• ສູນການຄ້າຄົບວົງຈອນ Bazaar-B Cash and Carry

ໂດຍ: ສີເປື້ອນມື 19 ພະຈິກ 2018 (14.04 ນ.) Read : 595

ໃນວັນທີ 16 ພະຈິກ 2018 ຜ່ານມາ ໄດ້ມີການເປີດສູນການຄ້າ Bazaar-B Cash and Carry ຢ່າງເປັນທາງການ ທີ່ທາງຕັດໃໝ່ ຖະໜົນກໍາແພງເມືອງ ເຂດບ້ານ ດອຍກອຍ ເມືອງ ສີສັດຕະນາກ ນະຄອນຫຼວງວຽງຈັນ. ໃຫ້ກຽດເຂົ້າຮ່ວມໄດ້ແກ່: ທ່ານ ສອນໄຊ ສິດພະໄຊ ຮອງຜູ້ວ່າການ ທະນາຄານແຫ່ງ ສປປ ລາວ ແລະທ່ານ ພົງປຣະເສີດ ກັນລະຍາ ປະທານສູນການຄ້າ Bazaar-B Cash and Carryພ້ອມດ້ວຍແຂກທີ່ຖືກເຊີນ ແລະບັນດາລູກຄ້າຢ່າງຫຼວງຫຼາຍ. 

ທ່ານ ພົງປຣະເສີດ ກັນລະຍາ ປະທານສູນການຄ້າ Bazaar-B Cash and Carry ໄດ້ກ່າວວ່າ: Bazaar-B Cash and Carry ເປັນສູນການຄ້າຂາຍສົ່ງທີ່ໃຫຍ່ທີ່ສຸດໃນລາວ ເປັນແຫຼ່ງລວມສິນຄ້າເຄື່ອງອຸປະໂພກ-ບໍລິໂພກຫຼາກຫຼາຍຊະນິດ ທີ່ມີສິນຄ້າເຖິງ 30.000 ກວ່າລາຍການ ແລະເປັນສະຖານທີ່ອໍານວຍຄວາມສະດວກທາງດ້ານເວລາ ເຊິ່ງເປີດໃຫ້ບໍລິການຕັ້ງແຕ່ 6ໂມງເຊົ້າຫາ 12ໂມງກາງຄືນ. ທຸລະກິດຫຼັກຂອງບໍລິສັດ ແມ່ນການດຳເນີນທຸລະກິດສູນຈຳໜ່າຍສິນຄ້າລະບົບສະມາຊິກແບບຈ່າຍເງີນສົດ ແລະ ບໍລິການດ້ວຍຕົນເອງ, ຕອບໂຈດແກ່ລູກຄ້າທຸກໆທ່ານ ທັງຮ້ານຄ້າ, ພັດຕະຄານ, ຮ້ານອາຫານ, ໂຮງແຮມ ລວມໄປເຖິງພໍ່ບ້ານແມ່ບ້ານທີ່ຕ້ອງການຊື້ສິນຄ້າໃນລາຄາທີ່ປະຫຍັດກວ່າ.

      ສູນການຄ້າມີເນື້ອທີ່ກວ້າງເຖິງ 8400 ຕາແມັດ, ມີເດີ່ນຈອດລົດກວ້າງຂວາງສະດວກສະບາຍ ແລະ ອາຄານມີການອອກແບບມາເພື່ອຮອງຮັບການໃຊ້ງານຈຳໜ່າຍສິນຄ້າທີ່ໄດ້ມາດຕະຖານສາກົນ, ມີລະບົບການຈັດການສິນຄ້າທີ່ທັນສະໄໝ, ການຈັດວາງສິນຄ້າມີຄວາມເປັນລະບຽບ ງ່າຍຕໍ່ການເລືອກຊື້ຂອງຜູ້ທີ່ມາໃຊ້ບໍລິການ, ມີການຮຽນຮູ້ ແລະ ການຝຶກອົບຮົມພັດທະນາບຸກຄະລາກອນເພື່ອໃຫ້ມີຄວາມພ້ອມ ແລະ ເຂົ້າໃຈໃນການລິການແກ່ລູກຄ້າ. ສິນຄ້າທຸກໆຢ່າງທີ່ວາງຈຳໜ່າຍ ພວກເຮົາໄດ້ມີການຄັດສັນຄຸນະພາບ, ກວດສອບອາຍຸ ແລະ ມີການເກັບມ້ຽນສິນຄ້າໄວ້ບ່ອນທີ່ມີການຄວບຄຸມອຸນຫະພູມ ເພື່ອໃຫ້ໝັ້ນໃຈໄດ້ວ່າ ຜູ້ບໍລິໂພກຈະໄດ້ສິນຄ້າທີ່ສົດໃໝ່ ແລະ ມີຄຸນນະພາບຢູ່ສະເໝີ.

ພວກເຮົາ ໃຫ້ຄວາມສໍາຄັນໃສ່ໃຈທາງດ້ານຄຸນນະພາບສິນຄ້າ, ການໃຫ້ບໍລິການ, ລາຄາສິນຄ້າທີ່ປະຫຍັດ,  ຊື່ສັດຕໍ່ລູກຄ້າ. ພວກເຮົາພ້ອມທີ່ຈະເປັນອີກສ່ວນໜຶ່ງ ທີ່ຈະຕອບໂຈດທຸກຄວາມຕ້ອງການ ມອບສິ່ງທີ່ດີທີ່ສຸດໃຫ້ກັບທຸກໆທ່ານ ແລະ ໃນອະນາຄົດ Bazaar-B ຈະຍັງສືບຕໍ່ພັດທະນາ ເພື່ອຍົກລະດັບຄຸນນະພາບຊີວິດສັງຄົມ ແລະ ເສດຖະກິດໃຫ້ກ້າວໄປທາງໜ້າຢ່າງບໍ່ຢຸດຢັ້ງ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ