• BROTHER ເຮັດແທ້! ກຽມພ້ອມ ບຸກຕະຫຼາດໃນລາວ

ໂດຍ: ສີເປື້ອນມື 22 ມີນາ 2019 (14.42 ນ.) Read : 286

ໃນວັນທີ 20 ມີນາ 2019 ທາງ ບໍລິສັດ BROTHER COMMERCIAL (ປະເທດໄທ) ຈໍາກັດ ໄດ້ຈັດງານຖະແຫຼງຂ່າວ ເປີດໂຕ Brother ຜູ້ນໍານະວັດຕະກໍາເຄື່ອງພິມ, ເຄື່ອງພິມເລເບວ, ສະແກນເນີ ແລະຈັກຫຍິບເຄື່ອງອິເລັກໂຕນິກ ຢ່າງເປັນທາງການ ທີ່ໂຮງແຮມ ຄລາວ ພລາຊາ. ໃຫ້ກຽດເຂົ້າຮ່ວມງານໄດ້ແກ່: ທ່ານ ທີຣະວຸດ ສຸພະພັນພິນໂຍ ວ່າທີ່ຜູ້ອໍານວຍການໃຫຍ່ ບໍລິສັດ BROTHER COMMERCIAL (THAILAND) LTD ໂດຍຈະເຂົ້າຮັບຕໍາແໜ່ງໃນວັນທີ 1 ເມສາ 2019, ທ່ານ ພົງພັນ ສຸຣະວັດຈະເລີນ ຜູ້ຈັດການອາວຸໂສຝ່າຍການຕະຫຼາດ ບໍລິສັດ BROTHER COMMERCIAL (THAILAND) LTD ພ້ອມດ້ວຍບັນດາຕົວແທນຈໍາໜ່າຍ ແລະຄູ່ຮ່ວມທຸລະກິດ.

BROTHER ມີຄວາມພ້ອມໃນບຸກຕະຫຼາດລາວ ດ້ວຍການຕອບໂຈດໃນການພິມ ແລະການຈັດການ ພ້ອມທັງນຳສະເໜີການຕອບໂຈດທີ່ຫຼາກຫຼາຍ ແລະການເພີ່ມຕົວເລືອກໃຫ້ຜູ້ບໍລິໂພກເຂົ້າຫາຜະລິດຕະພັນໄດ້ໃນທຸກລະດັບ ເພື່ອສະໜັບສະໜູນ ແລະເພີ່ມສັກກະຍະພາບອົງກອນລັດ-ເອກະຊົນ ໃນການປ່ຽນຜ່ານເຂົ້າສູ່ຍຸກ Digital Transformation ໄດ້ຢ່າງສົມບູນແບບ.

ທ່ານ ທີຣະວຸດ ສຸພະພັນພິນໂຍ ໄດ້ກ່າວວ່າ: ຄວາມຈິງແລ້ວເຮົາມີຜະລິດຕະພັນຂອງ BROTHER ຢູ່ໃນຕະຫຼາດຂອງລາວ ມາຫຼາຍກວ່າ 10 ປີແລ້ວ ແລະໃນຊ່ວງປີທີ່ຜ່ານມາກໍໄດ້ມີການຈັດສຳມະນາ ແລະເຮັດກິດຈະກຳ ແຕ່ເນື່ອງຈາກພວກເຮົາເບິ່ງເຫັນວ່າ: ລາວ ເປັນຕະຫຼາດທີ່ມີສັກກະຍະພາບ ແລະມີການເຄື່ອນໄຫວປ່ຽນແປງຢ່າງຕໍ່ເນື່ອງຕາມການປ່ຽນແປງຂອງໂລກດິຈິຕໍຍຸກໃໝ່ ເຊິ່ງເປັນຊ່ວງເວລາທີ່ພວກເຮົາກຳລັງເກີດການປ່ຽນຜ່ານດ້ານເຕັກໂນໂລຊີດິຈິຕອນ ໃນການໃຊ້ຊີວິດທຸກລະດັບ ຫຼື ເອີ້ນໄດ້ວ່າ Digital Transformation ນັ້ນເອງ ທັງສະຖາບັນເອກະຊົນ ແລະ ໜ່ວຍງານລັດຖະບານໃນ ສປປ ລາວ ຕ່າງກໍໃຫ້ຄວາມສຳຄັນ ແລະ ຕື່ນຕົວໃນການນຳເຕັກໂນໂລຊີເຂົ້າມາໃຊ້ຫຼາຍຂຶ້ນ ພວກເຮົາຈຶ່ງຕ້ອງການເຂົ້າມາເຮັດກິດຈະກຳການຕະຫຼາດຕ່າງໆໃຫ້ຫຼາຍຂຶ້ນເພື່ອຕອບສະໜອງຄວາມຕ້ອງການນີ້.

ທ່ານ ພົງພັນ ສຸຣະວັດຈະເລີນ ໄດ້ກ່າວວ່າ: ໃນປີ 2019 ບໍລິສັດ BROTHER ມີແຜນທີ່ຈະນຳສະເໜີການຕອບໂຈດ ແລະ ຜະລິດຕະພັນຂອງເຮົາເຂົ້າສູ່ຕະຫຼາດ ສປປ ລາວ ຫຼາຍຂຶ້ນ ແລະ ມີຄວາມຫຼາກຫຼາຍຍິ່ງຂຶ້ນ ບໍວ່າຈະເປັນ ເຄື່ອງພິມເລເຊີອິງເຈັດ, ສະແກນເນີ, ເຄື່ອງພິມເລເບວ ແລະຈັກຫຍິບເຄື່ອງອີເລັກໂຕນິກ ໂດຍເຮົາຈະເນັ້ນໜັກໃນດ້ານຄວາມຮູ້ ແລະ ຄວາມເຂົ້າໃຈ ກ່ຽວກັບການນຳ ເຕັກໂນໂລຊີດິຈິຕໍ ມາໃຊ້ເພື່ອໃຫ້ສອດຄ່ອງກັບຍຸກ Digital Transformation ໄດ້ຢ່າງໄວວາ ແລະເກີດປະສິດທິຜົນຕໍ່ອົງກອນ ຫຼືໜ່ວຍງານໄດ້ສູງສຸດ.

ປັດຈຸບັນ BROTHER ມີຕົວແທນຈຳໜ່າຍ ແລະ ສູນບໍລິການຫຼັງການຂາຍຄົບວົງຈອນຢູ່ໃນ ສປປ ລາວ ຢູ່ 5 ແຫ່ງດ້ວຍກັນກໍ່ຄື: ບໍລິສັດ JIRO Corporation, ຫ້າງສັບພະສິນຄ້າ K-Plaza, ບໍລິສັດ CS Intellect (Lao), Kevin Computer ແລະສຸພາໄຊ ຄອມພິວເຕີ. ນອກຈາກນີ້ ຍັງມີຄູ່ຮ່ວມທຸລະກິດຈາກໄທ ທີ່ຮ່ວມເຮັດຕະຫຼາດໃນລາວ ອີກ 2 ບໍລິສັດຄື: ບໍລິສັດ ຊິນເນັກ (ປະເທດໄທ) ຈໍາກັດ (ມະຫາຊົນ) ແລະບໍລິສັດ ແອັດໄວ໋ ໄອທີ ອິນຟິນິກ ຈໍາກັດ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • BROTHER