• ຢືນຢັນ! ລົດ CHEVROLET BOLT EV ຜະລິດຢ່າງແນ່ນອນ

ໂດຍ: Admin Mahason 22 ກັນຍາ 2017 (00.00 ນ.) Read : 860

ຫຼັງຈາກທີ່ທາງ Chevrolet ໄດ້ອອກມາເຜີຍຮູບຮ່າງລົດພະລັງໄຟຟ້າຕົ້ນແບບທີ່ຮຽກສຽງຮືຮາກັນໄປແລ້ວນັ້ນ. ລ່າສຸດກໍໄດ້ອອກຢືນຢັນແລ້ວວ່າຈະຜະລິດລົດພະລັງງານໄຟຟ້າ Chevrolet Bolt EV ອອກຈຳໜ່າຍແທ້ຢ່າງແນ່ນອນ

ຕາມທີ່ມີຂ່າວລືອອກມາກ່ອນໜ້ານີ້ ພາຍໃນໂຮງງານໂອຣຽນໃກ້ເມືອງດີທຣອຍຂອງ ສະຫະລັດອາເມລິກາ. ທາງ Chevrolet ນັ້ນລະບຸວ່າຈະຜະລິດ Bolt ເປັນລົດທີ່ເປັນພະລັງງານໄຟຟ້າສຳລັບລົດຮູບແບບໃໝ່ ຫຼັງຈາກທີ່ໄດ້ຮັບສຽງຕອບຮັບທີ່ດີຈາກລູກຄ້າທີ່ຕ້ອງການໃຊ້ງານລົດຮຸ່ນນີ້ ໂດຍທາງດ້ານຂອງ ອະລັນ ເບທີ ປະທານກຳມະການຈີເອັມ ອາເມລິກາເໜືອເວົ້າວ່າ: Chevrolet Bolt EV ນັ້ນມີສັກກະຍະພາບພຽງພໍທີ່ຈະປັບປ່ຽນຮູບແບບຕະຫຼາດລົດພະລັງງານໄຟຟ້າໃນປັດຈຸບັນໄດ້. Chevrolet Bolt EV ນັ້ນເປັນລົດພະລັງງານໄຟຟ້າທີ່ມີໄລຍະທາງການເຄື່ອນທີ່ໄດ້ໄກໃນໄລຍະ 322 ກິໂລແມັດ ໂດຍບໍລິສັດຜູ້ຜະລິດນັ້ນຕັ້ງເປົ້າໝາຍຈຳໜ່າຍໃນລາຄາ 30.000 ດອນລາ. ນອກຈາກນີ້ທາງຈີເອັມຍັງໄດ້ໃຊ້ງົບປະມານຫຼາຍກວ່າ 160 ລ້ານດອນລາ ເພື່ອໃຊ້ໃນການອັບເກຼດໂຮງງານປະກອບໂອຣຽນ ໃຫ້ມີຄວາມພ້ອມໃນການຜະລິດ Chevrolet Bolt EV ໃນສ່ວນຂອງໂຮງງານຂຶ້ນຮູບຂອງໂຕຖັງກໍຍັງໄດ້ຮັບເງິນອັດຊີດອີກຫຼາຍກວ່າ 40 ລ້ານດອນລາ ເພື່ອໃຊ້ໃນການປັບປຸງເຄື່ອງຈັກຕ່າງໆອີກດ້ວຍຖືວ່າລົດຮຸ້ນນີ້ໃຊ້ທຶນໃຊ້ເຄື່ອງອຸປະກອນກັນຫຼາຍພໍສົມຄວນ.

ແຫຼ່ງຂ່າວຍັງບອກອີກວ່າ ທາງ Chevrolet ນັ້ນຈະເປີດເຜີຍຂໍ້ມູນເພີ່ມເຕີມໃນອີກບໍ່ດົນນີ້ ແລະ ມີແນວໂນ້ມວ່າຈະຂຶ້ນສາຍການຜະລິດ Chevrolet Bolt EV ແທ້ໆ ໃນເດືອນຕຸລາປີໜ້າ ໂດຍຈະມີການພັດທະນາເທິງ ເພຣດຟອມ Gamma ທີ່ຈະເປັນພື້ນຖານຂອງເຊບໂຣເລັດ ໂຊນິກ ໃນຮູບແບບໃໝ່. ສ່ວນໃຜທີ່ຍັງລໍຄອຍຢູ່ ກໍອົດໃຈລໍຖ້າກັນໜ້ອຍໜຶ່ງເດີ້ ແລະ ຫວັງວ່າໃນອີກບໍ່ດົນນີ້ຈະມາຮອດປະເທດລາວເຮົາ ໄດ້ຊົມໃຊ້ກັນຢ່າງແນ່ນອນ.



ທີ່ມາ:
  • ແທັກທີ່ກ່ຽວຂ້ອງ