• ລົມພະຍຸຖະຫລົ່ມສ້າງຄວາມເສຍຫາຍໃຫ້ແກ່ບ້ານເຮືອນ 82 ຫຼັງຄາເຮືອນ ຢູ່ເມືອງປະທຸມພອນ ເສຍຫາຍກ່ວາ 163 ລ້ານກີບ

ໂດຍ: Admin Mahason 28 ມີນາ 2019 (14.02 ນ.) Read : 557

     ກາງເດືອນມີນາ 2019 ທີ່ຜ່ານມາ ຄະນະກໍາມະການຕ້ານ, ສະກັດກັ້ນ ແລະ ຟື້ນຟູໄພພິບັດ ຂັ້ນເມືອງ ເມືອງປະທຸມພອນ ແຂວງຈຳປາສັກ ນໍາໂດຍ ທ່ານ ສົມເບັງ ໄຊຍະວົງ ພ້ອມຄະນະ ໄດ້ລົງຕິດຕາມ ກວດກາ ຈໍານວນ 5 ບ້ານ ທີ່ຖຶກຜົນກະທົບຈາກລົມພະຍຸພັດ ຢ່າງໜັກໜ່ວງ ໃນຕອນແລງຂອງວັນທີ 23 ມີນາ 2019 ເວລາ 3.30 ໂມງ ທີ່ຜ່ານມາ ເພື່ອເກັບກໍາຂໍ້ມູນ ຄອບຄົວປະຊາຊົນທີ່ຖຶກພົນກະທົບ.

     ເຫດການລົມພະຍຸພັດໃນຄັ້ງນີ້ ໄດ້ສ້າງຄວາມເສຍຫາຍໃຫ້ແກ່ບ້ານເຮືອນຂອງປະຊາຊົນທັງໝົດ 82 ຫຼັງຄາເຮືອນ, ໃນນັ້ນ: ມີບ້ານໜອງບົວນ້ອຍ 20 ຫຼັງ ເສຍຫາຍໜັກ 2 ຫຼັງ, ບ້ານໜອງບົວໃຫຍ່ 26 ຫຼັງ ເສຍຫາຍນັກ 4 ຫຼັງ, ບ້ານແຊງ 8 ຫຼັງ ເສຍຫາຍໜັກ 1 ຫຼັງ, ບ້ານນາຂາມ 3 ຫຼັງ, ບ້ານພົມມະລື 25 ຫຼັງ ເສຍຫາຍໜັກ 3 ຫຼັງ ແລະ ຍັງມີໂຮງຮຽນປະຖົມພາຍໃນບ້ານເສຍຫາຍ 1 ຫຼັງ, ລວມມູນຄ່າຄວາມເສຍຫາຍທັງໝົດ 163.009.000 ກີບ, ມີຜູ້ໄດ້ຮັບບາດເຈັບ 1 ຄົນ ແລະ ບໍ່ມີລາຍງານຜູ້ເສຍຊີວິດ ຈາກເຫດການດັ່ງກ່າວ.

    


ທີ່ມາ: ABC Laos News
  • ຮູບພາບ

  • ແທັກທີ່ກ່ຽວຂ້ອງ