• ເປີດແລ້ວ! ຫ້ອງເສື້ອ L & Three Design

ໂດຍ: ສີເປື້ອນມື 06 ມີນາ 2019 (14.49 ນ.) Read : 146

ໃນຕອນຄໍ່າຂອງວັນທີ 04 ມີນາ 2019 ຜ່ານມາ ໄດ້ມີການຈັດງານເປີດຫ້ອງເສື້ອ ແອລ ແອນ ທຣີ (L & Three Design)  ຢ່າງເປັນທາງການ ທີ່ບ້ານ ວັດໄຕນ້ອຍທ່າ ເມືອງ ສີໂຄດຕະບອງ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ນາງ ວັນນາລີ ອ່ອນສະຫວັດ ຜູ້ບໍລິຫານຫ້ອງເສື້ອ L and Three Design ມີບັນດາແຂກຖືກເຊີນ, ສິລະປິນ, ນາຍແບບ-ນາງແບບ ແລະເຈົ້າຂອງຫ້ອງເສື້ອຊື່ດັງຕ່າງໆເຂົ້າຮ່ວມ.

      ທ່ານ ນາງ ວັນນາລີ ໄດ້ໃຫ້ສໍາພາດວ່າ: ຈຸດປະສົງຂອງການເປີດຫ້ອງເສື້ອ L & Three Design ແມ່ນເພື່ອເປັນການນຳສະເໜີ ແຟຊັ່ນໃນຮູບແບບໃໝ່ທີ່ໂດດເດັ່ນ ສຳລັບເຄື່ອງແຕ່ງກາຍຂອງທ່ານຊາຍໂດຍສະເພາະ ເຊິ່ງໄດ້ນັກອອກແບບຊື່ດັງຈາກປະເທດໄທ ຜູ້ທີ່ເຄີຍສ້າງຜົນງານໃນລະດັບສາກົນມາຄອຍແນະນຳ ແລະໃຫ້ຄຳປຶກສາແກ່ບັນດາລູກຄ້າທຸກທ່ານ. ຜະລິດຕະພັນພາຍໃນຮ້ານ L and Three Design ກໍຈະມີປະເພດ: ຊຸດແວັດ, ເກີບໜັງ, ເນັກໄທ້, ຊຸດອອກງານ ແລະເຄື່ອງປະດັບອື່ນໆ  ທີ່ມີເອກະລັກສະເພາະ ທີ່ເຕັມໄປດ້ວຍຄຸນນະພາບ ແລະມີຄວາມຫຼູຫຼາ ໃນລາຄາທີ່ທຸກຄົນສາມາດຈັບຕ້ອງໄດ້ ແລະໃນອະນາຄົດອັນໃກ້ນີ້ ທາງພວກເຮົາມີແຜນທີ່ຈະເປີດຫ້ອງເສື້ອສຳລັບເດັກນ້ອຍ ເຊິ່ງຈະອອກມາໃນຮູບແບບໃດນັ້ນຕ້ອງໄດ້ລໍຖ້າຕິດຕາມພ້ອມກັນໃນໄວໆນີ້.

      ທ່ານໃດທີ່ສົນໃຈໃນຜະລິດຕະພັນຂອງຫ້ອງເສື້ອ L & Three Design ກໍສາມາດເຂົ້າໄປສຳຜັດ ແລະໃຊ້ບໍລິການໄດ້. ສະຖານທີ່ຕັ້ງຢູ່ບ້ານ ວັດໄຕນ້ອຍທ່າ ເມືອງ ສີໂຄດຕະບອງ ນະຄອນຫຼວງວຽງຈັນ ຫຼື ສອບຖາມລາຍລະອຽດໄດ້ທີ່ເບີໂທ 020 5567 5756 ແລະທາງ Facebook/ L&ThreeDesign.


ທີ່ມາ:
  • ຮູບພາບ