• ຮ່ວມຕັດເຄັກສະຫຼອງ 4 ປີ ແຫ່ງຄວາມເຕີບໃຫຍ່ ຂອງສູນການຄ້າ ວຽງຈັນເຊັນເຕີ

ໂດຍ: ສີເປື້ອນມື 29 ມີນາ 2019 (16.44 ນ.) Read : 76

ໃນຕອນຄໍ່າຂອງວັນທີ 28 2019 ທີ່ຜ່ານມາ ທາງສູນການຄ້າ ວຽງຈັນເຊັນເຕີ ໄດ້ຈັດງານສະເຫຼີມສະຫຼອງຄົບຮອບ 4 ປີ. ໂດຍການເປັນປະທານຂອງທ່ານ XUBO ຮອງຜູ້ອໍານວຍການໃຫຍ່ ສູນການຄ້າ ວຽງຈັນເຊັນເຕີ ແລະເຂົ້າຮ່ວມໂດຍ ບັນດາເອກອັກຄະລັດຖະທູດ,​ ແຂກທີ່ຖືກເຊີນ ແລະມວນຊົນເຂົ້າຮ່ວມຢ່າງຫຼວງຫຼາຍ.

ຕະຫຼອດໄລຍະ 4 ປີທີ່ຜ່ານມາ ສູນການຄ້າ ວຽງຈັນເຊັນເຕີ ໄດ້ພັດທະນາ ແລະປະສົບຜົນສໍາເລັດ ໃນຫຼາຍໆດ້ານ ບໍ່ວ່າຈະເປັນດ້ານການບໍລິການ, ການບໍລິຫານສິນຄ້າ ແລະການພັດທະນາຍີ່ຫໍ້ສິນຄ້າ. ນອກຈາກນີ້, ຍັງມີສິນຄ້າທີ່ມີຊື່ສຽງເຂົ້າມາໃໝ່ ໄດ້ແກ່: I’m 5 Thank Q, K-Beauty Salon, K-Mart, Meat Plus, MC Jean, MI, Mujosh, OPPO, AEC Service, C.Y.Intex, MiMee, Okia, Shoes Station, Breaker ແລະບັນດາສິນຄ້າຍີ່ຫໍ່ດັງທີ່ຈະເຂົ້າມາອີກໃນປີນີ້ ໄດ້ແກ່:​ How r u 2 day, King Sport, Fitness, Aero soft ແລະຍີ່ຫໍ້ອື່ນຢ່າງຫຼວງຫຼາຍທີ່ໃຫ້ຄວາມສົນໃຈຮ່ວມທຸລະກິດກັບສູນການຄ້າ ວຽງຈັນເຊັນເຕີ.

      ພ້ອມດຽວກັນນັ້ນ, ຍັງມີໂປຼໂມຊັ່ນຫຼຸດລາຄາ ແລະກິດຈະກໍາຢ່າງຫຼວງຫຼາຍໃນແຕ່ລະເດືອນ ລວມເຖິງການສົ່ງເສີມກິດກະຈໍາຕ່າງໆເພື່ອສັງຄົມ, ເປັນສູນລວມງານອີເວັນລະດັບສາກົນ ແລະຍັງເປັນພື້ນທີ່ໃຫ້ເຍົາວະຊົນ ຫຼືໄວໜຸ່ມລາວໃນມີເວທີໃນການສະແດງຄວາມສາມາດຂອງຕົນ.

ໃນອະນາຄົດ ສູນການຄ້າ ວຽງຈັນເຊັນເຕີ ຈະເພີ່ມກິດຈະກໍາໃຫ້ຫຼາຍຂຶ້ນ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງລູກຄ້າທັງພາຍໃນ ແລະຕ່າງປະເທດ, ເປີດກວ້າງການນໍາເຂົ້າສິນຄ້າພາຍໃນສູນການຄ້າ, ເປີດໃຫ້ບໍລິການຈອດລົດຟຣີ ເມື່ອຊື້ສິນຄ້າໃນສູນການຄ້າຄົບ 50.000 ກີບ, ເພີ່ມພາບຫຼັກຂອງສູນການຄ້າທາງດ້ານງານຕົບແຕ່ງໃຫ້ກາຍເປັນແລນມາກແຫ່ງການທ່ອງທ່ຽວໃນນະຄອນຫຼວງວຽງຈັນ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ