• ທຸລະກິດອອກແບບຕົບແຕ່ງຈັດສວນ ກໍາລັງເປັນທີ່ນິຍົມຂອງສັງຄົມ

ໂດຍ: Admin Mahason 06 ພະຈິກ 2017 (11.56 ນ.) Read : 727

ປັດຈຸບັນມີຊາວຕ່າງປະເທດເຂົ້າມາລົງທຶນເຮັດທຸລະກິດຢູ່ໃນລາວ ຍ້ອນເລັ່ງເຫັນເຖິງການພັດທະນາຂອງເສດຖະກິດບ້ານເຮົາ ຈຶ່ງເຮັດໃຫ້ຫຼາຍປະເທດສົນໃຈເຂົ້າມາລົງທຶນ ແລະດໍາລົງຊີວິດຢູ່ປະເທດເຮົາ.

ທຸລະກິດການອອກແບບຈັດສວນກໍເປັນອີກທຸລະກິດໜຶ່ງທີ່ໄດ້ສ້າງຄວາມສົນໃຈໃຫ້ກັບລູກຄ້າຜູ້ທີ່ສົນໃຈຕົບແຕ່ງສວນພາຍໃນເຮືອນຕົນເອງໃຫ້ມີຄວາມສວຍງາມ ແລະຍັງສ້າງລາຍຮັບໃຫ້ແກ່ຜູ້ປະກອບການດ້ານນີ້ໄດ້ເປັນຢ່າງດີ. ຈາກຈຸດເລີ່ມຕົ້ນພຽງເລັກນ້ອຍສະສົມປະສົບການມາຈົນເຖິງປັດຈຸບັນເຮັດໃຫ້ບໍລິສັດ ຄໍາເກື່ອງ ລາວກາເດີນ ຈໍາກັດຜູ້ດຽວ ມີລູກຄ້າທົ່ວປະເທດເຂົ້າມາໃຊ້ບໍລິການ.

      ທ່ານ ຄໍາເກື່ອງ ສີຈໍາປາ ນັກທຸລະກິດສັນຊາດ ຫວຽດນາມ ອໍານວຍການ ບໍລິສັດ ຄໍາເກື່ອງ ລາວກາເດີນ ຈໍາກັດຜູ້ດຽວ ໄດກ່າວວ່າ: ພາຍຫຼັງທີ່ຕົນເອງໄດ້ຮຽນຈົບສາຂາປ່າໄມ້ຈາກປະເທດຕົນ ກໍໄດ້ມາເລີ່ມລົງມືເຮັດທຸລະກິດຢູ່ລາວໃນປີ 2007 ເປັນຕົ້ນມາ ມີການການບໍລິການຫຼາຍຢ່າງ ເຊັ່ນ: ອອກແບບຈັດສວນດອກໄມ້ປະດັບເຮືອນຊານ ຫຼືຕາມສະຖານທີ່ຕ່າງໆຕາມຄວາມຕ້ອງການຂອງລູກຄ້າ, ອອກແບບຕົບແຕ່ງດອກໄມ້ປະດັບງານລ້ຽງ, ຕົບແຕ່ງຈັດສວນ, ເຮັດນໍ້າພຸ-ນໍ້າຕົກຕາດ, ມີຕົ້ນໄມ້ໃຫ້ເຊົ່າ, ຮັບປູກຫຍ້າ ລາວ ໄທ ແລະຍີ່ປຸ່ນ, ຕົບແຕ່ງຫຍ້າທຽມສະໜາມກ໊ອບ, ປູຫຍ້າທຽມເດີ່ນບານ, ຈໍາໜ່າຍເບ້ຍໄມ້ກິນໝາກ ແລະໄມ້ປະດັບອື່ນໆ.

ບໍລິສັດ ຄໍາເກື່ອງ ມີ 2 ສາຂາ ຄື: ສາຂາ 1 ຕັ້ງຢູ່ບ້ານ ສະພັງເມິກ ແຄມຖະໜົນ 450 ປີ ແລະສາຂາ 2 ຕັ້ງຢູ່ໜອງແຕ່ງ. ທຸລະກິດັ່ງກ່າວນອກຈາກຈະສ້າງລາຍຮັບແລ້ວ ຍັງສົ່ງເສີມໃຫ້ຄົນລາວມີວຽກເຮັດງານທໍາ ແລະຊ່ວຍຫຼຸດມົນລະພິດຄວາມຮ້ອນອີກດ້ານໜຶ່ງ ເປັນການສ້າງເງື່ອນໄຂໃຫ້ແກ່ການປູກໄມ້ເພື່ອທົດແທນຈໍານວນທີ່ສູນເສຍໄປ.

      ສໍາຫຼັບໃຜທີ່ມີຄວາມຕ້ອງການຕົບແຕ່ງສວນ ແລະໃຊ້ບໍລິການຕ່າງໆຂອງບໍລິສັດ ຫຼືຢາກເປັນຕົວແທນຈໍາໜ່າຍ ກໍສາມາດຕິດຕໍ່ພົວພັນໄດ້ໂດຍກົງທີ່ ເບີໂທລະສັບ 020 9999 9368.





ທີ່ມາ: ເສດຖະກິດສັງຄົມ
  • ແທັກທີ່ກ່ຽວຂ້ອງ