• ຈີນ ເປີດຂົວຂ້າມທະເລຍາວສຸດໃນໂລກ “ຮົງກົງ-ມາເກົ໊າ” (ມີຄຣິບ)

ໂດຍ: ແມວດຳ 23 ຕຸລາ 2018 (15.26 ນ.) Read : 1,211

ສໍານັກຂ່າວຕ່າງປະເທດລາຍງານຈາກເມືອງຈູໄຫ່ ປະເທດຈີນ ເມື່ອວັນທີ 23 ຕຸລາ 2018 ວ່າ: ປະທານາທິບໍດີ ສີ ຈິ້ນຜິງ ໄດ້ລົງພື້ນທີ່ ເມືອງຈູໄຫ່ ຕັ້ງຢູ່ບໍລິເວນສາມຫຼ່ຽມປາກແມ່ນໍ້າຈູຈຽງ ຫຼືແມ່ນໍ້າເພິຣລ ທີ່ມົນທົນກວາງຕຸ້ງ ທາງຕອນໃຕ້ຂອງຈີນ ເມື່ອວັນອັງຄານ ເພື່ອເປັນປະທານໃນພິທີເປີດຂົວຂ້າມທະເລຍາວທີ່ສຸດໃນໂລກ ດ້ວຍໄລຍະທາງ 55 ກິໂລແມັດ ຊ່ວຍຍໍ້ໄລຍະເວລາໃນການເດີນທາງລະຫວ່າງເກາະລັນເຕົາ ຮົງກົງ ກັບ ເມືອງຈູໄຫ່ ມົນທົນກວາງຕຸ້ງ ແລະເຂດບໍລິຫານພິເສດ ມາເກົ໊າ ຈາກເດີມທີ່ດົນເຖິງ 3 ຊົ່ວໂມງ ເຫຼືອພຽງ 30 ນາທີ.

ທັງນີ້ ໂຄງສ້າງຫຼັກຂອງຂົວເປັນຮູບຊົງຄ້າຍຕົວອັກສອນວາຍ “Y” ຂອງພາສາອັງກິດ ມີຄວາມຄົງທົນຕໍ່ແຜ່ນດິນໄຫວຮຸນແຮງສູງສຸດ 8.0 ຣິກເຕີ ອຸໂມງລອດໃຕ້ທະເລ ແລະເກາະທຽມຂະໜາດໃຫຍ່ເຊື່ອມກັບໂຕຂົວເຫຼັກ ໂດຍເມກະໂປຣເຈັກດັ່ງກ່າວເລີ່ມການກໍ່ສ້າງເມື່ອປີ 2009 ດ້ວຍວົງເງິນງົບປະມານມະຫາສານ 15,730 ລ້ານຢວນ ຕາມແຜນຍຸດທະສາດຂອງລັດຖະບານປັກກິ່ງໃນການພັດທະນາພື້ນທີ່ບໍລິເວນນີ້ຄື ອ່າວກວາງຕຸ້ງ ຮົງກົງ ແລະມາເກົ໊າໃຫ້ເປັນເຂດ ກີຣດເທີຣ ເບ (Greater Bay Area ) ເຊິ່ງເປັນລະບົບນິເວດທາງເສດຖະກິດທີ່ມີຄວາມສົມບູນແບບ ດ້ວຍການຂັບເຄື່ອນຈາກລະບົບການຄົມມະນາຄົມທີ່ມີການບູລະນາການຢ່າງລົງຕົວ.

ເຖິງແມ່ນວ່າ ໂຄງການກໍ່ສ້າງຂົວດັ່ງກາວນີ້ຈະດໍາເນີນການຊ້າກວ່າກໍານົດໃນຫຼາຍຂັ້ນຕອນເນື່ອງຈາກມີສາເຫດຫຼາຍຢ່າງ, ແຕ່ໃນທີ່ສຸດຂົວ ຮົງກົງ-ຈູໄຫ່-ມາເກົ໊າ ກໍພ້ອມເປີດໃຫ້ບໍລິການແກ່ປະຊາຊົນທົ່ວໄປຕັ້ງແຕ່ວັນພຸດທີ່ 24 ຕຸລາ 2018 ນີ້ເປັນຕົ້ນໄປ.




ທີ່ມາ: ABC Laos News ສຳນັກຂ່າວເອບີຊີລາວ / www.RAOSUKUNGFUNG.com
  • ຮູບພາບ

  • ແທັກທີ່ກ່ຽວຂ້ອງ