• ກັກ​ຕົວ ຜູ້​ຄ້າ​ຂາຍ​ຢາ​ເສບ​ຕິດ ພ້ອມ​ຂອງ​ກາງ​ຢາ​ບ້າ

ໂດຍ: ສີເປື້ອນມື 09 ພຶດສະພາ 2019 (10.31 ນ.) Read : 454

ໃນວັນທີ 1 ພຶດສະພາ 2019 ນີ້, ເຈົ້າໜ້າທີ່ ປກສ ເມືອງ ຊົນນະບູລີ ໄດ້ຮັບແຈ້ງວ່າມີ ກຸ່ມຄົນບໍ່​ດີເຄື່ອນໄຫວຄ້າຂາຍ ຢາເສບຕິດຢູ່ບ້ານໜອງສີມ ເມືອງຊົນນະບູລີ ແຂວງ ສະຫວັນນະເຂດ, ດັ່ງນັ້ນທາງ ໜ່ວຍງານຕ້ານ ແລະສະກັດ ກັ້ນຢາເສບຕິດ ປກສ ເມືອງ ຈິ່ງໄດ້ປະສານສົມທົບກັບ ປກສ ກຸ່ມບ້ານ ແລະອໍານາດການ ປົກຄອງ ເມື່ອຮູ້ເປົ້າໝາຍທີ່ຊັດ ເຈນຈິ່ງໄດ້ທໍາການວາງແຜນ ແລະກະຈາຍກໍາລັງເພື່ອຈັບ ກຸມ ມາຮອດເວລາ 16 ໂມງ ເຈົ້າໜ້າທີ່ ປກສ ເມືອງ ໄດ້ເຂົ້າ ກັກຕົວທ້າວ ທອງລີນ ອາຍຸ 18 ປີ ປະຊາຊົນບ້ານ ໜອງສີມ ເມືອງຊົນນະບູລີ ເຊິ່ງໄດ້ພົບຂອງກາງຢາເສບຕິດປະເພດຢາບ້າຈໍານວນ 192 ເມັດ. ຜ່ານການສອບສວນຂອງເຈົ້າ ໜ້າທີ່ ປກສ ເມືອງ ຜູ້ກ່ຽວໄດ້ຮັບ ສາລະພາບ​ວ່າ: ໄດ້ເຄື່ອນໄຫວ ເສບຢາເສບຕິດ ແລະຄ້າຂາຍ ຢາເສບຕິດແຕ່ປີ 2013 ເຊິ່ງ ຢາບ້າທີ່ທ້າວ ທອງລີນ ນໍາມາ ຈໍາໜ່າຍໃຫ້ກັບໄວໜຸ່ມພາຍໃນ ບ້ານນັ້ນແມ່ນໄດ້ຊື້ນໍານາງ ກຽນ ອາຍຸ 55 ປີ ປະຊາຊົນບ້ານ ນາທອງ ປະຈຸບັນໄດ້ຖືກເຈົ້າໜ້າທີ່ ປກສ ເມືອງ ກັກຕົວເມື່ອເວລາ 11 ໂມງ 00 ຂອງວັນທີ 2 ພຶດສະພາ 2019 ຢູ່ເຮືອນຂອງຜູ້ກ່ຽວເອງຜ່ານການກວດຄົ້ນໄດ້ພົບຂອງກາງຢາບ້າຈໍານວນ 1.108 ເມັດ, ເຊິ່ງນາງ ກຽນ ໄດ້ຮັບສາລະພາບວ່າ ຢາບ້າແມ່ນຂອງຕົນເອງແທ້, ຢາບ້າດັ່ງກ່າວນີ້ແມ່ນໄດ້ຈາກນາງ ເຕຶອຍ ອາຍຸ 33 ປີ ປະຊາຊົນບ້ານ ນາທອງ (ເປັນລູກໃພ້ຂອງນາງ ກຽນ) ປະຈຸບັນຜູ້ກ່ຽວແມ່ນໄດ້ເອົາຕົວຫຼົບໜີ, ເຈົ້າໜ້າທີ່ ປກສ ເມືອງ ກໍ່ໄດ້ກວດຄົ້ນເຮືອນຜູ້ກ່ຽວໄດ້ພົບຂອງກາງຢາບ້າ ຈໍານວນ 11.245 ເມັດ, ເຖິງແມ່ນຜູ້ກ່ຽວຈະເອົາໂຕຫຼົບໜີທາງເຈົ້າໜ້າທີ່ ປກສ ເມືອງ ກໍ່ໄດ້ປະສານສົມທົບກັບ ປກສ ກຸ່ມບ້ານ ແລະທຸກພາກສ່ວນທີ່ກ່ຽວຂ້ອງຊ່ວຍກັນຫາເບາະແສເພື່ອຈະນໍາຕົວຜູ້ກ່ຽວມາດໍາເນີນຄະດີຕາມກົດໝາຍບ້ານເມືອງ.

ທີ່ມາ: ສະຫວັນພັດທະນາ ຂ່າວ / Savanhphuttana News
  • ແທັກທີ່ກ່ຽວຂ້ອງ