• Samsung Galaxy S10/S10+ ເປີດໃຫ້ສັ່ງຈອງແລ້ວ

ໂດຍ: ສີເປື້ອນມື 28 ກຸມພາ 2019 (15.25 ນ.) Read : 69

ໃນວັນທີ 28 ກຸມພາ 2019 ທາງບໍລິສັດ ຊໍາຊຸງ (ປະເທດລາວ) ຈໍາກັດ ໄດ້ຈັດງານໃຫ້ສື່ມວນຊົນສໍາຜັດ Samsung Galaxy S10 ຄັ້ງທໍາອິດກ່ອນໃຜໃນປະເທດລາວ “Media First Look S10 Talk” ທີ່ Major Cineplex ສູນການຄ້າ ວຽງຈັນເຊັນເຕີ. ໃຫ້ກຽດເຂົ້າຮ່ວມງານໄດ້ແກ່: ທ່ານ ແກ້ວ ປະທານຜູ້ບໍລິຫານ 108 ຈອບ, ທ່ານ ນາງ ຕຸກຕາ ຝ່າຍ Product Marketing Samsung Laos, ທ່ານ ນາງ ຈີຈີ້ ເຈົ້າຂອງສິນຄ້າແບຣນ ໄພລິນ ແລະທ່ານ ແກ້ວຄຸງ ຜູ້ກໍ່ຕັ້ງ Cine Art, ບັນດານັກທຸລະກິດ, ຊ່າງພາບ, ນັກໄອທີ, YouTuber ຊື່ດັງ ແລະຊື່ມວນຊົນຢ່າງຫຼວງຫຼາຍ.

Samsung Galaxy S10 ເປັນສະມາດໂຟນອັດສະລິຍະ ຮຸ່ນໃໝ່ຫຼ້າສຸດຂອງ Samsung ເຊິ່ງຈະມີ 2 ຮຸ່ນ ຄື: Samsung Galaxy S10 ແລະ Samsung Galaxy S10+ ທັງສອງຮຸ່ນມີຄວາມໂດດເດັ່ນຫຼາຍຈຸດທີ່ແຕກຕ່າງຈາກຮຸ່ນເກົ່າ ໂດຍສະເພາະແມ່ນເລື່ອງການອອກແບບໜ້າຈໍໃໝ່ແບບກວ້າງສຸດຂອບ (Infinity-O Display), ໜ້າຈໍແບບໂຮງຮູບເງົາ (Cinematic Display) ເຊິ່ງເປັນຄັ້ງທໍາອິດຂອງໂລກທີ່ມາພ້ອມໜ້າຈໍ Dynamic AMOLED ຄຸນນະພາບລະດັບ HDR 10+ ເຊິ່ງມີ Dynamic tone Mapping ທີ່ໃຫ້ລາຍລະອຽດໂທນສີສວຍງາມ ບໍ່ວ່າຈະຢູ່ໃນບ່ອນມືດພຽງໃດກໍຕາມ. ນອກນັ້ນ, ຍັງຊ່ວຍຫຼຸດແສງສີຟ້າທີ່ເປັນອັນຕະລາຍຕໍ່ສາຍຕາຄົນເຮົາເຖິງ 42%, ລະບົບຄວາມປອດໄພທີ່ເໜືອລະດັບ ພ້ອມເທັກໂນໂລຢີ ການລະແກນລາຍນິ້ວມືແບບ Ultrasonic Fingerprint ການສະແກນປົດລັອກຜ່ານໜ້າຈໍ, ແລະໂຫມດຖ່າຍຮູບແບບມືອາຊີບ ທີ່ມີກ້ອງຫຼັງ 3 ເລນ ເຊັ່ນ: Telephoto, Wide-angle ແລະUltrawide ມາພ້ອມກ້ອງໜ້າທີ່ທຽບເທົ່າກ້ອງຫຼັງ ທີ່ສໍາຄັນແມ່ນສາມາດແບ່ງປັນແບັດເຕີລີໃຫ້ກັບໜ່ວຍອື່ນທີ່ບໍ່ແມ່ນຊໍາຊຸງໄດ້.

ສະເປັກຕົວເຄື່ອງ: Samsung Galaxy S10 ໜ້າຈໍ 6.1” (19:9) Dynamic AMOLED, ກ້ອງໜ້າ 10MP (F1.9) 8MP (F2.2), ກ້ອງຫຼັງ 16MP (F2.2), 12MP (F1.5 & F2.4) ແລະ12MP (F2.4),​ ແຣມ 8GB, ໜ່ວຍຄວາມຈໍາຕົວເຄື່ອງ 128GB, ແບັດເຕີລີ 4.100mAh ແລະຮອງຮັບການສາກແບບໄຮ້ສາຍ. ສ່ວນ Samsung Galaxy S10+ ໜ້າຈໍ 6.4” (19:9) Dynamic AMOLED, ກ້ອງໜ້າ 10MP (F1.9), ກ້ອງຫຼັງ 16MP (F2.2), 12MP (F1.5 & F2.4) ແລະ12MP (F2.4),​ ແຣມ 8GB, ໜ່ວຍຄວາມຈໍາຕົວເຄື່ອງ 128GB, ແບັດເຕີລີ 3.400mAh ແລະຮອງຮັບການສາກແບບໄຮ້ສາຍ.

ສ່ວນລາຄາທີ່ຈໍາໜ່າຍໃນ ສປປ ລາວ ແມ່ນ Samsung S10 ລາຄາ 7.590.000 ກີບ ແຖມຟຣີ Galaxy Buds ລວມມູນຄ່າຂອງແຖມທັງໝົດ 1.125.000 ກີບ ແລະSamsung S10+ ລາຄາ 8.390.000 ກີບ ແຖມຟຣີ Galaxy Buds ແລະ Car Charger ລວມມູນຄ່າຂອງແຖມທັງໝົດ 1.465.000 ກີບ.

ພິເສດ: ເປີດໃຫ້ສັ່ງຈອງໄດ້ແລ້ວນັບຕັ້ງແຕ່ມື້ນີ້ເປັນຕົ້ນໄປ ຈົນເຖິງວັນທີ 5 ມີນາ 2019 ຂອງແຖມມີຈໍານວນຈໍາກັດ. ນັດຮັບເຄື່ອງວັນທີ 6-7 ມີນາ 2019.


ທີ່ມາ:
  • ຮູບພາບ