• ພູເຂົາໄຟປະທຸ ຫຼັງເຫດແຜ່ນດິນ ແລະສຶນາມິ ທີ່ອິນໂດເນເຊຍ (ມີຄລິບ)

ໂດຍ: ແມວດຳ 04 ຕຸລາ 2018 (14.33 ນ.) Read : 733

ສໍານັກຂ່າວຕ່າງປະເທດລາຍງານຈາກນະຄອນ ຈາກາຕາ ປະເທດອິນໂດເນເຊຍ ເມື່ອວັນທີ 3 ຕຸລາ ວ່າ: ສໍານັກງານບໍລິຫານຈັດການໄພພິບັດແຫ່ງຊາດ (ບີເອັນພີບີ) ລາຍງານວ່າ ພູເຂົາໄຟ “ໂຊປຸຕັນ” ເຊິ່ງມີຄວາມສູງ 1,784 ແມັດ ແລະຕັ້ງຢູ່ທາງເໜືອຂອງເກາະ ສຸລາເວສີ ເກີດການປະທຸເມື່ອຕອນເຊົ້າຂອງວັນພຸດຕາມເວລາທ້ອງຖິ່ນ ໂດຍພູເຂົາໄຟໄດ້ພົ່ນກຸ່ມຄວັນ ແລະເຖົ່າຖ່ານລອຍຂຶ້ນຈາກປາກປ່ອງມີຄວາມສູງປະມານ 4,000 ແມັດ ເບື້ອງຕົ້ນບີເອັນພີບີຂໍຄວາມຮ່ວມມືປະຊາຊົນອາໄສຢູ່ພາຍໃນລັດສະໝີ 6.5 ກິໂລແມັດຈາກບໍລິເວນຈອມພູ ໃຫ້ອົບພະຍົບເພື່ອຄວາມປອດໄພ.

ສະຖານະການດັ່ງກ່າວເປັນໄພພິບັດທີ່ໂຫດຮ້າຍຊ້ຳຊ້ອນທີ່ເກີດຂຶ້ນໃນປະເທດອິນໂດເນເຊຍ ເພາະເປັນຊ່ວງທີ່ປະຊາຊົນທີ່ອາໄສຢູ່ບໍລິເວນພາກກາງ ແລະພາກຕາເວັນຕົກຂອງເກາະ ສຸລາເວສີ ກໍາລັງປະສົບກັບຄວາມເດືອດຮ້ອນຢ່າງໜັກຈາກໄພພິບັດເມື່ອວັນສຸກທີ່ຜ່ານມາ ເຊິ່ງໄດ້ເກີດແຜ່ນດິນໄຫວຮຸນແຮງ 7.5 ຣິກເຕີ ພ້ອມກັບມີຄື້ນສຶນາມິຫຼາຍຮອບຊັດເຂົ້າສູ່ພື້ນທີ່ຝັ່ງ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 1,374 ຄົນ ແລະອີກຫຼາຍກວ່າ 60,000 ຄົນຕ້ອງໄຮ້ທີ່ຢູ່ອາໄສ ນອກຈາກນີ້, ຍັງມີຜູ້ປະສົບໄພຫຼາຍກວ່າ 200,000 ຄົນຕ້ອງການຄວາມຊ່ວຍເຫຼືອຢ່າງເລັ່ງດ່ວນ.


ທີ່ມາ: ABC Laos News ສຳນັກຂ່າວເອບີຊີລາວ / www.RAOSUKUNGFUNG.com
  • ແທັກທີ່ກ່ຽວຂ້ອງ