ເບຍລາວ ຊຸກຍູ້ກີລາບານສົ່ງທົ່ວປະເທດ 185 ກວ່າລ້ານກີບ

ຫນ້າທຳອິດ
ຂ່າວ
ການສຶກສາແລະກີລາ

ເບຍລາວ ຊຸກຍູ້ກີລາບານສົ່ງທົ່ວປະເທດ 185 ກວ່າລ້ານກີບ

ໂດຍ: ສີເປື້ອນມື 21 ພະຈິກ 2019 (17.51 ນ.) Read : 146

ເປີດສາກການແຂ່ງຂັນ ບານສົ່ງໃນຮົ່ມ (ຍິງ-ຊາຍ) ທົ່ວປະເທດ ຊີງຂັນປະທານສະຫະພັນບານສົ່ງແຫ່ງຊາດລາວ ປະຈໍາປີ 2019 ຢ່າງເປັນທາງການ ຢູ່ທີ່ສະໂມສອນກີລາໃນຮົ່ມແຫ່ງຊາດ ຫຼັກ 16 ໃນວັນທີ 20 ພະຈິກ 2019 ຜ່ານມາ. ໂດຍໃຫ້ການສະໜັບສະໜູນໂດຍ: ບໍລິສັດ ເບຍລາວ ຈໍາກັດ ໂດຍຜ່ານຜະລິດພັນນໍ້າດື່ມກາຫົວເສືອ ລວມເປັນເງິນມູນຄ່າ 185 ລ້ານກີບ. ໃຫ້ກຽດເຂົ້າຮ່ວມງານດັ່ງກ່າວໄດ້ແກ່: ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງ ກະຊວງສຶກສາທິການ ແລະ ກີລາ, ທ່ານ ຈັນສະໝອງ ຜ່ອງຈັນທາ ປະທານສະຫະພັນບານສົ່ງແຫ່ງຊາດລາວ ພ້ອມທັງບັນດານັກກີລາເຂົ້າຮ່ວມແຂ່ງຂັນ, ກໍາມະການເຕັກນິກ ແລະກອງເຊຍຢ່າງຫຼວງຫຼາຍ.

ການແຂ່ງຂັນຈະດໍາເນີນໄປຕັ້ງແຕ່ວັນທີ 20-26 ພະຈິກ 2019 ໂດຍມີທີມແຂ່ງຂັນເຂົ້າຮ່ວມທັງໝົດ 19 ທີມ; ໃນນັ້ນ, ມີປະເພດຊາຍ 10 ທີມ ແລະປະເພດຍິງ 9 ທີມ ເລີ່ມແຂ່ງຂັນຕັ້ງແຕ່ເວລາ 8:00-19:00 ໂມງ. ສ່ວນລາງວັນຊະນະເລີດຂອງ 2 ປະເພດ ມີດັ່ງລຸ່ມນີ້:

#ຊະນະເລີດປະເພດທີມຊາຍ ຈະໄດ້ຮັບຂັນເງິນ 1 ໜ່ວຍ ພ້ອມທັງເງິນສົດ 12 ລ້ານກີບ.

- ຮອງຊະນະເລີດອັນດັບ 1: ຈະໄດ້ຮັບເງິນສົດ 8 ລ້ານກີບ.

- ຮອງຊະນະເລີດອັນດັບ 2: ຈະໄດ້ຮັບເງິນສົດ 6 ລ້ານກີບ.

- ຮອງຊະນະເລີດອັນດັບ 3: ຈະໄດ້ຮັບເງິນສົດ 3 ລ້ານກີບ.

#ຊະນະເລີດປະເພດທີມຍິງ ຈະໄດ້ຮັບຂັນເງິນ 1 ໜ່ວຍ ພ້ອມທັງເງິນສົດ 12 ລ້ານກີບ.

- ຮອງຊະນະເລີດອັນດັບ 1: ຈະໄດ້ຮັບເງິນສົດ 8 ລ້ານກີບ.

- ຮອງຊະນະເລີດອັນດັບ 2: ຈະໄດ້ຮັບເງິນສົດ 6 ລ້ານກີບ.

- ຮອງຊະນະເລີດອັນດັບ 3: ຈະໄດ້ຮັບເງິນສົດ 3 ລ້ານກີບ.

ທີ່ມາ: