• ບັນຫາເລື່ອງ ການເກັບເງິນຄ່າຂົວຂ້າມນໍ້າຊອງ ວັງວຽງ

ໂດຍ: ສີເປື້ອນມື 08 ເມສາ 2019 (14.06 ນ.) Read : 605

ສະບາຍດີ ຂໍຝາກເຖິງ ສື່ສັງຄົມອອນລາຍ ຊ່ວຍເປັນຕົວແທນຂອງປະຊາຊົນ ເປັນກະບອກສຽງໄປເຖິງພາກສ່ວນທີ່ກ່ຽວຂ້ອງໃຫ້ເຂົ້າມາຊ່ວຍເເກ້ໄຂເລື່ອງການໃຫ້ບໍລິການຂອງຂົວຂ້າມນ້ຳຊອງລະຫວ່າງບ້ານວຽງເເກ້ວ - ບ້ານຫ້ວຍເເຍ້ ເມືອງວັງວຽງ ເເຂວງ ວຽງຈັນ. ຂອງເອກະຊົນ ທີ່ໄດ້ສຳປະທານ ແລະ ເປີດໃຫ້ບໍລິການມາເເລ້ວເປັນເວລາຫລາຍປີ ນັບແຕ່ປີ 2005 ຫາ ປະຈຸບັນ.

ເຊິ່ງໃນການໃຫ້ບໍລິການຕັ້ງເເຕ່ຕົ້ນຈົນເຖິງປະຈຸບັນກໍ່ມີຫລາຍບັນຫາທີ່ທີ່ເກີດຂື້ນ ແລະ ໄດ້ສ້າງຄວາມບໍ່ພໍໃຈໃຫ້ປະຊາຊົນ ແລະ ເເຂກຄົນທີ່ສັນຈອນໄປມາໂດຍຕະຫລອດ ຢ່າງເຊັ່ນ:

1. ການເກັບເງິນບໍລິການຜ່ານຂົວບໍ່ມີນະໂຍບາຍໃຫ້ພວກປະຊາຊົນໃນທ້ອງຖິ່ນຜູ້ຫາເຊົ້າກິນຄ່ຳເທົ່າທີ່ຄວນ.
2. ພະນັກງານເກັບເງິນເວົ້າຈາບໍສຸພາບ ຈຶ່ງສ້າງຄວາມບໍ່ພໍໃຈໃຫ້ຜູ້ໃຊ້ບໍລິການຂົວ ຈົນໃນວັນທີ່3/4/2019ເປັນເຫດໃຫ້ພະນັກງານຜູ້ໃຫ້ບໍລິການ ແລະ ຜູ້ໃຊ້ບໍລິການຂົວໄດ້ລົງໄມ້ລົງມືກັນ.
3. ຖ້າມີເຫດການຫຍັງເກີດຂື້ນເຈົ້າຂອງຈະສັ່ງປິດການໃຫ້ບໍລິການຂົວໂດຍບໍມີກຳນົດ ແລະ ໂດຍບໍ່ຄຳນຶງເຖິງຜົນກະທົບຂອງຜູ້ຄົນ ແລະ ບັນດາຫົວຫນ່ວຍທຸລະກິດຕ່າງໆທີ່ໃຫ້ບໍລິການນັກນັກທ່ອງໃນຝັ່ງນ້ຳຊອງເບື້ອງນັ້ນ.
4. ເວລາມີເທດສະການຕ່າງໆ ການລະບາຍລົດບໍ່ໄດ້ເລີຍ ຈຶ່ງເປັນເຫດໃຫ້ລົດຕິດຍາວເປັນຊົ່ວໂມງ -2ຊມ
5. ມັກມີອຸບັດຕິເຫດເກີດຂື້ນລະວ່າງຂ້າມຂົວຕະຫລອດ ໂດຍສະເພາະນັກທ່ອງຜູ້ຂັບລົດຈັກໄຕ່ຂື້ນຂອບໄມ້ບໍ່ເກັ່ງ.
6. ຖ້າຂົວມີການເປເພຈາກອຸບັດຕິເຫດຈະໃຊ້ເວລາໃນການປິດປັບປຸງຫລາຍມື້ເກີນໄປ ເພາະຂາດເຕັກນິກສະເພາະທາງ ມີເເຕ່ໃຊ້ພະນັກງານເກັບເງິນເປັນທັ້ງນ່າຍຊ່າງ ແລະ ເຕັກນິກໄປພ້ອມ.
7. ຜູ້ຄົນ ແລະ ນັກທ່ອງທ່ຽວຢ່າງຂ້າມຂົວກໍ່ຍັງເກັບເງິນ.

ດັ່ງນັ້ນ, ພວກເຮົາຈຶ່ງຂຽນສະເຫນີ ເພື່ອເປັນກະບອກສຽງເຖິງຫນ່ວຍງານ ແລະ ພາກສ່ວນທີ່ກ່ຽວຂ້ອງໃຫ້ລົງກວດກາ ແລະ ເເກ້ໄຂ ຖ້າເປັນໄປໄດ້ຫຍາກໃຫ້ສ້າງຂົວໃຫມ່ເປັນຂົວຊີເມັນ ແລະ ຂ້າມຟຣີຍິ່ງເປັນການດີ ຈະເປັນໃບຫນ້າໃບຕາອັນໃຫມ່ຂອງບ້ານເມືອງ ເພື່ອສ້າງຄວາມສະດວກສະບາຍໃຫ້ເເກ່ປະຊາຊົນ ແລະ ນັກນັກທ່ອງທ່ຽວ ເພາະວັງວຽງຖືເປັນເມື່ອງຫນຶ່ງທີ່ມີນັກທ່ອງທ່ຽວມາທ່ຽວຫລາຍ ຮອງຈາກຫລວງພະບາງແລ້ວ.

ຈາກ ຕົວແທນປະຊາຊົນ.


ທີ່ມາ: AeroLaos
  • ຮູບພາບ

  • ແທັກທີ່ກ່ຽວຂ້ອງ