• ເມືອງໂພນທອງຈັດພິທີເປີການແຂ່ງຂັນກິລາຫຼາຍປະເພດໄວ້ຂໍ່ານັບຮັບຕ້ອນວັນຊາດ ວັນທີ 2 ທັນວາ ຄົບຮອບ 42 ປີ

ໂດຍ: Admin Mahason 22 ພະຈິກ 2017 (04.00 ນ.) Read : 643

ໃນຕອນເຊົ້າຂອງວັນທີ່ 21 ພະຈິກ 2017 ນີ້ຢູ່ທີ່ເດີນສະໂມສອນໃຫ່ຍຂອງເມືອງໂພນທອງແຂວງຫຼວງພະບາງ,ໄດ້ມີພິທີເປີດການແຂ່ງຂັນກິລາຫຼາຍປະເພດໄວ້ຂໍ່ານັບຮັບຕ້ອນວັນຊາດ ວັນທີ 2 ທັນວາ ຄົບຮອບ 42 ປີ, ໃຫ້ກຽດເຂົ້າເປັນປະທານເປີດຂອງ ທ່ານ ສົມມາລີ ຄໍາເກັ່ງ ເຈົ້າເມືອງ-ເມືອງໂພນທອງ, ທ່ານ ອຳຄາ ແກ້ວອຳພອນ ຮອງຫົວໜ້າຫ້ອງການສຶກສາທິການແລະກິລາເມືອງ, ມີບັດດາຄະນະຮັບຜິດຊອບນັກກິລາ ຕະຫຼອດຮອດນັກກິລາທຸກປະເພດເຂົ້າຮ່ວມຢ່າງເປັນຂະບວນການຟົດຟື້ນ.

ທາມກາງບັນຍາກາດທີ່ທົ່ວພັກ,ທົ່ວກອງທັບ ແລະ ທົ່ວປວງຊົນລາວທັງຊາດເວົ້້າລວມ,ເວົ້າສະເພາະແມ່ນຊວງໄລຍະທົ່ວປວງຊົນຊາວເມືອງໂພນທອງ ພວມຕັ້ງໝ້າຜັນຂະຫຍາຍ ມະຕິ x ຂອງພັກ,ມະຕິ VII ຂອງອົງຄະນະພັກແຂວງຫຼວງພະບາງ, ມະຕິ I ຂອງອົງຄະນະພັກເມືອງໂພນທອງ ແລະ ສ້າງບາດກ້າວອັນຟົດຟື້ນມ່ວນຊື່ນ ເພື່ອກະກຽມສະເຫຼີມສະຫຼອງ ວັນຊາດທີ2 ທັນວາ ຄົບຮອບ 42 ປີ, ທ່ານ ອໍາຄາ ແກ້ວອຳພອນ ຮອງຫົວໜ້າຫ້ອງການສຶກສາທິການແລະກິລາເມືອງ ກໍ່ໄດ້ເປັນກຽດຂຶ້ນຜ່ານການຈັດງານແຂ່ງຂັນກິລາຄັ້ງນີ້ໂດຍປະກອບມີ ປະເພດກິລາ 8 ປະເພດດ້ວຍກັນ ເຊັ່ນ: ບາຍເຕະຍິງ-ຊາຍ, ບານສົ່ງຍີງ-ຊາຍ, ກະຕໍ້ຫວາຍ ຍີງ-ຊາຍ, ເປຕັງ ຍີງ-ຊາຍ ແຕ່ລະປະເພດໄດ້ມີການແຂ່ງຂັນປະເພດບານເຕາະເຊິ່ງກຳນົດເອົາເດີນກິລາ ບ້ານ ກາງ,ບານສົ່ງ ກຳນົດເອົາເດີນສະໂມສອນເມືອງ,ກະຕໍ້ຫວາຍ ເດີນ ຮ.ຮ ມສ ໂພນທອງ ຈາກນັ້ນ ທ່ານ ສົມມາລີ ຄໍາເກັ່ງ ເຈົ້າເມືອງ-ເມືອງໂພນທອງກໍ່ໄດ້ຂຶ້ນມີຄໍາໂອລົມກ່າວເປີດພິທີການຈັດການແຂ່ງຂັນກິລາໃນຄັ້ງນີ້ ແມ່ນເພື່ອເປັນການສ້າງຂະບວນການຢ່າງຝົດຝື້ນ ໃຫ້ແກ່ວັນຊາດວັນທີ2 ທັນວາ ຄົບຮອບ 42 ປີ ທີ່ໝູນວຽນມາຄົບຮອບ ອີກດ້ານໜື່ງ ແມ່ນເປັນການຂັດເລືອກນັກກິລາ ທີ່ຈະເປັນຕົວແທນຂອງເມືອງໂພນທອງ ໄປຮ່ວມແຂ່ງຂັນກິລາເຂດ I ຂອງ 4 ເມືອງເໝືອ ທີ່ເມືອງນໍ້າບາກຈະເປັນເຈົ້າພາບຈັດງານຂື້ນໃນຕົ້ນປີ 2018 ເຂົ້າຮ່ວມແຂ່ງຂັນ. ຈາກນັ້ນ ທ່ານ ເຈົ້າເມືອງ ໄດ້ຮຽກຮ້ອງມາຍັງນັກກິລາທຸກປະເພດ,ທຸກຄົນໃນສັງຄົມຈົ່ງພ້ອມກັນເປັນກຳລັງ ຊ່ວຍຊົມຊ່ວຍເຊຍນັກກິລາຂອງເມືອງໂພນທອງໃນການແຂ່ງຂັນຄັ້ງນີ້ ເພື່ອເປັນການພັດທະນານັກກິລາໃຫ້ກ້າວສູ່ລະດັບ ເມືອງ , ແຂວງ ແລະ ລະດັບຊາດ.

ສຳລັບປະເພດບານເຕະຊາຍ ແມ່ນມີ 12 ພາກສ່ວນເຂົ້າຮ່ວມແຂ່ງຂັນ ແບ່ງອອກເປັນ 4 ສາຍຄື: ສາຍ A ປະກອບມີ: ຫ້ອງການຊັບພະຍາກອນທຳມະຊາດແລະສິ່ງແວດລ້ອມ,ຫ້ອງການສຶກສາທິການແລະກິລາ, ກອງຮ້ອຍ 161 , ສາຍ B ປະກອບມີ: ຕຶກວັດທະນະທຳ-ສັງຄົມ,ນັກຮຽນ ມສ ໂພນທອງ,ກອງບັນຊາການ ທະຫານ ເມືອງ,ສາຍ C ປະກອບມີ: ຫ້ອງວ່າການປົກຄອງເມືອງ, ຄູຈາຈານ ມສ ໂພນທອງ, ກອງບັນຊາການ ປກສ ເມືອງ, D ປະກອບມີ: ຫ້ອງການການເງິນ,ຕຶກອົງການຈັດຕັ້ງມະຫາຊົນ,ຫ້ອງການກະສິກໍາ, ໂດຍໄດ້ມີການແຂ່ງຂັນມາແລ້ວ ຕັ້ງແຕ່ວັນທີ່ 21 ພະຈິກ, ຜົນການແຂ່ງຂັນມີຄື: ຫ້ອງການຊັບພະຍາກອນທໍາມະຊາດແລະສິ່ງແວດລ້ອມ ຊະນະ ຫ້ອງການສຶກສາທິການແລະກິລາ 3 ປະຕູຕໍ່ 0, ນັກຮຽນ ມສ ໂພນທອງ ຊະນະ ຕຶກວັດທະນະທໍາ-ສັງຄົມ 11 ປະຕູຕໍ່ 1 , ແລະ ບານເຕາະຍິງ ທິມແມ່ຍິງຫ້ອງວ່າການປົກຄອງເມືອງ ຊະນະ ທິມແມ່ຍິງບ້ານວັງຊຽງ 1 ປະຕູຕໍ່ 0 ,ສ່ວນຜົນການແຂ່ງຂັນຄູ່ອື່ນຈະລາຍງານໃຫ້ຮູ້ໃນໂອກາດຕໍ່ໄປ.





ທີ່ມາ: ນັກຂ່າວຫ້ອງການ ຖວທ ເມືອງໂພນທອງ ຫລວງພະບາງ
  • ຮູບພາບ

  • ແທັກທີ່ກ່ຽວຂ້ອງ