• ຈັດ​ກິດ​ຈະ​ກຳ​ແຕ້ມ​ຮູບ ຕ້ອນ​ຮັບ​ວັນ​ເດັກ​ນ້ອຍ​ສາ​ກົນ

ໂດຍ: ສີເປື້ອນມື 23 ພຶດສະພາ 2019 (11.25 ນ.) Read : 115

ເພື່ອເປັນກະຕຸ້ນແນວຄວາມຄິດນ້ອງນ້ອຍເຍົາວະຊົນໄດ້ເຂົ້າໃຈ ແລະມີຄວາມສຳນຶກໃນການຮັກສາທຳມະຊາດ ແລະຮູ້ຈັກອະນຸລັກທຳມະຊາດ ເປັນຕົ້ນແມ່ນຕົ້ນໄມ້ຊຶ່ງສຳ ຄັນຢ່າງມະຫາສານຕໍ່ການດຳ ລົງຊີວິດຂອງມະນຸດ, ສະນັ້ນ, ມາໃນວັນທີ 17 ພຶດສະພາ 2019 ທີ່ຫໍສະໝຸດແຂວງສະ ຫວັນນະເຂດໄດ້ຈັດກິດຈະກຳ ແຂ່ງຂັນແຕ້ມຮູບ ເພື່ອຕ້ອນ ຮັບວັນເດັກນ້ອຍສາກົນ 1 ມິ ຖຸນາ 2019 ທີ່ຈະໝູນວຽນມາອີກໃນວາລະນໜຶ່ງເຂົ້າ ຮ່ວມໃນກິດຈະກຳຄັ້ງນີ້ມີ: ທ່ານ ຈັນ​ທະ​ໜອມ ພິ​ລາ​ວົງ ຮອງ​ຫົວ​ໜ້າ​ພະ​ແນກ ຖວ​ທ ແຂວງສະຫວັນນະເຂດ, ທ່ານ ບຸນປອນ ແກ້ວມະນີ ຫົວໜ້າ ໜ່ວຍງານວິຊາການ ຈາກ ໂຮງຮຽນວິ​ຈິດສິນແຂວງສະ ຫວັນນະເຂດ, ທ່ານນາງ ອາດສະພັງທອງ ສຸພອນໄຊ ຫົວໜ້າ ຫໍສະໝຸດແຂວງ ແລະຄູອາຈານເຂົ້າຮ່ວມ.
ຈຸດປະສົງຂອງການຈັດ ກິດຈະກຳດັ່ງກ່າວກໍ່ເພື່ອເປັນການຕ້ອນຮັບວັນເດັກນ້ອຍສາ ກົນ ພ້ອມທັງເປີດໂອກາດໃຫ້ ນ້ອງໆນັກຮຽນໄດ້ສະແດງ ອອກໃນການແຕ້ມຮູບ ແລະ ໄດ້ຈິນຕະນາການດ້ວຍຄວາມ ເບີກບານມ່ວນຊື່ນພາຍໃຕ້ຫົວ ຂໍ້ທີ່ວ່າ: ຊ່ວຍກັນປູກຕົ້ນໄມ້ຮັກສາໄວ້ໃຫ້ລູກຫຼານ, ໃນໂອກາດນີ້ມີນ້ອງນັກຮຽນເຂົ້າຮ່ວມແຂ່ງຂັນທັງໝົດ 10 ຄົນ ທີ່ມາຈາກໂຮງຮຽນປະຖົມທົ່ວນະຄອນໄກສອນ ພົມວິຫານ 5 ແຫ່ງ. ຜ່ານການແຂ່ງ ແລະ ການກວດຂອງຄະນະກຳມະ ການທາງດ້ານຄວາມງົດງາມ, ເນື້ອໃນ ແລະຄວາມໝາຍທີ່ສະ ແດງອອກທາງດ້ານການວາດພາບຂອງນ້ອງໆນັກຮຽນປະ ກົດວ່າ: ນາງ ອານັນຍາ ສົມພະລິວົງ ຈາກໂຮງຮຽນປະຖົມສຸນັນທາໄດ້ທີ 1, ສ່ວນທີ 2 ຕົກ ເປັນຂອງນາງ ຈັນສະໝອນ ພອນປະເສີດ ຈາກໂຮງຮຽນ ປະຖົມສຸນັນທາ ແລະທີ 3 ແມ່ນ ນາງ ກອງຄຳ ຊຸມພົນພັກດີມາ ຈາກໂຮງຮຽນ ສາມັກຄີໄຊ.

ທີ່ມາ: ສະຫວັນພັດທະນາ ຂ່າວ / Savanhphuttana News
  • ແທັກທີ່ກ່ຽວຂ້ອງ