• ບຣາເດີ ຈັດຄອນເສີດຄັ້ງຍິ່ງໃຫຍ່ "ໃໝ່ ຈະເລີນປຸຣະ"ຄືນກຳໄລໃຫ້ແກ່ລູກຄ້າ

ໂດຍ: ສີເປື້ອນມື 28 ຕຸລາ 2019 (15.00 ນ.) Read : 482

ໃນວັນທີ 25 ຕຸລາ 2019, ທາງບໍລິສັດ BROTHER COMMERCIAL (THAILAND) LTD ໄດ້ຈັດງານຄອນເສີດຄັ້ງຍິ່ງໃຫຍ່ ເພື່ອຄືນກຳໄລໃຫ້ແກ່ລູກຄ້າ ທີ່ສູນກິລາ ລາວ-ຍີ່ປຸ່ນ (Lao – Japan Budo Center) ນະຄອນຫຼວງວຽງຈັນ, ເຊິ່ງໄດ້ນຳເອົາ ວົງ Trio Band ໃນລາວ ແລະ ສິລະປິນ ຈາກປະເທດໄທ ໃໝ່ ຈະເຣີນປຸຣະ ນັກຮ້ອງທີ່ມີຊື່ສຽງ ມາຮ່ວມງານມອບສິ່ງທີ່ພິເສດສຸດໆໃຫ້ແກ່ລູກຄ້າ 1,200 ທ່ານ ທີ່ເຂົ້າຮ່ວມກິດຈະກຳ ບຣາເດີ ຄຸ້ມສຸໂກ້ຍ ຄັ້ງທີ 1 ຕອນ: ສຸໂກ້ຍອິນລາວ ດັ່ງກ່າວທີ່ໄດ້ ຊື້ຜະລິດຕະພັນ ບຣາເດີ ລາຄາ 990,500 ກີບຂື້ນໄປ ກໍໄດ້ຮັບບັດຄອນເສີດໃນງານດັ່ງກ່າວທັນທີ.

ທ່ານ ທີຣະວຸດ ສຸພະພັນພິນໂຍ ຜູ້ອຳນວຍການໃຫຍ່ ບໍລິສັດ BROTHER COMMERCIAL (THAILAND) LTD ໄດ້ກ່າວວ່າ: ບຣາເດີ ຢູ່ໃນຕະຫຼາດຂອງ ສປປ ລາວ ມາຫຼາຍກວ່າ 10 ປີ ແລະ ຜ່ານມາເຮົາໄດ້ມີການຈັດສຳມະນາ ແລະເຮັດກິດຈະກຳທາງການຕະຫຼາດໃນ ສປປ ລາວ ຢ່າງຕໍ່ເນື່ອງ ແລະຄາດວ່າໃນປີ 2020 ໜ້າຈະມີກິດຈະກຳດີໆໃຫ້ກັບລູກຄ້າອີກແນ່ນອນ. ໃນກິດຈະກຳທີ່ຜ່ານມາຖືວ່າຜົນຕອບຮັບໄດ້ດີຫຼາຍ. ສະນັ້ນ, ເພື່ອຕອບໂຈດໃຫ້ແກ່ລູກຄ້າ ພວກເຮົາຈຶ່ງໄດ້ຈັດຄອນເສີດຄັ້ງຍິ່ງໃຫຍ່ຂຶ້ນ ເພື່ອຄືນກຳໄລໃຫ້ແກ່ລູກຄ້າ ໄດ້ມາເຂົ້າຮ່ວມມ່ວນຊື່ນກັບກິດຈະກຳດັ່ງກ່າວ.

ປັດຈຸບັນ ບຣາເດີ ມີຕົວແທນຈຳໜ່າຍ ຮ້ານຄ້າທີ່ຮ່ວມລາຍການ ແລະ ສູນບໍລິການຫຼັງການຂາຍຄົບວົງຈອນຢູ່ໃນ ສປປ ລາວ ເຊັ່ນ: ບໍລິສັດ Jiro Corporation, K-Plaza, ບໍລິສັດ CS Intellect (Lao), Kevin Computer, Souphaxay Computer, W&W Computer ແລະ NSV Computer

ນອກຈາກນີ້, ຍັງມີຄູ່ຮ່ວມທຸລະກິດຈາກໄທ ທີ່ຮ່ວມເຮັດຕະຫຼາດໃນ ສປປ ລາວ ອີກສອງບໍລິສັດຄື: Synnex Laos Sole Co.,LTD ແລະ W&W Computer.

#BrotherLaos #Sugoi_inLaos




ທີ່ມາ:
  • ຮູບພາບ