• ນັບຖອຍຫຼັງເຂົ້າສູ່ປີໃໝ່ກັບຄົນຮູ້ໃຈທີ່ ພູຄູນສະຕໍເບີຣີ່

ໂດຍ: ແມວດຳ 18 ທັນວາ 2018 (16.21 ນ.) Read : 957

ໃກ້ຈະຮອດມື້ນັບຖອຍຫຼັງກ້າວສູ່ປີໃໝ່ ມີແຜນໄປທ່ຽວໃສແລ້ວ ຫຼືບໍ່? ລອງຊວນຄົນຮູ້ໃຈແບກເປ້ໄປສຳຜັດລົມໜາວ ນັບຖອຍຫຼັງສູ່ປີໃໝ່ທີ່ສວນ ພູຄູນສະຕໍເບີຣີ່ ເບິ່ງແມ້! ຮັບຮອງວ່າທ່ານຈະບໍ່ຜິດຫວັງ.

ພູຄູນສະຕໍເບຣີ່ ເປັນສະຖານທີ່ທ່ອງທ່ຽວແບບອະນຸລັກ, ນອກຈາກ ຈະມີສະຕໍເບີຣີ່ສົດໆໃຫ້ໄດ້ເກັບແລ້ວຍັງເຮັດໃຫ້ນັກທ່ອງທ່ຽວໄດ້ດື່ມດ່ຳກັບທຳມະຊາດຢ່າງເຕັມທີ່ ເຊິ່ງນັກທ່ອງທ່ຽວສາມາດກາງເຕັ້ນນອນທ່າມກາງບັນຍາກາດທີ່ອ້ອມຮອບໄປດ້ວຍພູເຂົາ, ສາຍລົມໜາວ, ທະເລໝອກ, ມີຈຸດສຳລັບນັ່ງເບິ່ງແສງແສງຕາເວັນທີ່ຈະລັບຂອບຟ້າ ແລະແສງດາວເດືອນໃນຍາມລາຕີ ແລະມັນຈະເປັນການດີຖ້າຫາກທ່ານໄດ້ມີມື້ເລີ່ມຕົ້ນປີໃໝ່ທ່າມກາງບັນຍາກາດທີ່ສົດຊື່ນ ແລະຄວາມງາມຂອງທຳມະຊາດ. ບໍ່ວ່າທ່ານຈະເດີນທາງໄປກັບຄອບຄົວ, ຄົນຮູ້ໃຈ ກໍຖືວ່າເປັນກຳໄລຂອງຊີວິດທີ່ແສນຄຸ້ມຄ່າທີ່ຄັ້ງໜຶ່ງໄດ້ຢູ່ທ່າມກາງທຳມະຊາດແບບເຕັມທີ່ ໂດຍສະເພາະໃນມື້ສົ່ງທ້າຍປີເກົ່າຕ້ອນຮັບປີໃໝ່ ນອກຈາກນີ້, ທ່ານອາດຈະໄດ້ພົບກັບມິດຕະພາບໃໝ່ໆ ແລະອາດໄດ້ຄົນຮູ້ໃຈກັບໄປພ້ອມກັນ.

ຖ້າຫາກທ່ານໃດສົນໃຈຢາກໄປສຳຜັດບັນຍາກາດທີ່ ພູຄູນສະຕໍເບີຣີ່ ກໍສາມາດເດີນທາງໄປໄດ້ທັງລົດສ່ວນຕົວ, ລົດເມ ຫຼືລົດທີ່ໃຫ້ບໍລິການນຳທ່ຽວ, ຖ້າຫາກທ່ານເດີນທາງມາຈາກ ນະຄອນຫຼວງວຽງຈັນ ຕາມເສັ້ນທາງເລກທີ່ 13 ເໜືອ, ໃກ້ຈະຮອດ 3 ແຍກສາລາຄຳພູຄູນ ຈະພົບເຫັນປ້ຳນ້ຳມັນ ພລັສ ຢູ່ເບື້ອງຊ້າຍມື ແລະຈະພົບເຫັນປ້າຍ Strawberry Farm ແລ້ວລ້ຽວລົດເຂົ້າໄປຕາມປ້າຍບອກທາງ ຫຼືທ່ານສາມາດຕິດຕໍ່ສອບຖາມຂໍ້ມູນເພີ່ມເຕີມການຈອງເຕັ້ນນອນ ແລະບໍລິການຕ່າງໆໄດ້ທີ່:

Page: ພູຄູນສະຕໍເບີຣີ່-Phoukoun Strawberry Farm
ໂທ: 0304741889
Whatsapp: 02097888870



ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ