັ້ນໃຫ້ປະຊາຊົນ ສືບຕໍ່ປົກປັກຮັກສາ ແລະ ຂະຫຍາຍເນື້ອທີ່ສວນຊາ, ສ້າງຜູ້ສືບທອດການຜະລິດຊາ, ປັບປຸງກໍ່ສ້າງສູນຜະລິດ ແລະ ວິທີເກັບຮັກ ສາຄວາມແຊບ, ຫອມຂອງຊາ ທີ່ເປັນເອກະລັກໃຫ້ຍືນຍົງຍາວນານ.

ທີ່ມາ: Lao National Radio
  • ຮູບພາບ

  • ແທັກທີ່ກ່ຽວຂ້ອງ