• ອັນຕະລາຍຈາກຝຸ່ນ PM 2.5 ແລະວິທີການປ້ອງກັນ

ໂດຍ: ສີເປື້ອນມື 14 ມີນາ 2019 (11.09 ນ.) Read : 3,541

ຄຳວ່າ PM ຫຍໍ້ມາຈາກ Particulate Matters ເປັນຄຳເອີ້ນ ຄ່າມາດຕະຖານຂອງຝຸ່ນລະອອງຂະໜາດນ້ອຍ, ສ່ວນໂຕເລກ 2.5 ນັ້ນມາຈາກຫົວຫນ່ວຍ 2.5 ໄມຄອນນັ້ນເອງ.

-   1.-ຝຸ່ນລະອອງມາຈາກໃສ?: ມາຈາກຫລາຍປັດໄຈເຊັ່ນ: ໂຮງຜະລິດໄຟຟ້າ, ຄວັນຈາກລົດ, ການຈູດໄມ້ທຳລາຍປ່າ, ຈູດຂີ້ເຫຍື້ອ, ຄວັນຢາສູບ, ເກີດຈາກກິດຈະກຳຕ່າງໆ ທີ່ຄົນເຮົາເຮັດທຸກມື້ ສົ່ງຜົນໃຫ້ເກີດຝຸ່ນລະອອງໃໝ່ໆ, ແຫຼ່ງຕົ້ນຕໍຫລັກໆແມ່ນຍ້ອນການເຜົາໄຫມ້ເຊື້ອເພີງທຳມະຊາດທີ່ບໍ່ສົມບູນ ແລະຝຸ່ນຈາກການກໍ່ສ້າງ. ຕົວເມືອງທີ່ມີຕຶກສູງຈະເຮັດໃຫ້ເກີດຮ່ອງສະສົມຝຸ່ນພິດນີ້ໄດ້ງ່າຍ ເຊິ່ງປົກກະຕິຝຸ່ນເຫຼົ່ານີ້ຈະລອຍຂຶ້ນໄປອາກາດແລ້ວຈະຖືກລົມພັດກະຈາຍໄປ, ຖ້າມື້ໃດອາກາດນີ້ງບໍ່ຄ່ອຍມີລົມ ຝຸ່ນຈະບໍ່ກະຈາຍ ສົ່ງຜົນໃຫ້ລະດັບຄວາມເຂັ້ມຂຸ້ນຂອງຝຸ່ນໃນພື້ນທີ່ນັ້ນໆສູງຂຶ້ນ ຈົນກາຍເປັນລະດັບທີ່ອັນຕະລາຍຕໍ່ສຸຂະພາບ. ມັກຈະວົນວຽນຫລາຍໃນຊ່ວງກາງຄືນແຕ່ຈະຄ່ອຍໆຈາງໄປເມື່ອຕາເວັນສ່ອງໃນຍາມເຊົ້າ.

-    2-. ມີຜົນກະທົບຕໍ່ຮ່າງກາຍແນວໃດ?: ເນື່ອງຈາກຝຸ່ນ PM 2.5 ມີຂະໜາດນ້ອຍຫຼາຍ, ນ້ອຍກວ່າເສັ້ນຜົມເຮົາປະມານເກືອບ 40 ເທົ່າ ແລະບໍ່ສາມາດເບິ່ງເຫັນດ້ວຍຕາເປົ່າ. ຈຶ່ງເປັນອັນຕະລາຍຕໍ່ສຸຂະພາບ ເນື່ອງຈາກຂົນດັງເຮົາບໍ່ສາມາດກັ່ນຕອງໂມເລກຸນທີ່ນ້ອຍຂະຫນາດນີ້ໄດ້ ຈຶ່ງສາມາດຜ່ານເຂົ້າປອດໄດ້ເລິກຂຶ້ນ ເຊິ່ງນຳໄປສູ່ໂລກໄພໄຂ້ເຈັບຫລາຍຢ່າງ ແລະຍັງເປັນສານກໍ່ມະເຮັງອີກດ້ວຍ.

-    3-. ການປ້ອງກັນເບື້ອງຕົ້ນ: ກ່ອນຈະອອກນອກບ້ານໃຫ້ໃສ່ຫນ້າກາກຊະນິດ N95 ດັ່ງໃນຮູບ, ຈະຊ່ວຍປ້ອງກັນໄດ້ເຖິງ 99%. ເນື່ອງຈາກໜ້າກາກທົ່ວໄປແມ່ນບໍ່ໄດ້ເຮັດມາເພື່ອກັ່ນຕອງຝຸ່ນ ແຕ່ ປ້ອງກັນຝຸ່ນລະອອງທົ່ວໄປ ທີ່ສາມາດເບິ່ງເຫັນ, ພ້ອມກັບຫຼີກລ່ຽງກິດຈະກຳກາງແຈ້ງໃນຊ່ວງທີ່ຝຸ່ນພິດຢູ່ໃນລະດັບສູງ.

ໃນວັນທີ 14 ມີນາ 2019 ຫຼາຍພື້ນທີ່ໃນປະເທດລາວ ກຳລັງພົບບັນຫາກັບຝຸ່ນລະອອງ ພີເອັມ2.5 ແລະຍັງບໍ່ທັນຫາຍໄປເທື່ອ.

ຂໍ້ມູນ: ຄລີນິກໂພນທັນໃຕ້ & ຮ້ານຂາຍຢາ ເວດພະວັນ

 


ທີ່ມາ: ຟັງຂ່າວ99
  • ຮູບພາບ

  • ແທັກທີ່ກ່ຽວຂ້ອງ