• ຝົນຕົກໜັກຢູ່ ຈີນ ເສຍຊີວິດ 60 ກວ່າຄົນ

ໂດຍ: ສີເປື້ອນມື 14 ມິຖຸນາ 2019 (14.44 ນ.) Read : 474

ອ້າງອີງ​ຕາມ​ແຫລ່ງ​ຂ່າວຈາກ ກວາງ​ໂຈວ, ວັນ​ທີ 14 ມິ​ຖຸ​ນາ, ເຈົ້າໜ້າທ່ີ​ຈີນ ລາຍ​ງານ​ວ່າ: ມີ​ຜູ້​ເສຍ​ຊີ​ວິດ​ ຢ່າງ​ໜ້ອຍ 61 ຄົນ ແລະຍົກ​ຍ້າຍ​ປະ​ຊາ​ຊົນ 356.000 ຄົນ ອອກ​ຈາກ​ທີ່​ຢູ່​ອາ​ໄສ ເນື່ອງ​ຈາກ​ ຝົນ​ຕົກ​ໜັກ​ຢ່າງຕໍ່ເນື່ອງຫລາຍວັນ ສົ່ງຜົນໃຫ້ເຮືອນ​ຊານ​ເປ​່ເພ​ຫລາຍ​ຫລັງ​, ຖະໜົນຫລາຍສາຍ ພົບກັບຄວາມຫຍຸ້ງຍາກທາງ​ພາກ​ກາງ ແລະທາງ​ພາກ​ໃຕ້​ຂອງ​ປະ​ເທດ, ເຮືອນ​ຊານເປ່ເພ​ເສຍ​ຫາຍ 9.300 ຫລັງ ແລະພື້ນ​ທີ່​ປູກ​ຝັງ​ຈຳ​ນວນ​ຫລວງ​ຫລາຍ ໄດ້​ຮັບ​ຜົນ​ກະ​ທົບ, ເຮັດ​ໃຫ້​ເສດ​ຖະ​ກິດເສຍ​ຫາຍ​ໂດຍ​ກົງ​ ປະ​ມານ 13.350 ຕື້ຢວນ, ປະ​ຊາ​ຊົນ 4.300 ຄົນ ໄດ້​ຮັບ​ຄວາມ​ຊ່ວຍ​ເຫລືອ​ອອກ​ຈາກ​ພື້ນ​ທີ່ນ້ຳ​ຖ້ວມ ຊຶ່ງ​ສົ່ງ​ຜົນ​ກະ​ທົບ​ ຕັ້ງ​ແຕ່ມົນ​ທົນ​ ກວາງ​ຕຸ້ງ ທາງ​ຕາ​ເວັນ​ອອກ​ ສຽງ​ໃຕ້ ໄປ​ຈົນ​ເຖິງ​ນະ​ຄອນ ສົງ​ຊິງ ທາງ​ຕາ​ເວັນ​ຕົກ​ສຽງ​ໃຕ້ ບໍ​ລິ​ເວນ​ແມ່​ນ້ຳ​ແຍງ​ຊີ.. ຂະ​ນະ​ນີ້ ເຈົ້າ​ໜ້າ​ທີ່ ໄດ້ຈັດ​ສັນເຕັ້ນ ແລະຕຽງ​ພັບ ລວມ​ທັງ​ສິ່ງ​ຂອງ​ບັນ​ເທົາ​ທຸກໄປ​ໃຫ້​ກັບ​ ປະ​ຊາ​ຊົນ​ຜູ້​ທີ່​ໄດ້​ຮັບ​ຜົນ​ກະ​ທົບ ໃນ​ເມືອງ​ດັ່ງ​ກ່າວ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ