• ເກີດເຫດມືປືນບຸກຍິງຜູ້ຄົນໃນໂບດແຫ່ງໜຶ່ງໃນເທັກຊັສ ອາເມລິກາ ມີຜູ້ເສຍຊີວິດຢ່າງ ໜ້ອຍ 27 ຄົນ ໄດ້ຮັບບາດເຈັບອີກກ່ວາ 25 ຄົນ

ໂດຍ: 06 ພະຈິກ 2017 (12.25 ນ.) Read : 700

ວັນທີ 5 ພະຈິກ 2017 ສຳນັກຂ່າວ RT ລາຍງານ ມີປະຊາຊົນຖືກຍິງເສຍຊີວິດ 20 ກວ່າຄົນ ຈາກເຫດການມືປືນເປີດສາກຍິງເຂົ້າຜູ້ຄົນພາຍໃນໂບດແຫ່ງໜຶ່ງຂອງເມືອງ Sutherland Springsລັດເທັກຊັສ ອາເມລິກາ ທາງການແຈ້ງຕໍ່ສື່ມວນຊົນວ່າ ມືປືນໄດ້ຖືກສັງຫານໂດຍ ເຈົ້າໜ້າທີ່

CNN ອ້າງຄຳເວົ້າຂອງທ່ານ Albert Gamez Jr ນາຍົກເທດສະມົນຕີເມືອງ Wilson Countyຊຶ່ງກ່າວວ່າມີປະຊາຊົນເສຍຊີວິດຢ່າງໜ້ອຍ 27 ຄົນ ຈາກເຫດການຄັ້ງນີ້ ແລະມີຜູ້ ໄດ້ຮັບບາດເຈັບອີກ 20 ກວ່າຄົນ ຜູ້ເຫັນເຫດການເລົ່າວ່າ ໄດ້ມີຊາຍຄົນໜຶ່ງຍ່າງເຂົ້າມາໃນ ໂບດ Baptistໃນເມືອງແຫ່ງນີ້ ຊຶ່ງຢູ່ຫ່າງຈາກ San Antonioປະມານ 48 ກິໂລແມັດ ໃນເວລາ 11:30 ວັນອາທິດ ຕາມເວລາທ້ອງຖິ່ນ

ດ້ານປະທານາທິບໍດີໂດນັນ ທຣັມ ໂພສຂໍ້ຄວາມຜ່ານທະວິດເຕີໃນຂະນະທີ່ກຳລັງຢູ່ໃນນະ ຄອນຫລວງໂຕກຽວ ປະເທດຍີປຸ່ນວ່າ ຂໍໃຫ້ພະຜູ້ເປັນເຈົ້າຢູ່ກັບປະຊາຊົນຊາວ Sutherland Springs ເທັກຊັສ FBI ແລະຝ່າຍບັງຄັບກົດໝາຍ ຢູ່ໃນທີ່ເກີດເຫດແລ້ວ ຂ້າພະເຈົ້າກຳລັງເຜົ້າເບິ່ງ

ຂະນີ້ຍັງບໍ່ມີການເປີດເຜີຍລາຍລະອຽດກ່ຽວກັບມືປືນທີ່ກໍ່ເຫດ ລວມທັງແຮງຈູງໃຈໃນ ການກໍ່ເຫດ ທາງການຍັງບໍ່ລະບຸວ່າເປັນການກໍ່ການຮ້າຍຫລືບໍ່ ເມື່ອຊ່ວງຕົ້ນເດືອນກ່ອນ ກໍ່ມີເຫດມືປືນຍິງຜູ້ຄົນທີ່ໄປເບິ່ງຄອນເສີດທີ່ ລາສເວກັສ ລັດເນວາດາ ມີປະຊາຊົນເສຍຊີ ວິດໄປກ່ວາ 50 ຄົນ ໄດ້ຮັບບາດເຈັບກ່ວາ 500 ຄົນ ເມື່ອອາທິດກ່ອນກໍ່ມີຄົນຮ້າຍຂັບລົດ ບັນທຸກພຸ່ງຕຳຜູ້ຄົນຕາມເລນລົດຖີບ ທີ່ນິວຢອກ

ທີ່ມາ:
  • ແທັກທີ່ກ່ຽວຂ້ອງ