• ວັນຊາດເກົາຫຼີເໜືອປີນີ້ຈັດຍິ່ງໃຫ່ຍ ແຕ່ບໍ່ໂຊຂີປະນາວຸດຂ້າມທະວີບ (ມີຄຣິບ)

ໂດຍ: ແມວດຳ 10 ກັນຍາ 2018 (10.34 ນ.) Read : 2,170

ສໍານັກຂ່າວຕ່າງປະເທດລາຍງານຈາກນະຄອນໂຊລ ປະເທດເກົາຫຼີໃຕ້ ເມື່ອວັນທີ 9 ກັນຍາ ວ່າ: ກອງທັບປະຊາຊົນເກົາຫຼີ (ເຄພີເອ) ຈັດການເດີນຂະບວນການສວນສະໜາມຄັ້ງຍິ່ງໃຫຍ່ ທີ່ຈັດຕຸລັດຄິມ ອິລ ຊຸງ ໃນນະຄອນປຽງຢາງ ເມື່ອວັນອາທິດ ໃນໂອກາດວັນຊາດຂອງເກົາຫຼີເໜືອ ເຊິ່ງການຈັດງານໃນປີນີ້ມີຄວາມຍິ່ງໃຫຍ່ຫຼາຍກວ່າປີທີ່ຜ່ານມາ ເນື່ອງຈາກກົງກັບວາລະຄົບຮອບ 70 ປີແຫ່ງການສະຖາປະນາປະເທດ ທີ່ມີຊື່ຢ່າງເປັນທາງການວ່າ ສາທານະລັດປະຊາຊົນເກົາຫຼີ ແລະໃນຕອນຄໍ່າຄືນຂອງວັນດຽວກັນຈະມີການສະເແດງເທດສະການອາຣີຣັງ ຫຼື “ອາຣີຣັງເມສສເກມ” ຄັ້ງທໍາອິດໃນຮອບ 5 ປີດ້ວຍ.

ຂະນະທີ່ເຈົ້າໜ້າທີ່ລະດັບສູງຂອງລັດຖະບານປຽງຢາງເຂົ້າຮ່ວມງານກັນຢ່າງພ້ອມພຽງ ນໍາໂດຍ ທ່ານ ຄິມ ຈອງ-ອຶນ ຜູ້ນໍາສູງສຸດ ແລະ ທ່ານ ຄິມ ຢອງ-ນັມ ປະທານສະພາປະຊາຊົນສູງສຸດແຫ່ງຊາດ ຕະຫຼອດຈົນຜູ້ແທນກິດຕິມະສັກຈາກລັດຖະບານຕ່າງປະເທດ ໜຶ່ງໃນນັ້ນຄືທ່ານ ຫລີ່ ຈ້ານຊູ ປະທານສະພາປະຊາຊົນແຫ່ງຊາດຈີນ (ເອັນພີຊີ) ແລະສະມາຊິກອັນດັບ 3 ຈາກ 7 ອັນດັບຂອງຄະນະກໍາມະການປະຈໍາຂອງກົມການເມືອງແຫ່ງຄະນະກໍາມະການພັກຄອມມູນິດ ຫຼືໂປລິດບູໂຣ ຊຸດທີ່ 19 ກໍໄດ້ມາຢ້ຽມຢາມນະຄອນປຽງຢາງໃນຄັ້ງນີ້ໃນຖະນາຜູ້ແທນຂອງປະທານາທິບໍດີ ສີ ຈິ້ນຜິງ.

ເຖິງແມ່ນວ່າ ເກົາຫຼີເໜືອ ຈັດການສວນສະໜາມສະແດງແສນຍານຸພາບຫຼາຍຄັ້ງໃນແຕ່ລະປີຈົນເກືອບກາຍເປັນ “ເລືື່ອງປົກກະຕິ” ແຕ່ກິດຈະກໍາໃນປີນີ້ແຕກຕ່າງຈາກທຸກຄັ້ງທີ່ຜ່ານມາ ໂດຍສະເພາະຢ່າງຍິ່ງຖືເປັນຄັ້ງທໍາອິດທີ່ບໍ່ມີຂະບວນແຫ່ ແລະໂຊການຍິງຂີປະນາວຸດຂ້າມທະວີບ (ໄອຊີບີເອັມ) ໃນຂະນະທີ່ຄວາມສໍາພັນລະຫວ່າງເກົາຫຼີເໜືອກັບເກົາຫຼີໃຕ້ໃນຕອນນີ້ ພັດທະນາຂື້ນສູ່ລະດັບດີ ໃນແບບທີ່ບໍ່ເຄີຍເກີດຂື້ນມາກ່ອນ ໂດຍມີການແລກປ່ຽນການຢ້ຽມຢາມເພື່ອຍົກລະດັບຄວາມສໍາພັນ ລະຫວ່າງເຈົ້າໜ້າທີ່ລະດັບສູງຂອງທັງສອງປະເທດຫຼາຍຄັ້ງຂື້ນ ເຊິ່ງລວມເຖິງການທີ່ທ່ານ ຄິມ ຈອງ-ອຶນ ສ້າງປະຫວັດສາດເປັນຜູ້ນຳສູງສຸດຂອງເກົາຫຼີເໜືອຄົນທໍາອິດ ຢ້ຽມຢາມເກົາຫຼີໃຕ້ຢ່າງເປັນທາງການ ເມື່ອທ້າຍເດືອນ ເມສາ ທີ່ຜ່ານມາ ແລະ ປະທານາທິດີມຸນ ແຈ-ອິນ ກຽມເປັນຜູ້ນໍາເກົາຫຼີໃຕ້ຄົນທີ່ 3 ທີ່ຈະຢ້ຽມຢາມ ນະຄອນປຽງຢາງ ໃນຊ່ວງກາງເດືອນນີ້.





ທີ່ມາ: ABC Laos News ສຳນັກຂ່າວເອບີຊີລາວ / www.RAOSUKUNGFUNG.com
  • ຮູບພາບ

  • ແທັກທີ່ກ່ຽວຂ້ອງ