• Little Forest Café & Restaurant

ໂດຍ: ດວງຕາວັນ 20 ມິຖຸນາ 2018 (11.59 ນ.) Read : 4,464

ປັດຈຸບັນນີ້ Lifestyle ຂອງໜຸ່ມສາວ ຫຼືກຸ່ມຄົນເຮັດວຽກແມ່ນແຕກຕ່າງຈາກແຕ່ກ່ອນ ເຖິງວ່າວຽກງານ ຫຼືການຮ່ຳຮຽນຈະຫຍຸ້ງຍາກ ຫຼືຮີບດ່ວນຂະໜາດໃດແຕ່ພວກເຮົາກໍບໍ່ລືມທີ່ຈະໃສ່ໃຈຄວາມສຸກເລັກໆນ້ອຍໆຂອງຊີວິດ ເຊັ່ນການຮັບປະທານອາຫານແຊບໆ, ຈິບເຄື່ອງດື່ມເຢັນໆ, ນັ່ງຟັງເພງເບົາໆ ແລະພົບປະໂອ້ລົມກັບໝູ່ເພື່ອນ ເຊິ່ງແນ່ນອນສະຖານທີ່ເຫຼົ່ານັ້ນໄດ້ແກ່ຄາເຟ້ນັ້ນເອງ ຄໍລ້ຳຊວນຊິມເຂົ້າໃຈທ່ານຜູ້ອ່ານເປັນຢ່າງດີ. ສະນັ້ນ, ກໍເລີຍສອດສ່ອງສັນຫາຄາເຟ່ຄຸນນະພາບດີໆມາຕ້ອນມາຝາກ ຮັບຮອງວ່າທ່ານໄປແວ່ແລ້ວຈະບໍ່ຜິດຫວັງແນ່ນອນ.

ໜຶ່ງໃນສະຖານທີ່ທີ່ວ່ານີ້ໄດ້ແກ່ Little Forest Cafe&Restaurant ເປັນຮ້ານນ້ອງໃໝ່ທີ່ຫາກໍເປີດເມື່ອເດືອນ ກຸມພາຜ່ານມາ. ຜູ້ຂຽນໄດ້ມີໂອກາດໄປນັ່ງດື່ມຊານົມເຢັນໆ ແລະໂອ້ລົມກັບເຈົ້າຂອງຮ້ານທີ່ມີຄວາມເປັນກັນເອງ ເລີຍໄດ້ຮູ້ວ່າເພິ່ນເປັນຊາຍໜຸ່ມທີ່ມັກເລາະຕາມຄາເຟ່ທັງພາຍໃນ ແລະຕ່າງປະເທດ ຈົນເກີດເປັນແຮງບັນດານໃຈໃນການສ້າງຄາເຟ່ສຸດໜ້າຮັກ ທີ່ມີເອກະລັກສະເພາະຕົວໂດຍອາໄສພື້ນທີ່ໜ້າບ້ານຂອງຕົນເອງໃຫ້ເກີດປະໂຫຍດ.

ບັນຍາກາດໂດຍລວມຂອງທາງຮ້ານແມ່ນຖືກຕົບແຕ່ງດ້ວຍສີຂຽວຈາກຕົ້ນໄມ້ ແລະໄມ້ປະດັບທີ່ຈັດວາງຢ່າງເປັນລະບຽບຮ້ອຍຮ້ອຍຕັດກັບສີຂາວສະອາດຂອງຫ້ອງ ເຮັດໃຫ້ຮູ້ສຶກຜ່ອນຄາຍສະບາຍຕາ ແລະໜ້ານັ່ງທີ່ສຸດ. ເຖິງວ່າຮ້ານຈະບໍ່ກວ້າງຂວາງຫຼາຍ ແຕ່ກໍຖືກຈັດແບ່ງໄວ້ຢ່າງເປັນສັດສ່ວນ ບໍ່ວ່າຈະເປັນທັງດ້ານນອກ ແລະດ້ານໃນ ທີ່ສຳຄັນຍັງມີມຸມຖ່າຍຮູບງາມໆເອົາໃຈສາວໆຕື່ມອີກ.

ສໍາລັບເມນູເຄື່ອງດື່ມທີ່ຂຶ້ນຊື່ ໄດ້ແກ່ກາແຟທີ່ຖືກຄັດສັນມາເປັນພິເສດທີ່ໄດ້ທັງຣົດຊາດ ແລະຄວາມຫອມລະມຸນ ຮັບປະທານຄູ່ກັບຂອງຫວານຈຳພວກເຄັກສົດແບບສົດໃໝ່ທຸກມື້ ຫຼືໃຜທີ່ຮັກສຸຂະພາບກໍມີສະມູດຕີ້ໝາກໄມ້ສົດພ້ອມເສີບເຊັ່ນດຽວກັນ. ນອກຈາກນັ້ນ, ທາງຮ້ານກໍມີຈັດວາງໃຫ້ມີອາຫານຫຼາກຫຼາຍເມນູ ບໍ່ວ່າຈະເປັນອາຫານຈານດຽວ ຫຼືອາຫານຕາມສັ່ງ ເມນູທີ່ແນະນຳໄດ້ແກ່ ຜັດໄທ, ລາບຈືນ, ຄໍໝູຢ້າງ, ຕົ້ມຍຳ.... ເອີ້ນໄດ້ວ່າຮ້ານນີ້ຈະມານັ່ງຊິວຊິວກໍໄດ້, ຈະມາຮັບປະທານອາຫານຄາບຫຼັກກໍດີ ຫຼື ຈະສັ່ງໃສ່ກ໋ອງໄປຮັບປະທານຢູ່ໂຮງຮຽນ ຫຼືຫ້ອງການກໍບໍ່ມີບັນຫາ ເພາະລາຄາສົມເຫດສົມຜົນທຸກຄົນສາມາດຈ່າຍໄດ້.

Little Forest Cafe&Restaurant ເປີດບໍລິການທຸກມື້ ຕັ້ງແຕ່ 9:00-21:00 ສະຖານທີ່ຕັ້ງຢູ່ບ້ານທາດຂາດ, ເມືອງສີສັດຕະນາກ ກາຍໄຟແດງທາດຂາວໄປເລັກນ້ອຍ (ຢູ່ກົງກັນຂ້າມກັບບຶງຂະຫຍອງ). ໂທລະສັບ: 020 5899 8989 Facebook: Little Forest Cafe & Restaurant.
ໂປຣໂມຊັ້ນພິເສດໄລຍະນີ້ ຫາກລູກຄ້າເຊັກອິນຢູ່ທີ່ຮ້ານ ຮັບສ່ວນຫຼຸດທັນທີ 10%.



ທີ່ມາ: ມິດປະຊາ ຊາຊ້າ
  • ຮູບພາບ

  • ແທັກທີ່ກ່ຽວຂ້ອງ