• ປະທານສະຫະກອນຜູ້ຜະລິດກາເຟ ພູພຽງບໍລິເວນ ມອບກາເຟ ໃຫ້ຫ້ອງວ່າການ ສໍານັກງານນາຍົກລັດຖະມົນຕີ

ໂດຍ: Admin Mahason 21 ກຸມພາ 2019 (10.55 ນ.) Read : 109

     ຂປລ.ໃນວັນທີ 20 ກຸມພາ 2019 ທີ່ຫ້ອງວ່າການສໍານັກງານນາຍົກລັດຖະມົນຕີ, ທ່ານ ບຸນທົງ ເທບໄກສອນ, ປະທານສະຫະກອນຜູ້ຜະລິດກາເຟ ເຂດພູພຽງບໍລິເວນ ພ້ອມດ້ວຍຄະນະ ໄດ້ນຳເອົາກາເຟສຳເລັດຮູບ, ເຄິ່ງສຳເລັດຮູບ ແລະ ເຄື່ອງຊົງກາເຟ ມອບໃຫ້ຫ້ອງວ່າການສໍານັກງານນາຍົກລັດຖະມົນຕີ ເພື່ອປະກອບສ່ວນຮັບໃຊ້ກອງປະຊຸມລັດຖະບານ ສະໄໝສາມັນປະຈຳເດືອນກຸມພາ 2019 ກໍ່ຄື ກອງປະ ຊຸມສຳຄັນຕ່າງໆ ໃນຕໍ່ໜ້າ. ຕາງໜ້າໃຫ້ຫ້ອງວ່າການ ສໍານັກງານນາຍົກລັດຖະມົນຕີ ກ່າວຮັບ ແມ່ນທ່ານ ມະໄລທອງ ກົມມະສິດ ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ພ້ອມດ້ວຍພະນັກງານທີ່ກ່ຽວຂ້ອງ ສອງຝ່າຍເຂົ້າຮ່ວມ.
      ການມອບ-ຮັບເຄື່ອງດັ່ງກ່າວໃນຄັ້ງນີ້, ປະກອບມີ ເຄື່ອງຊົງກາເຟໃຫຍ່ 1 ເຄື່ອງ, ເຄື່ອງຊົງກາເຟນ້ອຍ 1 ເຄື່ອງ ແລະ ກາເຟ ຈຳນວນ 40 ກິໂລ ລວມເປັນມູນຄ່າທັງໝົດປະມານ 13 ລ້ານກວ່າກີບ. ໃນໂອກາດດັ່ງກ່າວ, ທ່ານ ມະໄລທອງ ກົມມະສິດ ກໍ່ໄດ້ສະແດງຄວາມຂອບໃຈຕໍ່ ສະຫະກອນຜູ້ຜະລິດກາເຟ ເຂດພູພຽງບໍລິເວນ ທີ່ໄດ້ໃຫ້ການອຸປະຖໍາໃນຄັ້ງນີ້, ຊຶ່ງໄດ້ເປັນສ່ວນໜຶ່ງ ໃນການປະກອບສ່ວນສໍາຄັນ ເຂົ້າໃນວຽກງານລວມຂອງລັດ, ພ້ອມຫວັງຢ່າງຍິ່ງວ່າ ສະຫະກອນຜູ້ຜະລິດກາເຟດັ່ງກ່າວ ຈະສືບຕໍ່ປະກອບສ່ວນຊ່ວຍເຫລືອສັງຄົມລາວ ຕື່ມອີກ.

ທີ່ມາ: ປະເທດລາວ
  • ຮູບພາບ

  • ແທັກທີ່ກ່ຽວຂ້ອງ