• ສາລະພັດຕຳ ທີ່ຮ້ານອາຫານ ຫມໍ້ເຂົ້າ Morkhao Restaurant

ໂດຍ: ດວງຕາວັນ 06 ກໍລະກົດ 2018 (12.13 ນ.) Read : 1,593

ຊວນຊິມສະບາຍດີ! ສະບັບນີ້ເອົາໃຈຄົນຕົວເມືອງໃຫຍ່ຜູ້ທີ່ໃຊ້ຊີວິດຢ່າງຮີບຮ້ອນແລ່ນນຳເວລາ ແລະມັກຮັບປະທານອາຫານຈານດ່ວນຈານດຽວ. ແຕ່ເມື່ອຄິດພາບຮ້ານອາຫານຈານດຽວ ຫຼາຍຄົນຕ້ອງຄິດເຖິງອາການຮ້ອນໆແຄມທາງ, ນັ່ງຕັ່ງຢາງ ແລະໂຕະພັບແມ່ນບໍ່ລະ! ແຕ່ສຳລັບຮ້ານທີ່ພວກເຮົາຈະແນະນຳນີ້ແຕກຕ່າງຈາກຮ້ານທົ່ວໄປແນ່ນອນ.

ຮ້ານອາຫານໝໍ້ເຂົ້າເປັນຮ້ານອາຫານທີ່ເນັ້ນເມນູເຂົ້າແບບຈານດຽວ ເສີບໃຫ້ລູກຄ້າແບບວ່ອງໄວທັນໃຈ ເຖິງແມ່ນວ່າຈະເປີດມາໄດ້ 2 ປີແລ້ວ ທາງຮ້ານກໍຍັງຮັກສາມາດຕະຖານໄວ້ດັ່ງເດີມນັ້ນກໍຄື ວັດຖຸດິບທີ່ມີຄຸນນະພາບສົດໃໝ່ທຸກໆມື້ເນື່ອງຈາກຄອບຄົວຂອງເຈົ້າຂອງຮ້ານມີຮ້ານຈຳໜ່າຍຊີ້ນໂດຍກົງ, ເນັ້ນໜັກຣົດຊາດແຊບນົວທີ່ໄດ້ຈາກຊີ້ນສັດເປັນຫຼັກ ຈຳກັດການໃສ່ແປ້ງນົວເພື່ອສຸຂະພາບຂອງຜູ້ບໍລິໂພກ ທີ່ທາງຮ້ານໃສ່ໃຈໃຫ້ຄືກັບຄົນໃນຄອບຄົວດຽວກັນ.
ເມນູທີ່ຂຶ້ນຊື່ຂອງຮ້ານໝໍ້ເຂົ້າ ໄດ້ແກ່ ເຂົ້າຂາໝູ, ໄສ້ພະໂລ້, ເຂົ້າມັນໄກ່, ກ້ວຍຈັບ, ເຂົ້າປຸ້ນນ້ຳແຈ່ວ....ນອກຈາກນີ້, ກໍຍັງມີຊີ້ນຈຸ່ມ ລາຄາພຽງລະ 5000 ກີບ ສ່ວນເຄື່ອງດື່ມ ທາງຮ້ານກໍຈະມີອີກ 1 ໂຊນແຍກອອກໄປເປັນຄາເຟ່ນ້ອຍໆຊື່ວ່າ Coffee Garden

ທີ່ມີກາເຟສູດພິເສດທີ່ເປັນເອກະລັກຂອງທາງຮ້ານພ້ອມດ້ວຍສະມູດຕີ້ເຢັນໆສຳລັບຄົນຮັກສຸຂະພາບ ໂດຍເຄື່ອງດື່ມລາຄາເລີ່ມຕົ້ນພຽງ 10.000 ກີບເທົ່ານັ້ນ ຈຶ່ງເໝາະສົມກັບລູກຄ້າທີ່ເປັນນັກຮຽນ-ນັກສຶກສາ, ພະນັກງານຫ້ອງການ ຫຼືແບບຄອບຄົວ ທີ່ຕ້ອງການມາຮັບປະທານອາຫານທັງຕອນເຊົ້າ, ຕອນທ່ຽງ ແລະຕອນແລງ ພາຍໃຕ້ບັນຍາກາດຮ້ານທີ່ເປີດລ່ວງເຢັນສະບາຍ ແຖມລາຄາຍັງສະບາຍກະເປົ໋າອີກດ້ວຍ.

ຮ້ານໝໍ້ເຂົ້າເປີດທຸກມື້ ສຳລັບເມນູເຂົ້າແມ່ນຕັ້ງແຕ່ 7:30-15:00 ແລະຊີ້ນຈຸ່ມຕັ້ງແຕ່ 8:00-22:00 ວັນອາທິດເປີດຮ້ານຕັ້ງແຕ່ 7:00-15:00 ສະຖານທີ່ແມ່ນຕັ້ງຢູ່ບ້ານ ສີສະຫວາດ, ເມືອງຈັນທະບູລີ ຂ້າງກັບໂຮງຮຽນນາໄຮ່ດຽວ ຫຼືໃຊ້ສວຍກັບສູນອີທີແອລ.

ທາງຮ້ານມີບໍລິການເຮັດເຂົ້າກ໋ອງ ແລະຈັດສົ່ງເຖິງທີ່ ສາມາດໂທສັ່ງຈອງໄດ້ທີ່ເບີ 030 5433 29, 020 5636 9595. Facebook: ຮ້ານອາຫານຫມໍ້ເຂົ້າ Morkhao Restaurant.
ໂປຣໂມຊັ້ນພິເສດ ສຳລັບຊີ້ນຈຸ່ມ 10 ຈານ ຟຣີ 1 ຈານ, ສະສົມແຕ້ມກາເຟ 5 ຈອກ ດື່ມຟຣີ 1 ຈອກ ແລະສ່ວນຫຼຸດຕ່າງໆຢ່າງຫຼວງຫຼາຍ.



ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ