• ຫ້າມຂຶ້ນນລາຄາສິນຄ້າ ແລະ ຄ່າບໍລິການເດັດຂາດໃນ ໄລຍະບຸນປີໃຫມ່ລາວ

ໂດຍ: Admin Mahason 25 ມີນາ 2019 (09.25 ນ.) Read : 587

     ການຂຶ້ນລາຄາສິນຄ້າ ແລະ ຄ່າບໍລິການ ໃນຊ່ວງເທດສະການຕ່າງໆ ໂດຍບໍ່ສົມເຫດສົມຜົນມັກເກີດຂຶ້ນເປັນປະຈຳ ໂດຍສະເພາະ ປີໃຫມ່ສາກົນ, ປີໃຫມ່ລາວ ແລະ ເທດສະການກີນກຸດ ຂອງພີ່ນ້ອງຊາວຫວຽດນາມ ແລະ ຊາວຈີນ. ແມ່ຄ້າ ແລະ ສະຖານບໍລິການຕ່າງໆ ແມ່ນຈະມັກສວຍໂອກາດປັບຂຶ້ນລາຄາໃຫ້ເຫັນຢູ່ເລື້ອຍໆ ເຊີ່ງເຮັດໃຫ້ເປັນທີ່ວິພາກວິຈານຂອງສັງຄົມ ວ່າແພງເກີນເຫດ ບໍ່ວ່າຈະເປັນ ອາຫານການກີນ ຫຼື ທີ່ພັກອາໃສ.

     ຫຼວງພະບາງ ໃນນາມແຂວງທີ່ຂື້ນຊື່ດ້ານການທ່ອງທ່ຽວ ໃນໄລຍະເທດສະການຕ່າງໆ ເພາະມີທັງນັກທ່ອງທ່ຽວພາຍໃນປະເທດ ແລະ ນັກທ່ອງທ່ຽວຕ່າງປະເທດ ຕ່າງກໍ່ລັ່ງໄຫຼກັນໄປທ່ອງທ່ຽວຢູ່ແຂວງຫຼວງພະບາງ ສະນັ້ນເພື່ອປ້ອງກັນການສວຍໂອກາດຂອງ ພໍ່ຄ້າຊາວຂາຍ ຫ້ອງການອຸດສະຫະກຳ ແລະ ກາຄ້າ ໄດ້ອອກແຈ້ງການ ສະບັບດລກທີ 041/ອຄ.ນຫຼບ ລົງວັນທີ 18 ມີນາ 2019 ການກຳນົດລາຄາສິນຄ້າ, ຮ້ານຄ້າ, ສະຖານທີ່ພັກ ແລະ ພໍ່ແມ່ປະຊາຊົນ ໃນທົ່ວນະຄອນຫຼວງພະບາງ.

      ຫ້ອງການອຸດສະຫະກຳ ແລະ ການຄ້າ ນະຄອນຫຼວງພະບາງ ໄດ້ແຈ້ງເຖີງອຳນາດການປົກຄອງບ້ານ, ບໍລິສັດ, ນັກທຸລະກິດ, ເຮືອນພັກ, ໂຮງແຮມ, ລີສອດ, ຮ້ານ ກິນດື່ມ-ຮ້ານອາຫານ, ຫ້າງຮ້ານ, ຜູ້ຮັບຜິດຊອບສະຖານທີ່ທ່ອງທ່ຽວຕ່າງໆ, ພະນັກງານ, ທະຫານຕຳຫຼວດ ແລະ ປະຊາຊົນບັນດາເຜົ່າ ທົ່ວນະຄອນຫຼວງພະບາງ ຊາບທົ່ວເຖີງກັນວ່າ: ຜູ້ປະກອບການ ຫຼື ຜູ້ສະໜຶງສິນຄ້າ ແລະ ຜູ້ໃຫ້ບໍລິການດ້ານຕ່າງໆ ຕ້ອງວາງລາຄາສິນຄ້າ ແລະ ຄ່າການໃຫ້ບໍລິການ ເພື່ອບໍ່ໃຫ້ມີການເອົາລັດເອົາປຽບໂດຍບໍ່ເໝາະສົມເກີດຂຶ້ນ ຫຼື ບໍ່ເປັນທຳຕໍ່ສັງຄົມ ໃຫ້ພາດກສ່ວນທີ່ກ່ຽວຂອງ ຫຼື ພາກສ່ວນລຸ່ນນີ້ ກຳນົດຄຸ້ມຄອງ ການກຳນົດລາຄາສິນຄ້າ-ຄ່າບໍລິການ ຢ່າງຖືກຕ້ອງສົມເຫດສົມຜົນ.

1. ເຮືອນພັກ, ລີສອດ ແລະ ໂຮງແຮມຕ່າງໆ ໃຫ້ກຳນົດລາຄາຫ້ອງພັກ ແລະ ບໍລິການເສີມຕ່າງໆກັບທຸລະກິດທີ່ກ່ຽວພັນ.
2. ບັນດາຮ້ານອາຫານ-ຮ້ານກິນດືມ ແລະ ສະຖານທີ່ທ່ອງທ່ຽວຕ່າງໆ.
3. ການບໍລິການຄ່າລົດໂດຍສານ, ລົດໃຫ້ເຊົ່າ ແລະ ຝາກລົດຕ່າງໆ.
4. ພາກລັດ ຫຼື ຜູ້ສຳປະທານ ຄ່າເຂົ້າຊົມສະຖານທີ່ແຫ່ງທ່ອງທ່ຽວດ້ານວັດທະນະທຳ-ທຳມະຊາດ ແລະ ການຄຸ້ມຄອງຄ້າບໍລິການອື່ນໆ ທີ່ຕິດພັນກັບການທ່ອງທ່ຽວ.

5. ທຸກໆພາກສ່ວນໃນການຈຳໜ່າຍຊື້ສິນຄ້າ ແລະ ຄ່າບໍລິການ, ການຊຳລະສິນຄ້າ, ຄ່າບໍລິການ, ຕ້ອງຕິດລາຄາ, ໂຄສະນາຕ້ອງເປັນເງີນກີບ.
6. ຫ້າມບໍ່ໃຫ້ຂຶ້ນລາຄາສິນຄ້າ ແລະ ຄ່າບໍລິການ ທີ່ຂະແໜງການກ່ຽວຂ້ອງກຳນົດໄວ້ ບໍ່ວ່າຈະນອນຢູ່ໃນລາຍການຄອບຄຸມລາຄາ ຫຼື ບໍກໍ່ຕາມ.


ທີ່ມາ: ຂ່າວອັບເດດ
  • ແທັກທີ່ກ່ຽວຂ້ອງ