• ເຈົ້າເມືອງພູຄູນເຄືອນໄຫວຢ້ຽມຢາມ ແລະ ມອບເຄື່ອງຊ່ວຍເຫຼື່ອໃຫ້ປະຊາຊົນ ທີ່ເມືອງໂພນໄຊ

ໂດຍ: Admin Mahason 02 ພຶດສະພາ 2019 (10.01 ນ.) Read : 248

     ໃນລະຫວ່າງວັນທີ 28 ຫາ 29 ເມສາ 2019 ຜ່ານມານີ້ ທ່ານ ວຽງທອງ ຫັດສະຈັນ ເຈົ້າເມືອງພູຄູນ ພ້ອມດ້ວຍຂະແໜງການຂອງເມືອງຈຳນວນໜຶ່ງ ໄດ້ລົງເຄືອນໄຫວຢ້ຽມຢາມ ແລະ ມອບເຄື່ອງຊ່ວຍເຫຼືອໃຫ້ປະຊາຊົນຄອບຄົວທຸກຍາກ ທີ່ຢູ່ເຂດຫ່າງໄກສອກລີກ ຂອງກຸ່ມກະຕາງສະເລືອງ ເມືອງ ໂພນໄຊ ແຂວງຫຼວງພະບາງ ໂດຍມີ ທ່ານ ອ່ອນສີ ຈ່າເພຍວ່າ ຮອງເຈົ້າເມືອງໂພນໄຊ ຕະຫຼອດຮອດອົງການປົກຄອງບ້ານ ພໍ່ແມ່ປະຊາຊົນບັນດາເຜົ່າໃຫ້ການຕ້ອນຮັບຄະນະທີມງານ.

     ຈຸດປະສົງໃນການເຄືອນໄຫວມອບເຄື່ອງໃນຄັ້ງນີ້ ກໍ່ເພື່ອເປັນການຢ້ຽມຢາມຖາມຂ່າວຊີວິດການເປັນຢູ່ຂອງປະຊາຊົນ ແລະ ເປັນການແບ່ງເບົາຄວາມທຸກຍາກຈາກປະຊາຊົນທີ່ອາໄສຢູ່ເຂດຫາງໄກສອກຫຼີກເສັ້ນທາງທຸລະກັນດານໃນຂອບເຂດຊາຍແດນເຊືອມຕໍ່ ເວົ້າສະເພາະ ແມ່ນການຫັດແໜ້ນສາຍສຳພັນໄມຕີຈິດການຮ່ວມມືລະຫວ່າງສອງເມືອງກໍ່ຄື ປະຊາຊົນເມືອງພູຄູນ ແລະ ເມືອງໂພນໄຊ ໃຫ້ມີຄວາມສາມັກຄີຮັກແພງຊ່ວຍເຫຼືອເຊິງກັນ ແລະ ກັນ ເພື່ອພ້ອມກັນສ້າງເສດຖະກິດຄອບຄົວໃຫ້ຊີວິດການເປັນຢູ່ດີຂື້ນເທື່ອລະກ້າວ. ເຊິ່ງບ້ານທີ່ຄະນະທີມງານໄດ້ລົງມອບເຄື່ອງມີບ້ານ: ບ້ານລູງສູງ, ເຮືອໂດຍ, ຫ້ວຍຫ່າວ, ກົກງີວ ແລະ ບ້ານກາງສັນ ເນື່ອງຈາກເວລາມີຈຳກັດ ຄະນະທີມງານຈຶ່ງໄດ້ມອບເຄືອງໃຫ້ຄະນະຮັບຜິດຊອບຂອງເມືອງໂພນໄຊ ເພື່ອລົງໄປມອບໃຫ້ປະຊາຊົນປະກອບມີ: ບ້ານຫີນຕັ້ງ, ກະຕ່າງສະເລືອງ, ສັນພູລວງ ລວມບ້ານທີ່ໄດ້ມອບເຄືອງຊ່ວຍເຫຼືອທັງໝົດ ຈຳນວນ 8 ບ້ານ

     ເຄື່ອງນຳມາມອບມີ: ເຄືອງນຸ່ງຫົ່ມ, ຜ້າຫົມ, ເກີບເດັກນ້ອຍ ແລະ ຢ່າປົວພະຍາດຈຳນວນໜຶ່ງ ແມ່ນໄດ້ຮັບຈາກອົງການຊ່ວຍເຫຼືອຕ່າງປະເທດ ແລະ ການປຸກລະດົມຈາກບຸກຄົນ, ຫ້າງຮ້ານ, ບໍລິສັດ ໃນໂອກາດທີ່ໄດ້ລົງຢ້ຽມຢາມໃນຄັ້ງນີ້ ຄອບຄົວຂອງ ທ່ານ ວຽງທອງ ຫັດສະຈັນ ກໍ່ໄດ້ຍັງໄດ້ມອບອຸປະກອນການສຶກສາໃຫ້ແກ່ນ້ອງນ້ອຍນັກຮຽນ ໂຮງຮຽນປະຖົມເຮື້ອໂດຍ, ຫ້ວຍຫ່າວ, ກົກງີ້ວ, ສັນພູຫຼວງ, ລູງສູງ, ຫີນຕັ້ງ, ກະຕ່າງສະເລືອງ ແລະ ບ້ານກາງສັນ ເຊິ່ງປະກອບມີ: ປື້ມຂຽນ, ບິກ, ເສື້ອ ລວມມູນຄ່າທັງໝົດ 5 ລ້ານກວ່າກີບ ເພື່ອຊຸ້ກຍູ້ສົ່ງເສີ່ມ ແລະ ສ້າງໂອກາດທາງການສຶກສາໃຫ້ແກ່ນ້ອງນ້ອຍນັກຮຽນເຂດຫ່າງໄກສອກລີກໃຫ້ດີຂື້ນ ນອກນີ້ ຍັງໄດ້ມອບເງິນສົດໃຫ້ບ້ານຫ້ວຍຫ່າວ, ບ້ານກົກງີ້ວ ບ້ານລະ 1ລ້ານກີບ ແລະ ບ້ານກາງສັນ ຈຳນວນ 1ລ້ານ5ແສນກີບ ເພື່ອປະກອບສວນເຂົ້າໃນການປັບປຸງກໍ່ສ້າງສະໂມສອນບ້ານ ທີ່ກໍ່ສ້າງບໍ່ທັນສຳເລັດ. ເພື່ອເປັນການສະແດງຄວາມຮູ້ບຸນຄຸນຕໍ່ອົງການປົກຄອງເມືອງພູຄູນ ນາຍບ້ານບ້ານກາງສັນ ຕາງໜ້າໃຫ້ພໍ່ແມ່ປະຊາຊົນ ກໍ່ໄດ້ມອບໃບຂອບໃຈ ພ້ອມທັງກ່າວຄຳຂອບໃຈຕໍ່ຄອບຄົວ ທ່ານ ວຽງທອງ ຫັດສະຈັນ ແລະ ທີມງານຂອງເມືອງພູຄູນ ທີ່ມີຄວາມເປັນຫ່ວງເປັນໃຍຕໍ່ຊີວິດການເປັນຢູ່ຂອງພໍ່ແມ່ປະຊາຊົນ ແລະ ເຫັນໄດ້ຄວາມສຳຄັນຂອງການສຶກສາຕໍ່ນ້ອງນ້ອຍນັກຮຽນທີ່ເປັນອະນາຄົດຂອງຊາດໃນເຂດຫາງໄກສອກຫຼີກໃນຄັ້ງນີ້.


ທີ່ມາ: ABC Laos News
  • ຮູບພາບ

  • ແທັກທີ່ກ່ຽວຂ້ອງ