• ຮ້ານຄໍາ ສໍາລານ ຄົບຮອບ 30 ປີ ແຈກຄໍາໜັກ 30 ບາດ

ໂດຍ: ສີເປື້ອນມື 27 ພະຈິກ 2018 (12.05 ນ.) Read : 245

ໃນວັນທີ 23 ພະຈິກ 2018 ຜ່ານມາທາງຮ້ານຄໍາ ສໍາລານ ໄດ້ຈັດງານສະເຫຼີມສະຫຼອງຄົບຮອບ 30 ປີ ທີ່ສູນການຄ້າ ໄອເຕັກມໍ ຊັ້ນ 7. ໃຫ້ກຽດເຂົ້າຮ່ວມ ໄດແກ່: ທ່ານ ນາງ ສໍາລານ ໂພທິສານ ຜູ້ກໍ່ຕັ້ງ ແລະບໍລິຫານ ຮ້ານຄໍາ ສໍາລານ ພ້ອມດ້ວຍຄອບຄົວ, ບັນດານາຍແບບ-ນາງແບບ ຊື່ດັງຈາກພາຍໃນ ແລະຕ່າງປະເທດ.

ທ່ານ ນາງ ສໍາລານ ໂພທິສານ ໄດ້ກ່າວວ່າ: ໃນຊ່ວງໄລຍະເວລາ 30 ປີຜ່ານມາ ທາງຮ້ານຄໍາ ສໍາລານ ໄດ້ມຸ່ງໝັ້ນພັດທະນາ, ເບິ່ງແຍງ ແລະເອົາໃຈໃສ່ລູກຄ້າດ້ວຍຄວາມຈິງໃຈສະເໝີມາ. ນັບແຕ່ປີ 1988 ຈົນເຖິງປັດຈຸບັນ ກໍຍັງຄົງຮັກສາມາດຕະຖານ ຄວາມສວຍງາມ ແລະເປັນເອກະລັກ ທີ່ລູກຄ້າໃຫ້ຄວາມໄວ້ວາງໃຈ. ເນື່ອງໃນໂອກາດຄົບຮອບ 30 ປີ ພວກເຮົາກໍໄດ້ມອບໂຊກ ຄໍານໍ້າໜັກ 30 ບາດ ເພື່ອເປັນການຄືນກໍາໄລໃຫ້ລູກຄ້າ.

      ນອກນັ້ນ, ທາງຮ້ານຄໍາ ສໍາລານ ຍັງໄດ້ຮ່ວມກັບທາງພາກລັດ ສົ່ງເສີມໂຄງການປະກວດ ນາງສາວ ທູດວັດທະນະທໍາ ແດນຈໍາປາ 2018 “Miss Tourism Queen Laos 2018” ເພື່ອເປັນການສົ່ງເສີມການທ່ອງທ່ຽວ ໃນປີທ່ອງທ່ຽວລາວ 2018, ສົ່ງເສີມວັດທະນະທໍາ ແລະຮີດຄອງປະເພນີອັນດີງາມຂອງລາວ ເຊິ່ງທາງຮ້ານຄໍາ ສໍາລານ ໄດ້ສະໜັບສະໜູນ ມົງກຸດອັນຊົງກຽດ ທັງໝົດ 3 ແບບ, 3 ຄວາມໝາຍ ແລະ3 ເອກະລັກຂອງລາວ ໄດ້ແກ່: ມົງກຸດກັນລະຍາລ້ານຊ້າງ ມູນຄ່າ 150 ລ້ານກີບ ເຊິ່ງມອບໃຫ້ Miss Tourism Universe Laos 2018, ມົງກຸດ ອັນຍະມະນີແຫ່ງແມ່ນໍ້າຂອງ ມູນຄ່າ 100 ລ້ານກີບເຊິ່ງມອບໃຫ້ Miss Universe Laos 2018 ແລະມົງກຸດ ມະນີຈໍາປາ ມູນຄ່າ 80 ລ້ານກີບ ເຊິ່ງມອບໃຫ້ Miss Tourism World Laos 2018.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ