• ອົງການ FAO ແນະນຳຫວຽດນາມ ປະກາດພາວະສຸກເສີນ ຫລັງເຊື້ອ “ອະຫິວາອາຟຣິກາໃນຫມູ” ລະບາດບໍ່ຢຸດ

ໂດຍ: Admin Mahason 20 ມີນາ 2019 (15.21 ນ.) Read : 1,353

     ສຳນັກຂ່າວຮອຍເຕີລາຍງານຈາກນະຄອນຮ່າໂນຍປະເທດຫວຽດນາມ ເມື່ອວັນທີ່ 19 ມີນາ 2019 ວ່າ ເຊື້ອໄວຣັສອະຫິວາອາຟຣິກາໃນຫມູ (ເອເອສເອຟ) ຖືກກວດພົບໃນຫວຽດນາມຄັ້ງທຳອິດເມື່ອເດືອນທີ່ແລ້ວ ໃນຟາມ 3 ແຫ່ງໃນ 2 ແຂວງທາງພາກເຫນືອ ແລະລ່າສຸດໄດ້ແຜ່ເປັນ 17 ແຂວງທາງພາກເຫນືອກວດພົບໃນຟາມ 239 ແຫ່ງ.

     ຊີ້ນຫມູຄອງສ່ວນແບ່ງປະມານ 75 % ຂອງການບໍລິໂພກຊີ້ນສັດທັງຫມົດໃນຫວຽກນາມ ປະເທດປະຊາກອນ 95 ລ້ານຄົນ ແລະສ່ວນໃຫ່ຍຂອງຫມູລ້ຽງໃນຟາມ 30 ລ້ານໂຕຖືກບໍລິໂພກໃນປະເທດ

     ທ່ານອັລເບິຣດ ທີ ລີເບິຣກ ຜູ້ແທນເອຟເອໂອປະຈຳຫວຽດນາມ ກ່າວພາຍຫຼັງພົບປະກັບເຈົ້າຫນ້າທີ່ທາງການຫວຽດນາມເມື່ອອາທິດທີ່ຜ່ານມາວ່າ ການສູນເສຍຫມູຈາກການຕິດເຊື້ອເອເອສເອຟ ແລະມາດຕະການຄວບຄຸມ ນຳໄປສູ່ພາວະທາງເສດຖະກິດ ສຳລັບຄອບຄົວຊາວຊົນນະບົດຈຳນວນຫລາຍ

     ຫວຽດນາມດຳເນີນການຄວບຄຸມການເຄື່ອນຍ້າຍຫມູ ແລະຜະລິດຕະພັນຈາກຊີ້ນຫມູຢ່າງເຂັ້ມງວດ ລວມທັງກຳຈັດຫມູແລ້ວກວ່າ 25.000 ໂຕ ແຕ່ເອຟເອໂອ ກ່າວວ່າ ບັນດາຟາມລ້ຽງຂະຫນາດນ້ອຍທີ່ມີຄວາມປອດໄພດ້ານຊີວະພາບຕ່ຳຈະເຮັດໃຫ້ໂລກ ເອເອສເອຟ ແຜ່ລະບາດຫລາຍຂື້ນອີກ

     ເອເອສເອຟ ຊື່ງເປັນໂລກທີ່ບໍ່ສາມາດຮັກສາໄດ້ໃນຫມູແຕ່ບໍ່ເປັນອັນຕະລາຍຕໍ່ມະນຸດ ຍັງແຜ່ລະບາດຢ່າງວ່ອງໄວທົ່ວປະເທດຈີນ ເພື່ອນບ້ານ ເມື່ອອາທິດທີ່ຜ່ານມາທາງການປັກກິ່ງປະກາດຫ້າມນຳເຂົ້າຫມູ ຫມູປ່າ ແລະຜະລິດຕະພັນທີ່ກ່ຽວຂ້ອງຈາກຫວຽດນາມ


ທີ່ມາ: ABC Laos News
  • ຮູບພາບ

  • ແທັກທີ່ກ່ຽວຂ້ອງ