• ເສດຖະກິດໄຕ້ຫວັນຂະຫຍາຍຕົວຊ້າ ປະສົບບັນຫາການຄ້າ

ໂດຍ: ສີເປື້ອນມື 30 ມັງກອນ 2019 (10.52 ນ.) Read : 181

ສໍານັກຂ່າວຣອຍເຕີຣລາຍງານ ໃນວັນທີ 29 ມັງກອນ 2019 ວ່າ ການເຕີບໂຕທາງດ້ານເສດຖະກິດຂອງໄຕ້ຫວັນຊະລໍໂຕໃນໄຕມາດທີ່ 4 ເນື່ອງຈາກການສົ່ງອອກເທັກໂນໂລຢີໄດ້ຮັບຜົນກະທົບຈາກຄວາມຕ້ອງການທົ່ວໂລກທີ່ຫຼຸດລົງ ແລະ ຜົນກະທົບຈາກສົງຄາມການຄ້າລະຫວ່າງສະຫະລັດ ແລະ ຈີນ.

ການຄາດການສະເລ່ຍໃນການສໍາຫຼວດຂອງຣອຍເຕີ ແລະຂອງນັກເສດຖະສາດຈໍານວນ 14 ຄົນ ສໍາລັບຈີດີພີໃນໄຕມາດ 4 ຄາດວ່າຈະຂະຫຍາຍຕົວ 2% ຈາກປີກ່ອນ ໂດຍໄຕມາດ 3 ໄຕ້ຫວັນລາຍງານການເຕີບໂຕປະຈໍາປີຢູ່ທີ່ 2,27%

ລາຍງານລະບຸວ່າ ຕົວເລກການເຕີບໂຕຂອງເສດຖະກິດເບື້ອງຕົ້ນຈະເປີດເຜີຍໃນວັນພະຫັດ ພ້ອມທັງມີການຖະແຫຼງການສັ້ນໆ ໂດຍຈາກນັ້ນອີກປະມານ 3 ອາທິດຈະມີການເປີດເຜີຍຕົວເລກທີ່ໄດ້ຮັບການແກ້ໄຂພ້ອມລາຍລະອຽດ ແລະ ການຄາດການຕໍ່ໄປ.

ໃນເດືອນພະຈິກ ລັດຖະບານປັບຫຼຸດການຄາດການການເຕີບໂຕທາງເສດຖະກິດລົງເລັກໜ້ອຍສໍາລັບປີ 2018 ແລະ2019 ໂດຍ ຫຼຸດລົງ 2,66% ຈາກລະດັບ 2,69% ແລະ ຫຼຸດລົງ 2,41% ຈາດກ 2,55% ຕາມລໍາດັບ. ທັງນີ້ ຄໍາສັ່ງຊື້ເພື່ອການສົ່ງອອກຂອງໄຕ້ຫວັນ ເປັນດັດຊະນີວັດແທກການສົ່ງອອກທີ່ແທ້ຈິງ ເຊິ່ງໃນອີກບໍ່ເທົ່າໃດເດືອນຂ້າງໜ້າຈະປະສົບກັບພາວະຕົກຕໍ່າທີ່ສຸດໃນຮອບ 2 ປີເຄິ່ງ ໃນເດືອນທັນວາ ນັກວິເຄາະຄາດວ່າການຈັດສົ່ງຂອງໄຕ້ຫວັນຈະໄດ້ຮັບຜົນກະທົບໃນຊ່ວງເຄິ່ງປີທໍາອິດໂດຍສະເພາະຢ່າງຍິ່ງຈາກການຂາຍໄອໂຟນຂອງແອັບເປີ້ນ ໂດຍໃນເດືອນມັງກອນແອັບເປີ້ນ ອິງ ປັບຫຼຸດຍອດຂາຍໄຕມາດໂດຍ ທິມ ຄຸກ ຫົວໜ້າຜູ້ບໍລິຫານກ່າວວ່າສາເຫດຈາກຍອດຂາຍຊະລໍໂຕໃນຈີນ.

TSMC ເຊິ່ງເປັນຜູ້ຜະລິດຊິບສັນຍານລາຍໃຫຍ່ທີ່ສຸດໃນໂລກໄດ້ຫຼຸດການລົງທຶນທັງປີ ແລະ ຄາດການວ່າລາຍຮັບລາຍໄຕມາດຈະຫຼຸດລົງຢ່າງວ່ອງໄວໃນຮອບທົດສະວັດທີ່ຜ່ານມາໂດຍເຂົ້າຮ່ວມກັບບໍລິສັດເທັກໂນໂລຢີຫຼາຍແຫ່ງ ເຊິ່ງເຕືອນວ່າອຸປະສົງສະມາດໂຟນທົ່ວໂລກຊະລໍໂຕລົງ.

ໃນເດືອນທັນວາ ຜ່ານມາທາງການກາງຂອງໄຕ້ຫວັນ ຄາດວ່າ ເສດຖະກິດຈະຂະຫຍາຍຕົວ 2,33% ໃນປີ 2019 ຫຼຸດລົງຈາກການຄາດການກ່ອນໜ້າທີ່ນີ້ 2,48% ນອກຈາກນີ້ທະນາຄານກາງຍັງຄົງອັດຕາດອກເບ້ຍມາດຕະຖານໄວ້ທີ່ 1,375% ເຊິ່ງບໍ່ປ່ຽນແປງຕັ້ງແຕ່ເດືອນມິຖຸນາປີ 2016 ແລະ ກ່າວເສີມວ່າຈະຄົງນະໂຍບາຍການເງິນທີ່ເໝາະສົມເພື່ອສະໜັບສະໜູນເສດຖະກິດ.


ທີ່ມາ: http://raosukunfung.com/2019/01/30/%E0%BB%80%E0%BA%AA%E0%BA%94%E0%BA%96%E0%BA%B0%E0%BA%81%E0%BA%B4%E0%BA%94%E0%BB%84%E0%BA%95%E0%BB%89%E0%BA%AB%E0%BA%A7%E0%BA%B1%E0%BA%99-%E0%BA%8A%E0%BA%B0%E0%BA%A5%E0%BB%8D%E0%BB%82%E0%BA%95%E0%BB%83/?fbclid=IwAR28f6YxnPaWFCe8fR6eGnSP6F9iwnZr5V7Cm87aFyIV95Qgjk8MWyNBGWo
  • ຮູບພາບ

  • ແທັກທີ່ກ່ຽວຂ້ອງ