• ໂຮງແຮມ 4 ດາວ ທີ່ດີທີ່ສຸດໃນອຸດອນ ເດີ ປຣິ້ນເຊັດ ອຸດອນທານີ

ໂດຍ: ສີເປື້ອນມື 26 ມີນາ 2019 (14.24 ນ.) Read : 257

ໂຮງແຮມ ເດີ ປຣິ້ນເຊັດ ອຸດອນທານີ “De Princess Oudonthani Hotel” ເປີດໃຫ້ບໍລິການຕັ້ງແຕ່ວັນທີ 01 ພະຈິກ 2018 ເປັນເວລາເກືອບ 5 ເດືອນແລ້ວ ຕັ້ງຢູ່ໃຈກາງເມືອງຂອງອຸດອນທານີ ໃກ້ກັບຂົງເຂດທຸລະກິດທີ່ອ້ອມຮອບໄປດ້ວຍຮ້ານຄ້າຕ່າງໆ ເຊັ່ນ: UD Town ແລະCentral Plaza Oudonthani ດ້ວຍການເດີນທາງພຽງ 15 ນາທີ, ຫ້ອງພັກຖືກອອກແບບຢ່າງສວຍງາມມີສະໄຕລ໌ ແລະອຸປະກອນຕົບແຕ່ງທີ່ຫຼູຫຼາ ພ້ອມສິ່ງອໍານວຍຄວາມສະດວກ ແລະເຄື່ອງໃຊ້ທີ່ໄດ້ມາດຕະຖານສາກົນ ແລະເປັນໂຮງແຮມລະດັບ 4 ດາວ ທີ່ເປັນເອກະລັກສະເພາະຂອງອຸດອນທານີ ເຊິ່ງເປັນການສ້າງປະສົບການໃໝ່ຂອງການພັກຜ່ອນທີ່ແປກໃໝ່. ໂຮງແຮມ ມີຈໍານວນ 70 ຫ້ອງ; ໃນນັ້ນ ມີຫ້ອງ Superior 43 ຫ້ອງ, ຫ້ອງ Deluxe 19 ຫ້ອງ ແລະຫ້ອງ Suite 8 ຫ້ອງ, ຖືກຕົບແຕ່ງຢ່າງຫຼູຫຼາ ພ້ອມສິ່ງອໍານວຍຄວາມສະດວກຕ່າງໆ ບໍ່ວ່າຈະເປັນ ຫ້ອງອາຫານ ເດີນາງເດີ, ສະລອຍນໍ້າ, ຫ້ອງອອກກໍາລັງກາຍ, ຫ້ອງນວດ, ຫ້ອງສະໝຸດ, ຫ້ອງປະຊຸມສໍາມະນາ, ຫ້ອງຈັດງານລ້ຽງ, ຫ້ອງຮັບປະທານອາຫານສ່ວນຕົວ ແລະໂຊນນັ່ງຊິວໆ.

ທ່ານ ນາງ ນະຣະມົນ ພັນແສນ (ຟ້າ) ຜູ້ຈັດການທົ່ວໄປ ໂຮງແຮມ ເດີ ປຣິ້ນເຊັດ ອຸດອນທານີ ໄດ້ກ່າວວ່າ: ໃນປີ 2019 ພວກເຮົາໄດ້ມີແຜນທີ່ຈະເຮັດຕະຫຼາດໃນລາວ ໂດຍເລີ່ມຈາກນະຄອນຫຼວງວຽງຈັນ ແລະຂະຫຍາຍໄປແຂວງອື່ນໃນອະນາຄົດ. ເນື່ອງຈາກຜ່ານມາມີນັກທ່ອງທ່ຽວຈາກ ສປປ ລາວ ເຂົ້າມາທ່ອງທ່ຽວທີ່ ອຸດອນທານີ ເປັນຈໍານວນຫຼວງຫຼາຍ ໂດຍສະເພາະແມ່ນມາຈັບຈ່າຍໃຊ້ສອຍ ແລະພັກຜ່ອນ. ຄາດວ່າຈະມີລູກຄ້າເຂົ້າມາຈາກ ສປປ ລາວ ເຂົ້າມາພັກທີ່ໂຮງແຮມເຮົາເກີນ 50% ເຊິ່ງຫຼາຍກວ່າປະເທດອື່ນ ເພາະອຸດອນທານີ ມີແຫຼ່ງທ່ອງທ່ຽວທີ່ສໍາຄັນຫຼາຍແຫ່ງທີ່ໜ້າສົນໃຈ.

ສໍາລັບຈຸດພິເສດຂອງໂຮງແຮມດັ່ງກ່າວແມ່ນຫ້ອງອາຫານທີ່ຮວບຮວມເອົາບັນດາອາຫານທີ່ເປັນເອກະລັກສະເພາະຂອງໂຮງແຮມ ບໍ່ວ່າຈະເປັນອາຫານລາວ, ອາຫານອີສານ, ສູດອາຫານໄທບູຮານ, ອາຫານໄທພາກໃຕ້, ກາງ ແລະເໜືອ, ອາຫານເອີລົບ ແລະອື່ນໆ ເຊິ່ງໄດ້ພໍ່ຄົວສີມືດີ ອາຈານ ກອບແກ້ວ ນາດພິນິດ ຄອຍເນລະມິດອາຫານແຊບໆໃຫ້ຮັບປະທານ ເສີບພ້ອມເຄື່ອງດື່ມທຸກຊະນິດຕາມຕ້ອງການ.

ໂຮງແຮມ ເດີ ປຣິ້ນເຊັດ ອຸດອນທານີ (De Princess Hotel) ຕັ້ງຢູ່ ບ້ານ ເກົ່າຈານ ຕໍາບົນໝາກແຂ້ງ ອໍາເພີເມືອງ ແຂວງ ອຸດອນທານີ ເປີດໃຫ້ບໍລິການທຸກວັນ. ພິເສດຖ້າບອກວ່າຮູ້ມາຈາກມະຫາຊົນ ຈະມີສ່ວນຫຼຸດໃຫ້ 20%. ນອກນັ້ນ, ທາງໂຮງແຮມຍັງມີລົດຮັບສົ່ງຟຣີ ສໍາລັບ ໄປ-ກັບ ສະໜາມບິນອຸດອນ, ສະຖານີລົດໄຟ, ດ່ານມິດຕະພາບ ແລະບໍລິເວນໃກ້ຄຽງ. ແຟັກ/ເບີໂທລະສັບ: +66 4 220 4444.


ທີ່ມາ:
  • ຮູບພາບ