• ລູກຫລານຜູ້ປະສົບໄພ ເມືອງ ສະໜາມໄຊ ສຳເລັດຫລັກສູດວິຊາຊີບຊັ້ນຕົ້ນ

ໂດຍ: ສີເປື້ອນມື 27 ທັນວາ 2019 (15.34 ນ.) Read : 468

ບັນດາລູກຫລານຜູ້ຖືກຜົນກະທົບ 6 ບ້ານ ຈາກເຫດການເຂື່ອນແຕກທີ່ເມືອງສະໜາມໄຊ ຈຳນວນ 44 ຄົນ, ຍິງ 23 ຄົນ ໄດ້ສຳເລັດ ແລະ ໄດ້ຮັບໃບຢັ້ງຢືນການຮຽນ-ການສອນ ວິຊາຊີບ ຊັ້ນຕົ້ນ ລະດັບ 1 ສາຂາວິຊາຕັດຫຍິບເສື້ອຜ້າ ແລະ ສາຂາຊ່າງສ້ອມແປງລົດ ຮຸ່ນທຳອິດ ໃນວັນທີ 26 ທັນວາ 2019 ພາຍຫລັງດຳເນີນມາເປັນເວລາ 3 ເດືອນ ໂດຍໄດ້ຮັບທຶນສະໜັບສະໜູນຈາກ ບໍລິສັດ ພັດທະນາໂຄງການເຂື່ອນໄຟຟ້າເຊປ່ຽນ-ເຊນ້ຳນ້ອຍ(PNPC-SK).
ທ່ານ ຖາວອນ ສຸກດາວົງ ຜູ້ອຳນວຍການ ໂຮງຮຽນ ວິຊາຊີບແບບປະສົມ ແຂວງ ອັດຕະປື ໄດ້ໃຫ້ຮູ້ວ່າ: ຜ່ານການສຶກສາຮໍ່າຮຽນ ເປັນເວລາ 3 ເດືອນ ສານັກສຶກສາສາມາດຮຽນຮູ້ທັງທິດສະດີ ແລະ ພາກປະຕິບັດຕົວຈິງໄດ້ຕາມຫລັກສູດທີ່ໄດ້ຮຽນມາ, ແຕ່ສິ່ງສຳຄັນຂໍຮຽກຮ້ອງມາຍັງພາກສ່ວນກ່ຽວຂ້ອງ ຈົ່ງສະໜັບສະໜູນດ້ານອຸປະກອນເຕັກນິກ ເພື່ອນຳໃຊ້ເຂົ້າໃນຊີວິດຕົວຈິງ ເຮັດໃຫ້ນ້ອງນັກສຶກສາທີ່ຈົບອອກໄປໃນຊຸດນີ້ ເມື່ອກັບໄປທ້ອງຖິ່ນໄດ້ມີວິຊາຊີບທີ່ຍືນຍົງ ປະກອບສ່ວນພັດທະນາຊີວິດການເປັນຢູ່ຂອງຕົນເອງ ແລະ ຄອບຄົວໃຫ້ດີຂຶ້ນເທື່ອລະກ້າວ.



ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ