• ແຟນບານ ລີເວີພູ ຢູ່ ສປປ ລາວຈັດງານສະຫຼອງແຊ້ມ ພຣີເມຍລີກອັງກິດ ລະດູການ 2019-2020

ໂດຍ: ສີເປື້ອນມື 31 ກໍລະກົດ 2020 (11.13 ນ.) Read : 275

  ໃນວັນທີ 26 ກໍລະກົດ 2020 ,ຢູ່ທີ່ຮ້ານອາຫານຊັນທາຣາ ນະຄອນຫລວງວຽງຈັນ , ຕົວແທນຈໍາໜ່າຍ ເບຍຄາສເບີກ  (Carlsberg)  ແລະ ແຟນບານ ສະໂມສອນ ລີເວີພູ ຈັດພິທີ ສະເຫລີມສະຫລອງ  ສະໂມສອນ ລີເວີພູ ຄອງແຊັມເຕະບານ ພຣີເມຍລີກອັງກິດ ລະດູການ 2019-2020 ຢ່າງຍິ່ງໃຫຍ່ແລະສົມສັກສີ ໃນຮອບ 30 ປີ ເຊິ່ງຈິດຈະກຳສະເຫລີມສະຫລອງ ດັ່ງກ່າວ ເຕັມໄປດ້ວຍແຟນບານ ສະໂມສອນລີເວີພູ  ຢ່າງຫລວງຫລາຍ. 
       ການຈັດກິດຈະກໍາສະເຫລີມສະຫລອງແຊັມຂອງສະໂມສອນລີເວີພູ ເປັນກິດຈະກໍາຂອງແຟນບານຊາວລາວຈັດຂຶ້ນ ໂດຍການອຸປະຖໍາຈາກ ບໍລິສັດ ຕົວແທນຈຳໜ່າຍ ເບຍຄາສເບີກ ທີ່ມີຄວາມມັກຮັກດ້ານກີລາ ກໍຄືສະໂມສອນທີ່ຕົນມັກ ເປັນແຮງຈູງໃຈ ໃຫ້ທຸກຄົນຫັນມາຫລີ້ນກີລາ, ອອກກໍາລັງກາຍ, ພ້ອມທັງ ເປັນບົດຮຽນ ໃນການພັດທະນາວົງການບານເຕະລາວ ກ້າວສູ່ລະດັບອາຊີບ.
ພາຍໃນງານແຟນບານສະໂມສອນ ລີເວີພູ  ໄດ້ຮ່ວມກັນຖ່າຍຮູບ,ຫລີ້ນເກມ ຕອບຄຳຖາມເພື່ອຮັບຂອງລາງວັນ ແລະຮ່ວມຊົມ ນັດສຸດທ້າຍ ລະດູການຂອງສະໂມສອນ ລີເວີພູ ຢ່າງຄຶກຄື້ນມ່ວນຊື່ນ.    ຜົນການແຂ່ງຂັນປາກົດວ່າ ສະໂມສອນ ລີເວີພູ ເອົາຊະນະ ສະໂມສອນ ນິວຄາເຊີ 3-1 ປະຕູ.



ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ