• “ຍອດຊວງ” ສະຖານທີ່ພັກຜ່ອນແຫ່ງໃໝ່ໃນເມືອງ ໂພນໂຮງ

ໂດຍ: Admin Mahason 28 ກຸມພາ 2020 (09.19 ນ.) Read : 804

ແຂວງ ວຽງຈັນ ກໍມີສະຖານທີ່ທ່ອງທ່ຽວທີ່ໜ້າສົນໃຈຫຼາຍແຫ່ງ ໂດຍສະເພາະແມ່ນສະຖານທີ່ທ່ອງທ່ຽວທາງທໍາມະຊາດທີ່ສວຍສົດງົດງາມຢ່າງຫຼວງຫຼາຍ. ສໍາລັບສະຖານທີ່ທ່ອງທ່ຽວໃນຮູບແບບຂອງການພັກຜ່ອນນີ້ ເຊິ່ງເໝາະກັບການພາຄົນຮັກ ຫຼືຄອບຄົວໄປຫຼິ້ນທ່ຽວເພື່ອຜ່ອນຄາຍ ເຊິ່ງສະຖານທີ່ດັ່ງກ່າວມີຄວາມສວຍງາມ ປະກອບກັບບັນຍາກາດທີ່ສົດຊື່ນຕິດແຄມແມ່ນໍ້າຂອງ ເຮັດໃຫ້ສະຖານທີ່ທ່ອງທ່ຽວໃນເຂດດັ່ງກ່າວໜ້າຫຼົງໄຫຼ ແລະກໍາລັງເປັນທີ່ສົນໃຈຂອງນັກທ່ອງທ່ຽວພາຍໃນ. ຖ້າຫາກໃນວັນພັກຜ່ອນ ໃຜທີ່ຍັງບໍ່ທັນມີແຜນໄປທ່ຽວທາງໃດ ຫຼືຖ້າຫາກໄດ້ໄປເມືອງ ໂພນໂຮງ ແຂວງ ວຽງຈັນ ພວກເຮົາຂໍແນະນໍາສະຖານທີ່ພັກຜ່ອນແຫ່ງໃໝ່ ນັ້ນກໍຄື: ຍອດຊວງ.

ຍອດຊວງເປັນແຫຼ່ງທ່ອງທ່ຽວ, ສະຖານທີ່ພັກຜ່ອນເທິງຕູບແຄມຂອງ ໃນທ່າມກາງທິວທັດທໍາມະຊາດຝັ່ງແມ່ນໍ້າຂອງ. ນອກຈາກຈະມີຕູບໄວ້ຄອຍບໍລິການເທິງແຄມຂອງແລ້ວ ຍັງມີຕູບກາງນໍ້າ ເຊິ່ງຈະຍ່າງຜ່ານໄປດ້ວຍຂົວ ເພື່ອໄປສໍາຜັດກັບບັນຍາກາດດັ່ງກ່າວ ເໝາະສໍາລັບຄົນທີ່ມັກຖ່າຍຮູບເປັນພິເສດ ຖ້າໄດ້ມາແລ້ວອາດຈະໄດ້ຮູບກັບບ້ານແບບຫຼາຍມູມຫຼາຍແບບຢ່າງແນ່ນອນ.

ສໍາລັບໃຜທີ່ຢາກໄປທົດລອງສໍາຜັດແຫຼ່ງທ່ອງທ່ຽວ ຍອດຊວງແມ່ນສາມາດໄປໄດ້ ເຊິ່ງເດີນທາງໄປຕາມເສັ້ນທາງ 13 ເໜືອ. ຍອດຊວງຕັ້ງຢູ່ບ້ານ ໃໝ່ ເມືອງ ໂພນໂຮງ ແຂວງ ວຽງຈັນ ຂັບລົດຫ່າງຈາກຕົວເມືອງ ວຽງຈັນ ປະມານ 50 ນາທີ ກໍຈະເຖິງສະຖານທີ່ທ່ອງທ່ຽວແລ້ວ. ຍອດຊວງ ມີອາຫານ ແລະເຄື່ອງດື່ມໄວ້ຄອຍບໍລິການແບບຄົບວົງຈອນ.



ທີ່ມາ: ຂໍ້ມູນ: ຄົນມັກທ່ຽວ

  • ຮູບພາບ

  • ແທັກທີ່ກ່ຽວຂ້ອງ