• ປຸກລະດົມການບໍລິຈາກເລືອດ ເພື່ອຊ່ວຍເຫລືອສັງຄົມ ຕ້ອນຮັບວັນສ້າງຕັ້ງກາແດງໂລກ ຄົບຮອບ 156 ປີ

ໂດຍ: Admin Mahason 07 ພຶດສະພາ 2019 (14.29 ນ.) Read : 85

      ຂປລ. ໃນວັນທີ 7 ພຶດສະພາ 2019, ທີ່ສູນການຄ້າວຽງຈັນເຊັນເຕີ ນະຄອນຫລວງວຽງຈັນ, ສະຫະພັນກາແດງ ແລະ ຊີກວົງເດືອນກາແດງສາກົນ ຮ່ວມກັບ ອົງການກາແດງລາວ ໄດ້ຈັດກິດຈະກໍາບໍລິຈາກເລືອດ ພາຍໃຕ້ຫົວຂໍ້ "Love- ແບ່ງປັນຄວາມຮັກ ແລະ ນໍ້າໃຈເຊິ່ງກັນ ແລະ ກັນ" ເພື່ອຕ້ອນຮັບວັນສ້າງຕັ້ງກາແດງໂລກ ຄົບຮອບ 156 ປີ, ເພື່ອໃຫ້ປະຊາຊົນ ຮັບຮູ້ໄດ້ກ່ຽວກັບບົດບາດການເຄື່ອນໄຫວວຽກງານມະນຸດສະທໍາ ຂອງອົງການກາແດງລາວ ກໍຄື ວຽກງານການປຸກລະດົມການບໍລິຈາກເລືອດ ແລະ ສະໜອງເລືອດປອດໄພຢູ່ ສປປ ລາວ, ທັງເປັນການເຜີຍແຜ່ຄວາມຮູ້ ຄວາມເຂົ້າໃຈທີ່ຖືກຕ້ອງ ກ່ຽວກັບວຽກງານຂອງບັນດາກາແດງ ແລະ ຊີກວົງເດືອນແດງ. ນອກຈາກນີ້, ຍັງເປັນການສະແດງອອກ ແລະ ເຜີຍແຜ່ເຖິງຄວາມຮັກ ແລະ ການແບ່ງປັນນໍ້າໃຈ ເຊິ່ງກັນ ແລະ ກັນ ຜ່ານການເຮັດວຽກຂອງອົງການກາແດງຕ່າງໆ ໃນໂລກ.

ທີ່ມາ: ປະເທດລາວ
  • ຮູບພາບ

  • ແທັກທີ່ກ່ຽວຂ້ອງ