• ສາເຫດການຕົກຂອງເຮືອບິນ MH370 ໃນມະຫາສະໝຸດອິນເດຍ (ມີຄິບ)

ໂດຍ: ແມວດຳ 26 ກັນຍາ 2018 (14.29 ນ.) Read : 4,090

ເຊື່ອວ່າຫຼາຍໆທ່ານອາດຈະເຄີຍໄດ້ຍິນຂ່າວ ແລະຍັງຈື່ຈຳກ່ຽວກັບເຫດການເຮືອບິນ MH370 ທີ່ໄດ້ຕົກ ແລະຫາຍສາບສູນລົງໄປໃນມະຫາສະໝຸດອິນເດຍພ້ອມກັບຜູ້ໂດຍສານ 200 ຄົນ, ນັບຕັ້ງແຕ່ວັນທີ 8 ມີນາ 2014 ແຕ່ວ່າສາເຫດການຫາຍສາບສູນຂອງເຮືອບິນລຳດັ່ງກ່າວກໍຍັງເປັນປິດສະໜາ.

ຫຼ້າສຸດ ສຳນັກຂ່າວ ເດິຊັນ ໄດ້ລາຍງານໃນວັນທີ 24 ກັນຍາ 2018 ວ່າ: ລາຍການສາລະຄະດີ ເນຊັນແນລຈີໂອກຣາຟຟິກ ໄດ້ມີການຈຳລອງເຫດການ ເຮືອບິນ MH370 ທີ່ໄດ້ຕົກ ແລະຫາຍສາບສູນຢ່າງປິດສະໜາ, ເຊິ່ງເຮືອບິນລຳດັ່ງກ່າວໄດ້ບິນອອກຈາກ ນະຄອນຫຼວງ ກົວລາລຳເປີ ປະເທດມາະລເຊຍ ແລະມີປາຍທາງແມ່ນ ນະຄອນຫຼວງປັກກິ່ງ ປະເທດຈີນ ເຊິ່ງມີຜູ້ໂດຍສານທັງໝົດ 200 ຄົນ, ເມື່ອເຮືອບິນ MH370 ເດີນທາງອອກຈາກສະໜາມບິນກົວລາລຳເປີເປັນເວລາ 6 ຊົ່ວໂມງ ນ້ຳມັນໃນເຮືອບິນໄດ້ໝົດ ເຮັດໃຫ້ນັກຂັບເຮືອບິນຕ້ອງຫຼຸດລະດັບຄວາມສູງຂອງການບິນລົງຢ່າງໄວວາ, ຈາກນັ້ນເຄື່ອງກົນຈັກທາງດ້ານຂວາຂອງເຮືອບິນກໍເກີດບັນຫາມີໄຟລຸກໄໝ້, ເຮັດໃຫ້ລະບົບອັດຕະໂນມັດໃນເຮືອບິນເຮັດວຽກບໍ່ທັນຈຶ່ງເຮັດໃຫ້ເຮືອບິນລຳດັ່ງກ່າວຕົກລົງໃນມະຫາສະໝຸດອິນເດຍໃນທັນທີ.

ຫຼັງຈາກເຫດການດັ່ງກ່າວກໍໄດ້ມີນັກສໍາຫຼວດຈາກຫຼາຍພາກສ່ວນໄດ້ເຮັດການຄົ້ນຫາສິ້ນສ່ວນຂອງເຮືອບິນ MH370 ແລະໄດ້ພົບກັບບາງສ່ວນຂອງເຮືອບິນທີ່ກະແຈກກະຈາຍຢູ່ໃນຂອບເຂດໃກ້ຄຽງ ແຕ່ຍັງບໍ່ພົບຊາກສົບຂອງຜູ້ໂດຍສານ.



ທີ່ມາ: https://tawenkhow.com/other/15288
  • ຮູບພາບ

  • ແທັກທີ່ກ່ຽວຂ້ອງ