• ກອງພົນທີ 5 ມອບເງິນ ຊ່ວຍເຫຼືອຜູ້ປະສົບໄພພິບັດທາງທຳມະຊາດໃຫ້ກັບ ກະຊວງ ຮສສ ຈຳນວນ 37 ລ້ານກີບ

ໂດຍ: Admin Mahason 09 ພະຈິກ 2017 (12.00 ນ.) Read : 621

ເພື່ອເປັນການຊ່ວຍເຫຼືອໃຫ້ກັບຜູ້ທີ່ຖືກເຄາະຮ້າຍຈາກໄພພິບັດທາງທຳມະຊາດ ( ນ້ຳຖ້ວມ ) ໃຫ້ທ່ວງທັນສະພາບ ໃຫ້ບັນດາແຂວງພາກເໜືອ,ພາກກາງ ແລະ ພາກໃຕ້ ທີໄດ້ຮັບຜົນກະທົບຈາກພະຍຸສົງກາ,ໃນວັນທີ 07 ພະຈິກ 2017ນີ້, ທີ່ກະຊວງແຮງງານ ແລະ ສະຫວັດດີການສັງຄົມ ( ຮສສ ) , ກອງພົນທີ5 ກະຊວງປ້ອງກັນປະເທດ ໄດ້ຮ່ວມກັນບໍລິຈາກຊ່ວຍເຫຼືອປະຊາຊົນລາວຜູ້ຖືກເຄາະຮ້າຍຈາກພະຍຸດັ່ງກ່າວ ເປັນເງິນສົດ 37 ລ້ານກີບື ນຳມາມອບໃຫ້ກັບກະຊວງແຮງງານ ແລະ ສະຫວັດດີການສັງຄົມ ( ຮສສ ) ເພື່ອນຳໄປຊວ່ຍເຫຼືອຕໍ່ໃຫ້ກັບຜູ້ປະສົບໄພພິບັດດັ່ງກ່າວ

ຕາງໜ້າກ່າວມອບໂດຍ ທ່ານ ພັອ ບຸນທັນ ມາບຸດສາດີ ຫົວໜ້າ ການເມືອງກອງພົນທີ5 ແລະ ກ່າວຮັບໂດຍ ທ່ານ ປອ ຄຳແກ້ວ ສານບຸນຄູນໄຊ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ(ຮສສ ) ພ້ອມຄະນະ, ພ້ອມນີ້ ທ່ານຮອງລັດຖະມົນຕີ ກໍໄດ້ກ່າວສະແດງຄວາມຂອບໃຈຕໍ່ພັກ-ລັດຖະບານ ແລະ ພາກສ່ວນກຽ່ວຂ້ອງ ທີ່ໄດ້ພ້ອມກັນບໍລິຈາກເງິນຊ່ວຍເຫຼືອ ປະຊາຊົນຜູ້ຖືກເຄາະຮ້າຍຈາກໄພພິບັດ ແລະ ຈະນຳເອົາເງິນຈຳນວນດັ່ງກ່າວເຂົ້ານຳໄປຊ່ວຍເຫຼືອໃຫ້ແກ່ຜູ້ປະສົບເຄາະຮ້າຍຈາກໄພພິບັດຈາກທຳມະຊາດ, 

ພ້ອມນັ້ນ ທ່ານຍັງຮຽກຮ້ອງເຖິ່ງພາກສວ່ນຕ່າງໆ ຮ່ວມກັນບໍລິຈາກເງິນ ແລະ ວັດຖຸສິ່ງຂອງ, ເຄື່ອງນຸ່ງຫົ່ມ, ເຄື່ອງອຸປະໂພກ-ບໍລິໂພກ ຕ່າງໆ ເພື່ອຊວ່ຍເຫຼືອໃຫ້ກັບຜູ້ປະສົບໄພທາງທຳມະຊາດ( ນ້ຳຖ້ວມ ແລະ ໄພໜາວ ) ກໍຄື ຟື້ນຟູບູລະນະພື້ນຖານໂຄງລ່າງ ຖະໜົນຫົນທາງ ແລະ ແນວພັນກະສິກຳ ເພື່ອໄປມອບໃຫ້ກັບປະຊາຊົນທີ່ຖືກຜົນກະທົບ. ເຖິ່ງຢ່າງໃດກໍ່ຕາມ ກະຊວງແຮງງານ ແລະ ສະຫວັດດີການສັງຄົມ ກໍຍັງຕ້ອງການເງິນຊ່ວຍເຫຼືອຕື່ມອີກຈຳນວນຫລາຍ ເພື່ອນຳໄປຊ່ວຍເຫຼືອປະຊາຊົນຜູ້ທຸກຍາກ ແລະ ໄດ້ຮັບຜົນກະທົບຈາກໄພພິບັດທາງທຳມະຊາດ ( ນ້ຳຖ້ວມ – ໄພໜາວ) ແລະ ເກັບໄວ້ເປັນຄັ້ງແຮສຸກເສີນ ເພື່ອຊ່ວຍເຫຼືອ ປະຊາຊົນໃນຄັ້ງຕໍ່ໄປໃຫ້ທັນການແລະ ທ່ວງທັນກັບສະພາບ

ພ້ອມກັນນີ້ ບັນດາການຈັດຕັ້ງ ພາກລັດ, ເອກະຊົນ, ບັນດາທຸລະກິດ ຫ້າງຮ້ານ, ບັນດາຊັ້ນຄົນ ແລະ ອົງການຈັດຕັ້ງໃນສັງຄົມຜູ້ມີ ກຳລັງຊັບ, ມີວັດຖຸສາມາດປະກອບສ່ວນຊ່ວຍເຫຼືອພໍ່ແມ່ປະຊາຊົນທີ່ພວມຫຍຸ້ງຍາກ ສັບສົນທີ່ສຸດໃນປັດຈຸບັນ; ຖ້າ ບັນດາທ່ານ ຫຼື ບັນດາພາກສ່ວນ ຕ່າງໆຕ້ອງການຊ່ວຍເຫຼືອ ສາມາດພົວພັນໂດຍກົງຫາ ກົມສັງຄົມສົງເຄາະ ກະຊວງແຮງ ງານ ແລະ ສະຫວັດດີການສັງ ຄົມ. 

ເບີໂທ: 021 213005, 222776 ຫຼື 020 55521811, 22225185, 22228154, 55675089, 22232212, 55676987.

ທີ່ມາ: ໂດຍ: ເພັດສະໄໝ
  • ຮູບພາບ

  • ແທັກທີ່ກ່ຽວຂ້ອງ