• Great day Great meal @Virtueso cafe&restaurant

ໂດຍ: ດວງຕາວັນ 02 ພະຈິກ 2018 (16.47 ນ.) Read : 790

ຊວນຊິມສະບາຍດີ! ຢູ່ກັບຄໍລ້ຳພວກເຮົາຮັບຮອງບໍ່ຫິວ ແລະບໍ່ເຫງົາ ເພາະເຮົາມີຮ້ານອາຫານ, ຮ້ານກິນດື່ມ ແລະຄາເຟ້ໃຫມ່ໆຫນ້າສົນໃຈມາແນະນຳຢູ່ສະເໝີ. ສະບັບນີ້ຂໍນຳພາທ່ານໄປຮູ້ຈັກກັບຮ້ານອາຫານແຫ່ງຫນຶ່ງທີ່ເໝາະສຳລັບການຮັບປະທານອາຫານທ່ຽງໃນລາຄາສຸດປະຢັດແຕ່ໄດ້ສຳຜັດບັນຍາກາດດີໆສຸດອົບອຸ່ນກັບຮ້ານອາຫານ ເວີຕູໂຊ. 

ຮ້ານອາຫານ ເວີຕູໂຊ ເປັນຮ້ານຫນຶ່ງທີ່ຫາກໍເປີດໄດ້ບໍ່ດົນ ແຕ່ເປັນທີ່ຮູ້ຈັກກັນດີຂອງບັນດາພະນັກງານທີ່ຢູ່ຍ່ານສີເມືອງ. ຢູ່ພາຍນອກຂອງຮ້ານເບິ່ງຊົງຄືລຽບງ່າຍທຳມະດາ ແຕ່ພໍກ້າວຂາໄປດ້ານໃນແລ້ວບັນຍາກາດຈະແຕກຕ່າງໂດຍສິ້ນເຊີງ ດ້ວຍການຕົບແຕ່ງໃນໂທນອົບອຸ່ນ, ແຕ່ກໍແຝງດ້ວຍຄວາມທັນສະໄຫມຄ້າຍກັບວ່າເປັນຫ້ອງຮັບແຂກຂອງເຮືອນຫລັງໃຫຍ່ທີ່ແບ່ງອອກເປັນຫລາຍໂຊນຫລາຍຄວາມຮູ້ສຶກ ແບບທີ່ວ່າຈະມານັ່ງຊິວໆດື່ມກາເຟກໍໄດ້, ຈະມາຮັບປະທານອາຫານທ່ຽງກໍສະດວກສະບາຍ ຫລືຕອນແລງຈະມາຮັບປະທານສະເຕັກຄູ່ກັບວາຍກໍລົງໂຕທີ່ສຸດ.


ສຳລັບເມນູອາຫານທີ່ຂາຍດີຂອງເວີຕູໂຊໄດ້ແກ່ບັນດາເຂົ້າລາດຫນ້າ ຫລືອາຫານຈານດຽວ ນອກຈາກນັ້ນກໍມີອາຫານຕາມສັ່ງເຊັ່ນ ພວກສະເຕັກ, ສະຫລັດ, ພາສຕ້າ, ປາລາດພິກ,...ເມນູຍອດນິຍົມຂອງຄົນທົ່ວໄປແຕ່ກໍມີຄວາມພິເສດສະເພາະຂອງຮ້ານ ສ່ວນເຄື່ອງດື່ມທີ່ລູກຄ້າປາບປື້ມໄດ້ແກ່ສະມູດຕີ້ສະຕໍເບີລີ້ສົດເປັນຕົ້ນ. ລູກຄ້າຫລັກຂອງທາງຮ້ານຈະແມ່ນບັນດາພະນັກງານທັງໃນບໍລິເວນໃກ້ຄຽງ. 

ນອກພື້ນທີ່ເນື່ອງຈາກອາຫານແລະເຄື່ອງດື່ມລາຄາໜ້າຮັກເປັນມິດຕໍ່ກະເປົ໋າເງິນ. ນອກຈາກນີ້,ກໍຍັງມີລູກຄ້າຊາວຕ່າງຊາດ, ກຸ່ມໝູ່ເພື່ອນ ແລະຄອບຄົວທີ່ແວະວຽນເຂົ້າມາເປັນໄລຍະໄລຍະ. 

ຮ້ານອາຫານເວີຕູໂຊ ຕັ້ງຢູ່ບ້ານສີເມືອງ, ເມືອງສີສັດຕະນາກ ກົງກັນຂ້າມກັບວັດສີເມືອງ. ຮ້ານເປີດທຸກໆມື້ເວລາ 7:00-20:00 (ວັນຈັກ-ສຸກ) ແລະ 8:00-20:00 (ວັນເສົາ-ອາທິດ). 

ທາງຮ້ານມີບໍລິການສົ່ງອາຫານເຖິງທີ່ ແລະຮັບຈັດງານລ້ຽງງານສັງສັນທົ່ວໄປ. ໂປຣໂມຊັ້ນປະຈຳ ຮັບປະທານຄົບ 10ຄັ້ງ ຟຣີອາຫານ 1ຈານ. 

ສອບຖາມຂໍ້ມູນເພີ່ມຕື່ມ ໄດ້ທີ່ເບີໂທລະສັບ 020 777 11017. 

Facebook: ຮ້ານອາຫານເວີຕູໂຊ Virtueso cafe &restaurant.




ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ