• ສາວໆຄວນອ່ານ ວິທີເລືອກອາຍຊາໂດ

ໂດຍ: ແມວດຳ 14 ພະຈິກ 2017 (11.41 ນ.) Read : 558

ອາຍຊາໂດ (eye shadow) ຫຼືສີທາເປືອກຕາ ເປັນເຄື່ອງສໍາອາງສໍາໃນການແຕ່ງໜ້າອີກຢ່າງໜຶ່ງທີ່ສາວໆພາດບໍ່ໄດ້ ຫຼາຍຄົນມີອາຍຊາໂດນັບຮ້ອຍສີແຕ່ກໍຍັງບໍ່ຖືກໃຈໃຊ້ບໍ່ຄັກ ເຮົາມີວິທີເລືອກອາຍຊາໂດດີໆທີ່ຈະຊ່ວຍເນລະມິດໃຫ້ເປືອກຕາຂອງສາວໆສວຍງາມໂດດເດັ່ນ.

1. ເລືອກຊະນິດອາຍຊາໂດໃຫ້ດີ ອາຍຊາໂດມີ 2 ຊະນິດຫຼັກໆ ຄືແບບຝຸ່ນ ແລະແບບຄີມ. ແບບຝຸ່ນຈະໃຫ້ຄວາມສະດວກສະບາຍໃນການທາ ສ່ວນແບບຄີມຈະຕິດທົນດົນກວ່າແຕ່ຂ້ອນຂ້າງໜຽວໜັງຕາ. ຂໍແນະນຳແບບຝຸ່ນເໝາະກັບໂທນສີພື້ນໆເນື້ອດ້ານ ເຊັ່ນ ນ້ຳຕານ, ບົວສົ້ມ, ດຳເທົາ....ສ່ວນເນື້ອຄີມເໝາະກັບສີທີປະສົມກຣິດເຕີ້ວິບໆວັບໆ ເຊັ່ນ ສີທອງ 

2.ທົດລອງກ່ອນຊື້ ອາຍຊາໂດທີ່ດີຈະມີເມັດສີ (ພິກເມັ້ນ) ທີ່ແໜ້ນ ພຽງແຕ່ຖູໃສ່ຫຼັງມືຄັ້ງດຽວສີກໍຊັດເຈນ ເມື່ອລອງເອົາມືຖູສີກໍບໍ່ຫຼຸດລອກພໍປານໃດ, ເນື້ອສີຈະລະອຽດສຳຜັດແລ້ວສະບາຍຜິວ ເວລາຊື້ສັງເກດເບິ່ງກັບບັນຈຸ ຖ້າເວລາໃຊ້ຝຸ່ນສີເປິະເປື້ອນກັບຫຼາຍ ຫຼືພຽງແຕ່ເປົ່າສີກໍປິວ ສະແດງວ່າສີບໍ່ອັດແໜ້ນໃຊ້ແລ້ວເປືອງ ເລືອກແບບສີແໜ້ນໆເມັດສີແຈ້ງໆດີກວ່າ ຈະປະຢັດ ແລະເວລາທາບໍ່ເປັນຝຸ່ນຕົກເຮ່ຍໃສ່ຂົນຕາຫຼາຍເກີນໄປ. ສຳລັບອາຊາໂດຊະນິດຄີມເຫຼື້ອມໆໃຫ້ເລືອກແບບທີ່ມີກຣິດເຕີ້ລະອຽດດີກວ່າເວລາທາຈະນວນນຽນກົມກືນ. 

3.ເລືອກພາເລດນ້ອຍໆ ຫາກທ່ານບໍ່ແມ່ນສາວທີ່ມັກຮັກການແຕ່ງໜ້າແບບຫຼາຍສີສັນ ຄັລເລີຟູ ກໍເລືອກອາຍຊາໂດທີ່ເປັນພາເລດນ້ອຍໆມີ 4-7ສີ ທີ່ເປັນໂທນໃກ້ຄຽງໃກ້ (ສ່ວນໃຫຍ່ເຂົາຈະປະສົມສີແບບທີ່ແມັຕເຂົ້າກັນຮຽບຮ້ອຍແລ້ວ). ສີຕາທີ່ສາມາດໃຊ້ໄດ້ທຸກມື້ ສາມາດແຕ່ງໄດ້ແບບ every day looks ແມ່ນສີເອີດໂທນ ໄດ້ແກ່ ນ້ຳຕານ, ທອງ, ສົ້ມ, ເທົາ,...ສີເຫຼົ່ານີ້ຄວນມີໄວ້ຕິດຕູ້ແຕ່ງໜ້າ. 

4.ໃຊ້ອາຍໄພເມີ້ເປັນຕົວຊ່ວຍ ອາຍໄພເມີ້ຄືເບສຄີມທີ່ທາກ່ອນລົງອາຍຊາໂດ ຈະຊ່ວຍໃຫ້ສີຕາຕິດທົນ ແລະສີຈະແຈ້ງຂຶ້ນ. ຫາກທ່ານບໍ່ງົບພໍທີ່ຈະໃຊ້ອາຍຊາໂດຕະກຸນ Urban Decay NAKED ຫຼື TooFace ທີ່ລາຄາແພງເຫຼືອທົນ ກໍຊື້ອາຍຊາໂດໃນ drug store ເຊັ່ນ NYX ຫຼື Etude house ທົດແທນແລ້ວກໍລົງອາຍໄພເມີ້ເສຍກ່ອນ ພຽງເທົ່ານີ້ສີຕາກໍງາມເລີດໄດ້ເຊັ່ນດຽວກັນ. 

5.ແປງທາອາຍຊາໂດກໍສຳຄັນ ສ່ວນຫຼາຍແປງທີ່ຕິດມາໃນກ໋ອງອາຍຊາໂດ ຈະໃຊ້ບໍ່ຄັກປານໃດ ການລົງທຶນກັບແປງ ຫຼືຟອຍແຕ່ງຕາດີໆຈັກ 4-5ດ້າມ ຈະຊ່ວຍໃຫ້ການແຕ່ງຕາຂອງທ່ານມີຄວາມເປັນມືອາຊີບຫຼາຍຂຶ້ນ.



ທີ່ມາ:
  • ຮູບພາບ