• ກຸ່ມກໍ່ການຮ້າຍ “IS” ລະດົມເງິນກຽມ “ໂຈມຕີ” ຮອບໃໝ່

ໂດຍ: ສີເປື້ອນມື 13 ກຸມພາ 2019 (10.28 ນ.) Read : 577

ສຳນັກຂ່າວຕ່າງປະເທດລາຍງານເມື່ອ ວັນທີ 12 ກຸມພາ 2019 ວ່າ: ຄະນະມົນຕີຄວາມໝັ້ັນຄົງແຫ່ງສະຫະປະຊາຊາດ (ຢູເອັນເອສຊີ) ໄດ້ຖະແຫຼງເຕືອນວ່າ ກອງກໍາລັງລັດອິສລາມ (ໄອເອສ) ກໍາລັງຊ່ອງສຸມກໍາລັງພົນ ແລະວາງແຜນກຽມກໍ່ການຮ້າຍທົ່ວໂລກຮອບໃໝ່.

ເຖິງແມ່ນວ່າກ່ອນໜ້ານີ້ ປະທານາທິບໍດີໂດນັລ ທຣັມ ຜູ້ນໍາສະຫະລັດອາເມຣິກາ ຈະປະກາດວ່າກອງກໍາລັງໄອເອສກວ່າ 99,5 ສ່ວນຮ້ອຍຖືກປາບປາມ ລວມເຖິງຖືກຂັບໄລ່ອອກຈາກຊີເຣຍ ແລະ ອີຣັກ ຕັ້ງແຕ່ເດືອນທັນວ່າປີກ່ອນ ທັງຍັງລະບຸໝັ້ນໃຈວ່າໄອເອສຈະປະສົບກັບຄວາມພ່າຍແພ້ 100% ໃນສະມໍລະພູມຊີເຣຍ ໂດຍຈະສູນເສຍອານາເຂດທັງໝົດໃນອີຣັກ ແລະ ຊີເຣຍພາຍໃນອາທິດໜ້າ.

ຄະນະມົນຕີຄວາມໝັ້ນຄົງລະບຸໃນລາຍງານສັນນິຖານວ່າ: ກອງກໍາລັງໄອເອສ ນັກຮົບລະດັບສູງມີຫຼາຍເຖິງ 18.000 ຄົນ ແລະຍັງມີເງິນທຶນໃນການເຮັດສົງຄາມກໍ່ການຮ້າຍເກືອບຮ້ອຍລ້ານໂດລາ ໂດຍເກັບເປັນເງິນສົດ ແລະບາງສ່ວນຖືກກະຈາຍອອກໄປເກັບໃນປະເທດເພື່ອນບ້ານຮອບໆຊີເຣຍ.

ນອກຈາກນີ້, ຍັງເຊື່ອວ່າ ທ່ານ ອາບູ ບັກຣ ອັລ-ແບກເດດີ ຜູ້ນໍາສູງສຸດຂອງ ໄອເອສ ຍັງມີຊີວິດຢູ່ ເຊິ່ງຂໍ້ມູນດັ່ງກ່າວກົງກັບລາຍງານເມື່ອອາທິດທີ່ຜ່ານມາວ່າ: ທ່ານ ແບກແດດີ ປະສົບກັບການໂຈມຕີຂອງແກນນໍາກຸ່ມບາງສ່ວນທີ່ພະຍາຍາມລອບສັງຫານ ແຕ່ໄຫວຕົວທັນ ແລະໜີອອກມາໄດ້ ຈາກນັ້ນ, ສັ່ງໃຫ້ຕັ້ງລາງວັນລ່າຫົວນັກນັກຮົບທີ່ກໍ່ກະບົດ.


ທີ່ມາ: ABC Laos news ສຳນັກຂ່າວເອບີຊີລາວ
  • ຮູບພາບ

  • ແທັກທີ່ກ່ຽວຂ້ອງ