• ງານມະຫະກໍາອະສັງຫາລິມະຊັບ ຄັ້ງທໍາອິດໃນລາວ

ໂດຍ: ສີເປື້ອນມື 15 ມັງກອນ 2019 (13.32 ນ.) Read : 370

ໃນວັນທີ 15 ມັງກອນ 2019 ທາງ Laorealestare.la ຮ່ວມກັບ ສະພາການຄ້າ ແລະອຸດສາຫະກໍາ ແຫ່ງຊາດລາວ (ສຄອຊ) ແລະຜູ້ນໍາດ້ານແຫຼ່ງການຕະຫຼາດອອນລາຍ ເວັບໄຊ www.yula.la ໄດ້ຈັດງານຖະແຫຼງຂ່າວງານມະຫະກໍາອະສັງຫາລິມະຊັບຄັ້ງທໍາອິດໃນລາວ ຂຶ້ນທີ່ ຊັ້ນ 14 ຂອງໂຮງແຮມ ດອນຈັນ ພາເລດ. ໃຫ້ກຽດເປັນປະທານເຂົ້າຮ່ວມງານໄດ້ແກ່: ທ່ານ ນາງ ຈັນທະຈອນ ວົງໄຊ ປະທານ ສະມາຄົມນັກທຸລະກິດ ແມ່ຍິງລາວ ທັງເປັນຮອງປະທານ ສະພາການຄ້າ ແລະອຸດສາຫະກໍາ ແຫ່ງຊາດລາວ ແລະຮອງປະທານກຸ່ມບໍລິສັດ ເຄແອນຊີ, ທ່ານ ເຈມສ໌ ໄວທ໌ເຮດ ຜູ້ບໍລິຫານຂອງ Yula.la ທັງເປັນປະທານບໍລິສັດ ດິຈິຕອນຄລາດຊິຟາບລາວ, ທ່ານ ໂດມິນິກ ວິນລ່ຽມສ໌ ຜູ້ອໍານວຍການໃຫຍ່ APA Insurance Laos, ທ່ານ ໄຊສົມເພັດ ນໍລະສິງ ຮັກສາການຫົວໜ້າກົມສົ່ງເສີມການຄ້າ, ກະຊວງອຸດສາຫະກໍາ ແລະການຄ້າ ແລະທ່ານ ນາງ ລັດຕະນາ ອິນທິພົນ ຮອງຫົວໜ້າກົມ/ຮອງຫົວໜ້າຫ້ອງການ ບໍລິຫານການລົງທຶນ ພ້ອມດ້ວຍແຂກທີ່ຖືກເຊີນ.

ງານມະຫະກໍາອະສັງຫາລິມະຊັບ ປະຈໍາປີ 2019 (Laorealestate.la Expo 2019) ນີ້ແມ່ນຈະໄດ້ນໍາເອົາບັນດາກຸ່ມຄົນ ແລະບໍລິສັດຊັ້ນນໍາຕ່າງໆໃນລາວເຂົ້າຮ່ວມງານ ເຊັ່ນ: ນັກພັດທະນາໂຄງການ, ນັກສະຖາປະນິກ, ຜູ້ຮັບເໝົາກໍ່ສ້າງ, ນາຍໜ້າອະສັງຫາ, ຄົນຂາຍດິນ, ທະນາຄານທີ່ປ່ອຍສິນເຊື່ອເຮືອນ, ບໍລິສັດປະກັນໄພ, ບໍລິສັດ ດ້ານກົດໝາຍ ແລະນັກລົງທຶນອະສັງຫາຈາກຕ່າງປະເທດ. ໃນນີ້ ຈະໄດ້ໂຮມເອົາບັນດາ 40 ກວ່າບູດທ໌ ຈະຈັດວາງສະແດງໃນງານ ແລະຄາດວ່າຈະມີຜູ້ເຂົ້າຮ່ວມເຖິງ 3000 ກວ່າຄົນ ທັງພາຍໃນ ແລະຕ່າງປະເທດ. ນອກນີ້, Laorealestate.la Expo 2019 ຍັງມີຫ້ອງສໍາມະນາ ທີ່ມີການຈັດສໍາມະນາຫຼາຍກວ່າ 20 ຫົວຂໍ້ ໂດຍຕົວແທນຈາກບໍລິສັດ ອະສັງຫາຊັ້ນນໍາໃນລາວ.

ງານວາງສະແດງການລົງທຶນດ້ານອະສັງຫາລິມະຊັບຄັ້ງທໍາອິດໃນລາວ ຈະໄດ້ຈັດຂຶ້ນທີ່ໂຮງແຮມ ດອນຈັນ ພາເລດ ໃນລະຫວ່າງວັນທີ 1-2 ມີນາ 2019 ນີ້. ງານດັ່ງກ່າວໄດ້ເປີດໃຫ້ມວນຊົນລົງທະບຽນເຂົ້າຮ່ວມງານຟຣີ ເພື່ອຈັບສະຫຼາກລຸ້ນໂຊກຮັບສິດໃນການເດີນທາງທ່ອງທ່ຽວຕ່າງປະເທດ ພ້ອມຂອງລາງວັນອື່ນໆ.

ສໍາລັບບໍລິສັດຕ່າງໆ ທີ່ຕ້ອງການເປີດກວ້າງຜະລິດຕະພັນຂອງທ່ານ ແລະສ້າງສາຍສໍາພັນໃໝ່ໆກັບກຸ່ມທຸລະກິດອື່ນໆ ແມ່ນສາມາດຈອງບູດທ໌ເພື່ອຈັດວາງສະແດງ ຫຼືເປັນຜູ້ຮ່ວມສະໜັບສະໜູນໄດ້ຕາມລີ້ງລຸ່ມນີ້:

https://realestatekh.lpages.co/lao-real-estate-expo-2019-lao-attendees/?fbclid=IwAR1hKfT5WpN8Zolq0Zfse0_1mL9I0e89a6OebaNqiNp-OwvR--f266M1LEQ ຫຼືສາມາດຕິດຕໍ່ໄດ້ທີ່ເບີໂທ: +85620 5555 0906 ຫຼືອີເມວ contact@yula.la

ລົງທະບຽນສໍາລັບຜູ້ທີ່ຈະເຂົ້າຮ່ວມງານຟຣີ ກົດທີ່ລີ້ງລຸ່ມນີ້:

https://realestatekh.lpages.co/lao-real-estate-expo-2019-lao-attendees/?fbclid=IwAR0IcccCTS34-gdF0dmhK9j_s-SSYpzOS3X8xYiPNbbtGBRwF02b5UGphEI


ທີ່ມາ:
  • ຮູບພາບ