• ຫວັງຈະຊ່ວຍ ແຕ່ຊວຍຊໍ້າ! ຖືກໂຈນຈີ້ເອົາຊັບສິນ

ໂດຍ: ສີເປື້ອນມື 23 ພະຈິກ 2018 (15.08 ນ.) Read : 2,249

#ເຕືອນໄວ້ເປັນອຸທາຫອນ​ ໄປໃສມາໃສຄົນດຽວ​ ຢ່າໄວ້ໃຈໃຜງ່າຍໆ!!

      ເຫດເກີດກັບຊາຍໜຸ່ມຄົນໜຶ່ງ ​ ໃນຄືນຂອງວັນທີ 21 ພະຈິກ 2018 ໄດ້ເກີດມີເຫດໂຈນຈີ້ເອົາລົດ ແລະປາດຄໍເຈົ້າຂອງລົດຈັກ ເຫດເກີດຢູ່ບ້ານ ໂພນຄຳ ເມືອງໂພນໂຮງ ແຂວງວຽງຈັນ ເລື່ອງມີຢູ່ວ່າ ປະມານ​ 10 ໂມງກາງຄືນ ​ໄດ້ມີຄົນຂໍຄວາມຊ່ວຍເຫລືອຢູ່ຕາມທາງໃຫ້ໄປສົ່ງເຮືອນ ກໍຍ້ອນຢາກຊ່ວຍຈຶ່ງໄປ ແຕ່ໄປຮອດບ່ອນທາງປ່ຽວພັດຖືກຈີ້ເອົາຊັບສິນ​ຊ້ຳ ລາວຍອມໃຫ້ເອົາທຸກຢ່າງໄປເພື່ອແລກກັບຊີວິດ ແຕ່ສຸດທ້າຍສະພາບກະຕາມທີ່ເຫັນ ເອັນດູເຂົາເອັນເຮົາຂາດ​ ດີແຕ່ມີດບໍ່ຖືກຈຸດສໍາຄັນ!! ລົດທີ່ຖືກປຸ້ນໄປແມ່ນລົດຈັກເວບ 100 ສີແດງດໍາ ໝາຍເລກທະບຽນ ຈຍ​ 2524 ແຂວງວຽງຈັນ.​

ທ່ານພົບເຫັນລາຍງານໃຫ້ເຈົ້າໜ້າທີ່ ທີ່ຢູ່ໃນເຂດໃກ້ຄຽງຮັບຊາບດ່ວນ ແລະຮ່ວມກັນເປັນຫູເປັນຕາ ເອົາຜູ້ກະທຳຜິດມາລົງໂທດຕາມລະບຽບກົດໝາຍ ພ້ອມທັງຝາກເປັນອຸທາຫອນ ສໍາລັບຜູ້ທີ່ມັກສັນຈອນ ຫຼືເດີນທາງໃນຍາມກາງຄືນ ຈົ່ງມີສະຕິຢ່າງໄປຫຼົງກົນເຊື່ອໃຈໃຜງ່າຍໆ ບໍ່ດັ່ງນັ້ນ, ທ່ານຈະເປັນຄືດັ່ງທ່ານນີ້ ຖ້າຫາກໂຊກບໍ່ດີກໍຄົງຈະເສຍທັງຄົນທັງຊັບ.

ແຈ້ງຂ່າວ: Paiy Phothisath


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ