• Huawei Mate 20/20 Pro ສຸດຍອດຄວາມສະຫຼາດດ້ວຍ AI ທີ່ເໜືອກວ່າ

ໂດຍ: ສີເປື້ອນມື 12 ພະຈິກ 2018 (15.14 ນ.) Read : 164

ຫົວເຫວີຍໄດ້ຈັດງານເປີດຕົວ ແລະຈໍາໜ່າຍ “HUAWEI Mate20 ແລະMate 20 Pro” ຂຶ້ນຢ່າງເປັນທາງການ ໃນວັນທີ 11 ພະຈິກ 2018 ທີ່ສູນການຄ້າ ວຽງຈັນເຊັນເຕີ. ໃຫ້ກຽດເຂົ້າຮ່ວມງານ ໄດ້ແກ່: ທ່ານ ຈາງ ໂຈວ ຜູ້ອຳນວຍການຫົວເຫວີຍ ຄອນຊູເມີ ບິສສິເນສ ກຣຸບ ປະເທດລາວ ແລະທ່ານ ລີ ລຽງ ຊວງ ຜູ້ອຳນວຍການບໍລິສັດ ເອັມເຄອີ ອີເລັກໂທນິກ, ທ່ານ ນາງ ຊັດນີີ ສໍາອາງເນດ ຮອງຜູ້ອໍານວຍການ ແລະຜູ້ຈັດການຝ່າຍການຕະຫຼາດ ຫົວເຫວີຍ ຄອນຊູເມີ້ ບິສສິເນສ ກຣຸບ ປະເທດລາວ ພ້ອມດ້ວຍບຸກຄົນໃນວົງການບັນເທີງຢ່າງຫຼວງຫຼາຍ.

       ພາຍໃນງານ ຫົວເຫວີຍຍັງໄດ້ຈັດໃຫ້ລູກຄ້າໄດ້ສໍາຜັດປະສົບການ ແລະທົດລອງນະວັດຕະກຳໃໝ່ໆທີ່ລ້ຳສະໄໝໃນ Huawei Mate20 ແລະMate 20 Pro ຢ່າງເຕັມທີ່ດ້ວຍ Experience zone ທີ່ແບ່ງອອກເປັນ 4 ໂຊນໄດ້ແກ່: AI Camera, Wireless Reverse Charge,  Ultra-Wide Angle ແລະUltimate performance ເຊິ່ງໄດ້ສ້າງຄວາມຕື່ນເຕັ້ນໃຫ້ກັບຜູ້ມາຮ່ວມງານເປັນຢ່າງດີ.

  Huawei Mate20 ແລະ Mate 20 Pro ສຸດຍອດຄວາມສະຫຼາດດ້ວຍ AI ທີ່ເໜືອກວ່າ ມີການອອກແບບຂອງຕົວເຄື່ອງດ້ານຫຼັງແບບ Hyper Optical Pattern ທີ່ສະທ້ອນແສງໄລ່ສີສັນໄດ້ຢ່າງສວຍງາມ ມາພ້ອມກ້ອງຫຼັງ 3 ຕົວໃໝ່ຈາກ Leica ຊຶ່ງທັງ 3 ກ້ອງໃນລຸ້ນຂອງ Huawei Mate20 Pro ປະກອບໄປດ້ວຍ: ກ້ອງເລນ Wide 27mm ຄວາມລະອຽດ 40 ລ້ານພິກເຊວ, f/1.8 ກ້ອງເລນ Ultra-Wide 16mm ຄວາມລະອຽດ 20 ລ້ານພິກເຊວ f/2.2 ແລະກ້ອງເລນ Telephoto 80mm ຄວາມລະອຽດ 8 ລ້ານພິກເຊວ, ຮູຮັບແສງ f/2.4, 3x optical zoom, ໃຊ້ກັນສັ່ນ OIS ພ້ອມແຟສ Dual LED.    

Huawei Mate20 ແລະ Mate20Pro ທຸກລຸ້ນມາພ້ອມໜ່ວຍປະມວນຜົນ Kirin 980 ຊຶ່ງເປັນຊິບເຊັດສະຖາປັດຕະຍະກຳຂະໜາດ 7 ນາໂນເມດ ຕົວທຳອິດຂອງໂລກ ໂດຍມີຈຸດເດັ່ນທີ່ການຝັງຊິບ Dual NPU ຫຼື ຊິບ AI ແບບຄູ່ ຊ່ວຍໃຫ້ມີປະສິດທິພາບ CPU ສູງຂຶ້ນເຖິງ 75% ແຕ່ໃຊ້ພະລັງງານໜ້ອຍລົງ 58% ແລະ ທີ່ສຳຄັນ Huawei Mate20Pro ມີລູກຫລິ້ນ Reverse Charge ປ່ຽນສະມາດໂຟນໃຫ້ກາຍເປັນແບັດເສີມແບບໄຮ້ສາຍໃຫ້ກັບສະມາດໂຟນເຄື່ອງອື່ນທີ່ຮອງຮັບເທັກໂນໂລຢີນີ້ ໂດຍບໍ່ຈຳກັດວ່າຈະເປັນ ISO ຫຼື Android.

    ສໍາລັບໃນປະເທດລາວ ວາງຈໍາໜ່າຍໃນລຸ້ນ Huawei Mate20 ລາຄາ 5,690,000 ກີບ ແລະ Mate 20 Pro ລາຄາ 7,690,000 ກີບ. ທັງ 2 ລຸ້ນມາພ້ອມ RAM 6GB, ໜ່ວຍຄວາມຈຳພາຍໃນ128 GB ໂດຍສີທີ່ເປີດຈຳໜ່າຍ ໄດ້ແກ່: ສີຂຽວມໍລະກົດ Emerald Green, ດໍາ Classic Black (ໃນ Mate 20Pro), ສີແສງເໜືອ Twilight, ສີຟ້ານ້ຳເງິນ Midnight Blue (ໃນMate20).


ທີ່ມາ:
  • ຮູບພາບ