• ຫຼວງພະບາງ ຈັດກິດຈະກໍາບຸນອອກພັນສາ 2018

ໂດຍ: ສີເປື້ອນມື 24 ຕຸລາ 2018 (13.55 ນ.) Read : 365

ການນຳພັກ-ລັດ ພ້ອມທຸດທະສາຊະນິກະຊົນ ນະຄອນຫລວພະບາງ ໄດ້ເຂົ້າຮ່ວມພິທີສູດສັກອານິຈາ​, ຖວາຍສັງຄະທານແຈກເພນແລະ ເທມາຫາຊາດ ເພື່ອນະມັດສະການພະທາດພູສີ ນະຄອນຫລວງພະບາງ ໃນໂອກາດບຸນອອພັນສາປະວໍລະນາ ປະຈຳປີ 2018 ໃນຕອນເຊົ້າຂອງວັນທີ 24 ຕຸລາ 2018.

ທ່ານ ດວງຈັນ ພັນທະວົງ ປະທານແນວລາວສ້າງຊາດ ນະຄອນຫລວງພະບາງ ແຂວງຫລວງພະບາງ ໄດ້ກ່າວວ່າໃນໂອກາດບຸນອອກພັນສາປະວໍລະນາຂອງທຸກໆປີ ນະຄອນຫລວງພະບາງຈະຈັດຫລາຍກິດຈະກຳທາງສາສະໜາ ໃນນັ້ນກໍມີພິທີສູດສັກອານິຈາເທດມາຫາຊາດ,ຖວາຍສັງຂະທານ ແລະ ອື່ນໆ ເພື່ອອຸທິດບຸນກຸສົນໃຫ້ຜູ້ທີ່ວ່ງລັບໄປແລ້ວ ເຊິ່ງເປັນຮີດຄອງປະເພນີອັນດີງາມຂອງປະຊາຊົນຫລວງພະບາງທີ່ປະຕິບັດກັນມາແຕ່ບູຮານະການ.

ນອກຈາກນີ້ໃນຕອນເຊົ້າຍັງມີກິດຈະກຳໃສ່ບາດຕາມຖະໜົນສາຍສຳຄັນ​ ແລະ ວັດວາອາຮາມແຫ່ງຕ່າງໆ​ ພາຍໃນນະຄອນຫລວງພະບາງ,ສ່ວນຕອນຄ່ຳກໍມີການໃຕ້ປະທີບ ຫລື ໂຄມໄພ ເຊິ່ງເປັນກິດຈະກຳໜຶ່ງ ທີ່ສ້າງຄວາມສົນໃຈ​ ໃຫ້ແກ່ນັກທ່ອງທ່ຽວ ທັງພາຍໃນ ແລະ ຕ່າງປະເທດ ໄດ້ເປັນຢ່າງດີສຳລັບຕອນຄ່ຳຂອງວັນທີ 25 ຕຸລາ 2018 ກໍຈະມີພິທີປະກວດເຮືອໄຟ ຕາມຮີດຄອງປະເພນີ.

ຂໍ້ມູນ: ສໍານັກຂ່າວປະເທດລາວ


ທີ່ມາ: http://kpl.gov.la/detail.aspx?id=40048
  • ຮູບພາບ

  • ແທັກທີ່ກ່ຽວຂ້ອງ