• M+ ເປີດໂຕຜະລິດຕະພັນນ້ອງໃໝ່ ພ້ອມເຊັນສັນຍາກັບບັນດາຕົວແທນ

ໂດຍ: ສີເປື້ອນມື 27 ມີນາ 2019 (16.02 ນ.) Read : 162

ໃນມື້ນີ້ວັນທີ 27 ມີນາ 2019 ທາງບໍລິສັດ ຊຸ້ນເຈ໋ຍ (M+) ການຄ້າ ຂາອອກ-ຂາເຂົ້າ ຈໍາກັດ ໄດ້ຈັດງານເປີດໂຕຜະລິດຕະພັນໃໝ່ M+ K50D ແລະເຊັນສັນຍາລະຫວ່າງ ບໍລິສັດ ຊຸນເຈຍ ກັບ ຕົວແທນຈໍາໜ່າຍທົ່ວປະເທດ ທີ່ ສູນການຄ້າ ວຽງຈັນເຊັນເຕີ. ພາຍໃຕ້ການເປັນປະທານຂອງທ່ານ ເຊຍຊູ່ ຜູ້ອໍານວຍການ ບໍລິສັດ ຊຸ້ນເຈ໋ຍ ການຄ້າ ຂາອອກ-ຂາເຂົ້າ ຈໍາກັດ ແລະໃຫ້ກຽດເຂົ້າຮ່ວມເຊັນສັນຍາໄດ້ແກ່: ທ່ານ ຫວາງຫຼຸ່ຍ ຕົວແທນ ແຂວງ ຫົວພັນ, ທ່ານ ຈ່າງຫວານຮົວະ ຕົວແທນ ແຂວງ ອຸດົມໄຊ,​ ທ່ານ ຫວາງຫວູຈຸ່ນ ຕົວແທນ ແຂວງ ຫຼວງພະບາງ, ທ່ານ ຫວາງຈ້ຽນ ຕົວແທນ ແຂວງ ໄຊຍະບູລີ, ທ່ານ ຮູລ້ຽງພິງ ຕົວແທນ ແຂວງ ຄໍາມ່ວນ, ທ່ານ ໂຫເວິນຫຼົງ ຕົວແທນ ແຂວງ ສະຫວັນນະເຂດ ແລະທ່ານ ນາງ ຫຼິວຈ່ຽວນ້າ ຕົວແທນ ແຂວງ ຈໍາປາສັກ.

ຈຸດປະສົງຂອງການຈັດງານໃນຄັ້ງນີ້ແມ່ນ ເພື່ອເປັນການເປີດໂຕຜະລິດຕະພັນໃໝ່ຄື ເຄື່ອງສຽງ M+ K50D ທີ່ມາພ້ອມສຽງອັນຊົງພະລັງ, ມີຄຸນນະພາບສູງ ແລະກໍາລັງເປັນທີ່ຕ້ອງການຂອງຕະຫຼາດ. ນອກນັ້ນ, ຍັງເປັນການເຊັນສັນຍາກັບບັນດາຕົວແທນທົ່ວປະເທດ ແລະສິ່ງສໍາຄັນແມ່ນ ເປັນສ້າງສໍາພັນທະມິດໃຫ້ມີຄວາມແຂງແກ່ນ ເຊິ່ງການເຊັນສັນຍາໃນຄັ້ງນີ້ ກໍເພື່ອການຮ່ວມມືທາງດ້ານທຸລະກິດ, ປ້ອງກັນບັນຫາທີ່ຈະເກີດຂຶ້ນ ແລະກຽມພ້ອມຮັບມືກັບທຸກສະຖານະການ ພ້ອມທັງສ້າງຄວາມເຊື່ອໝັ້ນໃຫ້ກັບບັນດາຕົວແທນຈໍາໜ່າຍ. ໃນອະນາຄົດ ທາງບໍລິສັດ ຊຸ້ນເຈ໋ຍ ຈະຖືເອົາບັນດາຮ້ານຄ້າໃຫຍ່ເປັນສູນກາງ ແລະຖອດຖອນບົດຮຽນເພື່ອພັດທະນາ ໂດຍໃຊ້ຮູບແບບການບໍລິຫານແບບສາກົນ, ຖືເອົາຄວາມຕ້ອງການຂອງຕະຫຼາດເປັນສິ່ງສໍາຄັນ, ມຸ່ງໝັ້ນສ້າງຄຸນນະພາບ ແລະພັດທະນາສິນຄ້າໃຫ້ດີຂຶ້ນ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • M+