• ເຮືອບິນ 2 ລໍາລົງຈອດລັນເວດຽວກັນ ຕໍາກັນກາງສະໜາມບິນ (ມີຄຣິບ)

ໂດຍ: ແມວດຳ 04 ຕຸລາ 2018 (14.14 ນ.) Read : 5,465

ສໍານັກງານຕ່າງປະເທດລາຍງານເມື່ອວັນທີ 3 ຕຸລາ 2018 ທີ່ຜ່ານມາວ່າ: ພາບຈາກກ້ອງວົງຈອນປິດສະແດງໃຫ້ເຫັນ ເຮືອບິນຂົນສົ່ງຂອງກອງທັບຊູດານ 2 ລໍາ ລຸ້ນ ອັນໂຕນອຟ 30 ແລະອັນໂຕນອຟ 32 ລົງຈອດເທິງລັນເວດຽວກັນຈົນເຮືອບິນລໍາໜຶ່ງແລ່ນຕໍາທ້າຍຂອງເຮືອບິນອີກລໍາຈົນເກີດປະກາຍໄຟລຸກໄໝ້ກ່ອນທີ່ເຈົ້າໜ້າທີ່ດັບເພີງຈະດັບໄຟໄດ້ຢ່າງທັນການ.

ເຖິງຈະດັບໄຟໄດ້ຢ່າງໄວວາ ແຕ່ເຈົ້າໜ້າທີ່ສະໜາມບິນຄາທູມກໍໄດ້ລາຍງານກັບສໍານັກຂ່າວເອເອຟພີວ່າ: ເຫດການນີ້ໄດ້ກໍ່ໃຫ້ເກີດຄວາມເສຍຫາຍໜັກ ແລະເຮັດໃຫ້ມີຜູ້ໄດ້ຮັບບາດເຈັບຖືກນໍາຕົວສົ່ງໂຮງໝໍ 8 ຄົນ. ເຊິ່ງຄະນະບັນຊາການກອງທັບຊູດານຈະອອກຖະແຫຼງການກ່ຽວກັບອຸບັດຕິເຫດດັ່ງກ່າວໃນໄວໆນີ້.




ທີ່ມາ: ABC Laos News ສຳນັກຂ່າວເອບີຊີລາວ / www.RAOSUKUNGFUNG.com
  • ຮູບພາບ

  • ແທັກທີ່ກ່ຽວຂ້ອງ