• ປະຊາຊົນ ເມືອງບົວລະພາ ລະດົມກັນສ້ອມແປງຂົວທີ່ເປ່ເພ

ໂດຍ: ສີເປື້ອນມື 07 ມີນາ 2019 (11.16 ນ.) Read : 108

ໃນລະຫວ່າງວັນທີ 2 – 6 ມີນາ 2019 ທີ່ຜ່ານມາ ຄະນະກອງກໍ່ສ້າງຮາກຖານການເມືອງ, ກຸ່ມບ້ານ ນາພະນັງ ເມືອງ ບົວລະພາ ແຂວງ ຄໍາມ່ວນ ໄດ້ສົມທົບກັບ ອຳນາດ ການປົກຄອງບ້ານ, ພໍ່ແມ່ປະຊາຊົນ ບ້ານ ນາປຸ່ງ, ເມືອງບົວລະພາ ສ້າງຂະບວນການສ້ອມແປງຂົວທີ່ເປ່ເພຢູ່ໃນ 2 ຈຸດຂອງເມືອງບົວລະພາ ທັງນີ້ ກໍເພື່ອອໍານວຍຄວາມສະດວກໃຫ້ພໍ່ແມ່ປະຊາຊົນໄດ້ມີການສັນຈອນໄປມາລະຫວ່າງບ້ານ, ທັງເປັນການຜັນຂະຫຍາຍມະຕິຕົກລົງ ຂອງເມືອງບົວລະພາຕາມແຜນພັດທະນາ ເສດຖະກິດ - ສັງຄົມ ແລະ ສ້າງຂະບວນການຂ່ຳນັບຮັບຕ້ອນ ກອງປະຊຸມໃຫຍ່ ຂອງຄະນະບໍລິຫານງານ ສະຫະພັນແມ່ຍິງ ແລະ ຄະນະບໍລິຫານງານສະຫະພັນກຳມະບານຂອງເມືອງ.

ຈຸດທີ່ໄດ້ສ້ອມແປງໃນຄັ້ງນີ້ ມີຢູ່ 2 ຈຸດໃຫຍ່ຄື: ຂົວຂ້າມຫ້ວຍໜອງຄວາຍຕາຍ ແລະ ຂົວຂ້າມຫ້ວຍຕ່າວ, ບ້ານ ນາປຸ່ງ ເຊິ່ງໄດ້ສຳເລັດ ແລະ ນຳໃຊ້ໄດ້ຢ່າງເປັນທາງການແລ້ວໃນປັດຈຸບັນ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ